Kronekele wo sangula

24 A mitlawa ya vana va Aroni hi leyi: A vana va Aroni hi Nadhabhe, na Abhihu,+ na Eleyazari, na Itamare.+ 2 Hambulezvo, Nadhabhe na Abhihu va file a papayi wabye na a ha hanya,+ niku va vangi ni vana. Kanilezvi Eleyazari+ na Itamare va no simama va tira kota vapristi. 3 Dhavhidha, zvin’we na Zadhoki,+ wa vana va Eleyazari, na Ahimeleki, wa vana va Itamare, va no xaxameta a vapristi hi mitlawa kasi va maha a mitiro yabye. 4 Kota lezvi a vana va Eleyazari va nga hi ni varangeli vo tala a ku hundza vana va Itamare, va no va avelisa zvalezvo: A vana va Eleyazari va wa hi ni 16 wa tihloko ta tiyindlu ta vapapayi vabye, niku a vana va Itamare va wa hi ni 8 wa tihloko ta tiyindlu ta vapapayi vabye.

5 Ahandle ka lezvo, va no yi avanyisa hi tihlolo+ a mitlawa leyi ya yimbiri, hakuva ku wa hi ni varangeli va wutshamu go basa ni varangeli va Nungungulu wa lisine, hi wumbiri ga yona na yi huma ka vana va Eleyazari ni ka vana va Itamare. 6 Hi kulandzela, Xemaya, a n’wana wa Netaneli, a matsalani wa vaLevhi, i no tsala a mavito yabye mahlweni ka hosi, ni ka tihosana, ni ka mupristi Zadhoki,+ ni ka Ahimeleki,+ a n’wana wa Abhiyatari,+ ni ka tihloko ta tiyindlu ta vapapayi ta vapristi ni ta vaLevhi, ku hlawulwa a yindlu yin’we ya vapapayi yiva ya Eleyazari ni yin’wani yiva ya Itamare.

7 A hlolo yo sangula yi no khoma Jehoyaribha, a ya wumbiri yi khoma Jedhaya, 8 a ya wunharu yi khoma Harimu, a ya wumune yi khoma Seyorimu, 9 a ya wutlhanu yi khoma Malkija, a ya wu 6 yi khoma Mijamini, 10 a ya wu 7 yi khoma Hakoza, a ya wu 8 yi khoma Abhija,+ 11 a ya wu 9 yi khoma Jexuwa, a ya wu 10 yi khoma Xekaniya, 12 a ya wu 11 yi khoma Eliyaxibha, a ya wu 12 yi khoma Jakimu, 13 a ya wu 13 yi khoma Hupa, a ya wu 14 yi khoma Jexebheyabhe, 14 a ya wu 15 yi khoma Bhilga, a ya wu 16 yi khoma Imera, 15 a ya wu 17 yi khoma Hezire, a ya wu 18 yi khoma Hapizeze, 16 a ya wu 19 yi khoma Petahiya, a ya wu 20 yi khoma Jehezkeli, 17 a ya wu 21 yi khoma Jakina, a ya wu 22 yi khoma Gamula, 18 a ya wu 23 yi khoma Dhelaya ni ya wu 24 yi khoma Maaziya.

19 Lezvi zvi wa hi zviavelo zvabye mitirweni yabye+ laha va nga nghena ndlwini ya Jehovha hi kuya hi mamahela lawa ma yimisilweko hi kokwani wabye Aroni, a ku khwatsi hi lezvi Jehovha, a Nungungulu wa Izrayeli, a nga mu leletele.

20 Ka vaLevhi lava van’wani: ka vana va Amramu,+ ku wa hi na Xubhayeli;+ ka vana va Xubhayeli, ku wa hi na Jehedheya; 21 ka Rehabhiya:+ ka vana va Rehabhiya ku wa hi na Ixiya, a murangeli; 22 ka vaIzhare ku wa hi na Xelomote;+ ka vana va Xelomote ku wa hi na Jahate; 23 ka vana va Hebroni ku wa hi na Jeriya,+ a hloko; na Amariya, a wa wumbiri; na Jahaziyeli, a wa wunharu; na Jekameyamu, a wa wumune; 24 ka vana va Uziyeli ku wa hi na Mika; ka vana va Mika ku wa hi na Xamira. 25 A makabye wa Mika ku wa hi Ixiya; ka vana va Ixiya ku wa hi na Zakariya.

26 A vana va Merari+ ku wa hi Mali na Muxi; ka vana va Jaaziya ku wa hi na Bheno. 27 A vana va Merari: ka vana va Jaaziya, ku wa hi na Bheno, na Xohamu, na Zakura, na Ibri; 28 ka Mali ku wa hi na Eleyazari, loyi a nga hi hava vana;+ 29 ka Kixi: ka vana va Kixi, ku wa hi na Jerameeli; 30 ni vana va Muxi ku wa hi Mali, na Edhera, na Jerimote.

Lava va wa hi vana va Levhi hi tiyindlu ta vapapayi vabye. 31 Lava vonawu va noba tihlolo,+ a ku khwatsi hi lezvi a vamakabye vabye, a vana va Aroni, va nga mahile mahlweni ka hosi Dhavhidha, na Zadhoki, na Ahimeleki, ni ka tihloko ta tiyindlu ta vapapayi ta vapristi ni ta vaLevhi. Xungetano hi tiyindlu ta vapapayi, a hloko yi wa fana ni ndzisana ya yona.