Kronekele wo sangula

18 Andzhako ka cikhati co kari, Dhavhidha i no hlula vaFilistiya a va khozisa a tlhela a teka Gati+ ni zvidhoropana zva kona canjeni ga vaFilistiya.+ 2 Hi kulandzela, i no hlula Mowabhi,+ niku a vaMowabhi va nova malandza ya Dhavhidha, va humesa ndzuvo* kakwe.+

3 Dhavhidha i no hlula Hadhadhezera,+ a hosi ya Zobha,+ kusuhani ni Hamate,+ laha a ngaya a ya tiyisa wuhosi gakwe cipandzeni ca Congo wa Eufrate.+ 4 Dhavhidha i no khoma a 1000 wa tikareta, ni 7000 wa vakhileli va mahaxi, ni 20 000 wa masochwa ya ku famba hi minenge.+ Andzhako ka lezvo, Dhavhidha i no tsemelela a misiha ya mahaxi ya ku koka tikareta ya Hadhadhezera a siya a 100 wa wona basi.+ 5 Laha a vaSiriya va le Dhamasku va ngata va ta vhuna Hadhadhezera, a hosi ya le Zobha, Dhavhidha i no daya a 22 000 wa vaSiriya.+ 6 Dhavhidha i no yimisa a ntlawa wa masochwa le Siriya wa Dhamasku, niku a vaSiriya va nova malandza ya Dhavhidha, va humesa ndzuvo* kakwe. Jehovha i wa mu nyika a kuhlula Dhavhidha ni kwihi lomu a ngaya kona.+ 7 Ahandle ka lezvo, Dhavhidha i no teka zvitlhangu zva redhonda zva ouro ka malandza ya Hadhadhezera a zvi neha Jerusalema. 8 Le Tibhate ni le Kuna, a madhoropa ya Hadhadhezera, Dhavhidha i no teka a kobre yo tala. A kobre leyo hi leyi Solomoni a nga maha hi yona a Bimbi ga kobre,+ ni mapilari, ni zvibya zva kobre.+

9 Laha hosi Towu wa le Hamate a ngazwa lezvaku Dhavhidha i hlulile a butho gontlhe ga hosi Hadhadhezera+ wa le Zobha,+ 10 i no tekela ku rumela Hadhoramu, a n’wana wakwe, ka hosi Dhavhidha kasi a ya tiva kuvhuka kakwe ni ku mu dzundza hi lezvi a ngalwa na Hadhadhezera a mu hlula, hakuva Hadhadhezera i wa tala kulwa na Towu. Hadhoramu i nota ni zvibya zva ouro, ni zva prata, ni zva kobre zva tixaka tontlhe. 11 Hosi Dhavhidha i no zvi basisela Jehovha,+ zvin’we ni prata, ni ouro leyi a tekeleko matiko wontlhe lawa: Edhomi, ni Mowabhi, ni vaAmoni,+ ni vaFilistiya,+ ni vaAmaleki.+

12 Abhixayi,+ a n’wana wa Zeruya,+ i no hlasela a 18 000 wa vaEdhomi Nkoveni wa Munyu.+ 13 I no yimisa mitlawa ya masochwa le Edhomi niku a vaFilistiya vontlhe va no maha malandza ya Dhavhidha.+ Jehovha i wa mu nyika kuhlula Dhavhidha ni kwihi lomu a ngaya kona.+ 14 Dhavhidha i no simama ku fumela Izrayeli yentlhe.+ I wa fuma hi nongameto ni kululama kasi ku vhuna vanhu vakwe vontlhe.+ 15 Jowabe, a n’wana wa Zeruya, i wa hi murangeli wa butho;+ Jehoxafati,+ a n’wana wa Ahiludha, i wa hi muhlayisi wa timhaka; 16 Zadhoki, a n’wana wa Ahitubha, na Ahimeleki, a n’wana wa Abhiyatari, va wa hi vapristi; Xavxa i wa hi matsalani. 17 Bhenaya, a n’wana wa Jehoyadha, i wa hi murangeli wa vaKereti+ ni vaPeleti.+ A vana va Dhavhidha va wa landzela hosi hi cikhundla.