Hi kutsala ka Marku

16 Loku a sabhadho+ gi hundzile, Mariya Magdhala,* na Mariya+ a mamani wa Jakobe, na Salome, va no xava mafura yo nuhela kasi va ya tota miri wakwe.+ 2 Hi siku go sangula ga vhiki, va noya cilahleni ni mixo nguvhu a gambo na gi humele.+ 3 Va wa wutisana vaku: “Himani a to hi wumbulutela ribye gi suka laha non’wini wa cilahla?” 4 Kanilezvi laha va nga tlakusa matihlo va cuwuka, va no wona lezvaku a ribye gi wumbulutilwe hambu lezvi gi nga hi ga hombe nguvhu.+ 5 A cikhati leci va nga nghena lomu cilahleni, va no wona a jaha na gi tshamile reveni ga cinene, na gi bohile nguwo yo basa yo leha, va se dzuka. 6 Giku ngalo kabye: “Mu nga chavi.+ Mu lava Jesu wa le Nazareta loyi a delweko mhandzeni. I vhuxilwe.+ A nga kona laha. Wonani a wutshamu legi a nga latilwe ka gona.+ 7 Kanilezvi fambani mu ya byela a vapizani vakwe na Pedro, muku: ‘Wa ranga mahlweni ka n’wina a kuya Galileya.+ Mu ta ya mu wona seyo, kota lezvi a nga mu byela.’”+ 8 Va no huma hi lomu cilahleni va tsutsuma, na va kari va rurumela ni ku hlamala. A va byelangi munhu hakuva va wa chava.*+