Isaya

7 Masikwini ya Ahaza,+ a n’wana wa Jothamu, a n’wana wa Uziya, a hosi ya ka Judha, Rezini, a hosi ya Siriya, na Peka,+ a n’wana wa Remaliya, a hosi ya Izrayeli, va nota va talwa yimpi ni Jerusalema, kanilezvi a va* gi hlulangi.+ 2 Va no byela a yindlu ya Dhavhidha, vaku: “Siriya i ti patsile ni Efrayime.”

A mbilu ya Ahaza ni timbilu ta vanhu vakwe ti no sangula ku rurumela a ku khwatsi tisinya ta khwati ti ninginisiwako hi moya.

3 Jehovha i no byela Isaya, aku: “Huma ni n’wana wa wena Xeyar-Jaxubha*+ u ya tlhangana na Ahaza le magumo ka nonga wa citivana ca le hehla,+ kusuhani ni ndlela ya simu ga muhlazvi, 4 u mu byela ku: ‘Ti wonele, u rula. U nga chavi! A mbilu ya wena yi nga mbheli ntamu hi kuchava a zvihunyana lezvi zva zvimbiri zvi tuvikako, hi kota ya zanga yi vhurako ya Rezini, ni ya Siriya, ni ya n’wana wa Remaliya.+ 5 Hakuva Siriya, na Efrayime, ni n’wana wa Remaliya, va ku xuxele cikungo, vaku: 6 “A hi kandziheni hi ya dhumela Judha hi mu hahlulela,* hi mu hlula,* hi yimisa a n’wana wa Tabheeli lezvaku ava hosi yakwe.”+

 7 “‘Jehovha, a Hosi ya Hombe, i ngalo:

10 Jehovha i no engeta a byela Ahaza, aku: 11 “Kombela cikombiso ka Jehovha, a Nungungulu wa wena;+ ci ngava co eta a ku fana ni Cilahla* kutani co tlakuka a ku fana ni tilo.” 12 Kanilezvi Ahaza i te: “Ndzi nga ta kombela nchumu, ne ndzi nga ta ringa Jehovha.”

13 Isaya aku: “O n’wina va yindlu ya Dhavhidha, ndzi ingiseleni. A mu kolwi hi ku ringa a lihlazva-mbilu la vanhu? Mu lava ku ringa ni lihlazva-mbilu la Nungungulu ke?+ 14 Hikwalaho, Jehovha wutsumbu i ta mu nyika cikombiso: A nhanyana i ta xura nyimba a pswala a n’wana wa mufana,+ niku i ta mu chula ku hi Imanuweli.*+ 15 I taga matega ni wulombe a cikhati leci a to tiva a ku ala zvakubiha, a hlawula zvazvinene. 16 Hakuva a mufana na a nga se zvi tiva a ku ala zvakubiha, a hlawula zvazvinene, a tiko ga tihosi timbiri leti u rurumelako hi ku ti chava gi ta maha ciwula.+ 17 Jehovha i ta neha hehla ka wena, ni hehla ka vanhu va wena, ni hehla ka yindlu ya papayi wa wena a masiku ya ku a ma se tshuka mava kona kusukela a siku legi Efrayime a nga ti hambanisa na Judha,+ hakuva Yena i ta neha a hosi ya Asiriya.+

18 “Ka siku lego, Jehovha i taba noti a vitana a tinhongani ta le minongeni ya le kule ya Nilo, le Gibhite, ni tinyoxi ta le tikweni ga Asiriya. 19 Tontlhe ti tata ti ta pomela a mikova ya hombe, ni mikovotlo ya maribye, ni makhuho wontlhe ya mimizwa, ni kontlhe lomu ku nga ni mati.

20 “Ka siku lego, hi likari* li lugarilweko Congweni,* na a tirisa a hosi ya Asiriya,+ Jehovha i ta halula a hloko ya wena, ni mawoya ya minenge ya wena, ni cilevhu ca wena.

21 “Ka siku lego, a munhu i ta fuya a cihon’wana cin’we ca kati ni tiyivhu timbiri. 22 Niku hi kota ya kutala ka masi, i taga a matega, hakuva vontlhe lava va to sala lomu tikweni va taga matega ni wulombe.

23 “Ka siku lego, lomu ku nga hi ni 1000 wa mivhina* yi ringanako a 1000 wa zvingerengere zva prata ku tava ni makhuho ya mimizwa ni nyasavari basi. 24 A vanhu va ta nghena lomo ni mawura ni mipaxa, hakuva a tiko gontlhe gi ta tala hi makhuho ya mimizwa ni nyasavari. 25 Ni ka zvontlhe a zvitsunga lezvi zvi nga kari zvi rimiwa hi cikomu, u nga ta tiya ku tshinela ka zvona hi ku chava a makhuho ya mimizwa ni nyasavari; zvi tava wuriselo ga tihomu, zvi kandzihetelwa hi tiyivhu.”