Lisimu
149 Dhumisani Jah!*
2 Izrayeli i wa tsakele a Mumahi wakwe wa Hombe;+
A vana va Ziyoni va wa tsakele a Hosi yabye.
3 Va wa dhumise a vito gakwe hi kukina,+
Ni ku yimbelela a tisimu ta ku mu dhumisa* na ku biwa mutandanda ni citende.+
4 Hakuva Jehovha wa tsakiswa hi vanhu vakwe.+
I sasekisa a vakurula hi kuhanyiswa.+
5 A vatsumbekileko va wa tsake hi wudzundzo;
Va wa kulungele hi kutsaka mibhedhini yabye.+
6 A tisimu ta ku dhumisa Nungungulu ti wave mikolweni yabye,
Ni cipadha ca ku tsema seno ni seno ci wave canjeni gabye,
7 Kasi ku phota ka matiko
Ni ku tsayisa mifumo,
8 Kasi ku boha tihosi tabye hi machini,
Ni tihosana tabye hi tinghomondo* ta simbi,
9 Kasi ku va lamula hi kulamula loku ku tsalelweko vona.+
A wudzundzo lego gi lumba a vatsumbekileko vakwe vontlhe.
Dhumisani Jah!*