Kronekele wo sangula

20 Kusanguleni ka lembe,* a cikhati leci a tihosi ti humako tiya yimpini, Jowabe+ i no rangela a butho gi ya hlasela a tiko ga vaAmoni; i noya a ya randzela a tiko ga Rabha,+ kanilezvi Dhavhidha i wa sele Jerusalema.+ Jowabe i no dhumela a tiko ga Rabha a gi hahlula.+ 2 Makunu Dhavhidha i no teka a cidlodlo* hlokweni ya Malkamu a pola lezvaku ci wa peza talenta* yin’we ya ouro niku ci wa hi ni maribye ya lisima; ci no tlhatekiwa hlokweni ya Dhavhidha. I no teka kambe ni muphango wo tala lomu dhoropeni.+ 3 I no khoma vanhu va nga hi ka gona a va sahisa+ maribye, ni ku va tirisa hi feramenta ya simbi yo kariha ni machapo. Hi zvalezvo Dhavhidha a nga maha ka madhoropa wontlhe ya vaAmoni. Hi kugumesa, Dhavhidha ni masochwa wontlhe va no tlhela Jerusalema.

4 Andzhako ka lezvo, ku no vhuka yimpi le Gezera ni vaFilistiya. Ka khati lego, Sibhekayi,+ a muHuxate, i no daya Sipayi, loyi a nga hi wa pswalo wa vaRefayime,+ niku a vaFilistiya va no khoziswa.

5 Ku no vhuka yin’wani yimpi ni vaFilistiya. Elhanana, a n’wana wa Jayira, i no daya Lami, a makabye wa Goliyate,+ a muGati, loyi a tlhari gakwe gi nga hi ni nhonga yo fana ni ya valuki.+

6 Ku no tlhela ku vhuka yin’wani yimpi le Gati.+ Laho ku wa hi ni wanuna wa kulela go hlamalisa,+ wa 6 wa titiho ka canja gin’we ni gin’wani ni 6 wa titiho ka nkondzo wun’we ni wun’wani, ti ku 24 a ku patsa tontlhe; niku yenawu i wa hi wa pswalo wa vaRefayime.+ 7 I wa tshamela ku poyila+ Izrayeli. Hikwalaho, Jonatani, a n’wana wa Ximeya,+ a makabye wa Dhavhidha, i no mu daya.

8 Lava va wa hi va pswalo wa vaRefayime+ va le Gati.+ Va no dawa hi canja ga Dhavhidha ni canja ga malandza yakwe.