11 Ku wa hi ni ntlhambi wa hombe wa makhumba+ ma nga kari maga laha citsungeni.+ 12 Hikwalaho, a mimoya yi no mu khongotela, yiku: “Hi rumele ka makhumba kasi hi ya nghena ka wona.” 13 I no yi vhumelela. Hikwalaho, a mimoya ya kubiha yi no huma yi ya nghena ka makhumba, makunu a ntlhambi wu no tsutsuma wu ya wela bimbini wu mbemba. Ku wa hi cipimo ca 2000 wa makhumba. 14 Kanilezvi a varisi va makhumba va no tsutsuma va ya hlawutela mahungu lawo dhoropeni ni ka matshamu ya lomu kusuhani; a vanhu va nota va ta wona lezvi zvi nga mahekile.+ 15 Hikwalaho, va nota ka Jesu va ta wona a wanuna wa madhimoni, yaloyi a nga hi ni cikwata, na a tshamile, na a bohile tinguwo, lezvo na a tiva. Hikwalaho, va no chava. 16 Lava va nga zvi wona, va no va hlawutela lezvi a mhaka leyi yi nga mahekisa zvona ka wanuna loyi a nga hi ni madhimoni ni ka makhumba. 17 Hikwalaho, va no khongotela Jesu lezvaku a huma tikweni gabye.+