8 Hi lembe ga wumbiri na va wuyile mutini wa Nungungulu wa lisine, a Jerusalema, hi hweti ya wumbiri, Zerubhabheli, a n’wana wa Salatiyeli, na Jexuwa, a n’wana wa Jehozadhaki, ni vamakabye vabye lava van’wani, va nga vapristi ni vaLevhi, ni vontlhe lava va nga wuyile Jerusalema hi wukhumbini,+ va no sangula ntiro; va no yimisa a vaLevhi va kusukela ka 20 wa malembe kuya hehla lezvaku va wonelela a ntiro wa ku aka a yindlu ya Jehovha.

10 Laha a vaaki va nga zima a ciseketelo ca tempeli ya Jehovha,+ a vapristi va no yima laho na va bohile tinguwo tabye, na va welele mimpundzu,+ zvin’we ni vaLevhi, va nga vana va Asafa, na va hi ni tingomana, va dhumisa Jehovha hi ku landza a cileletelo ca Dhavhidha, a hosi ya Izrayeli.+

14 Ahandle ka lezvo, hosi Khurusi i no humesa a zvibya zva ouro ni zva prata zva yindlu ya Nungungulu lezvi zvi nga hi lomu tempeleni ya le Bhabhuloni, lezvi Nebhukadnezare a nga zvi tekile lomu tempeleni ya Jerusalema a ya zvi veka lomu tempeleni ya le Bhabhuloni.+ Zvi no nyikelwa ka Xexbhazare,*+ loyi Khurusi a nga mu yimisile kota govhernadhori.+

16 Makunu Xexbhazare i nota a ta zima ciseketelo ca yindlu ya Nungungulu+ laha Jerusalema. Kusukela ka cikhati leco kala lezvi, a yindlu ya Nungungulu yo aketwa kanilezvi a yi se mbhela.’+