Zakariya
3 I no ndzi komba Joxuwa,+ a mupristi wa hombe, na a yimile mahlweni ka ngilozi ya Jehovha, niku Sathani+ i wa yimile tlhelweni gakwe ga cinene kasi ku mu vhukela. 2 Hi kulandzela, a ngilozi ya Jehovha yi no byela Sathani, yiku: “Jehovha i wa ku kawuke, wena Sathani,+ ina, Jehovha loyi a hlawulileko Jerusalema+ i wa ku kawuke! A wanuna loyi a hi lihunyi li susilweko ndzilweni ke?”
3 Joxuwa i wa bohile tinguwo to nyenyeza na a yimile mahlweni ka ngilozi. 4 A ngilozi yi no byela lava va nga yimile mahlweni ka yona, yiku: “Mu tlhatlheni a tinguwo takwe to nyenyeza.” Yi gumesa yiku kakwe: “Wa zvi wona, ndzi susile cigoho* ca wena; u ta bohiwa tinguwo ta tinene.”+
5 Hikwalaho, ndzi te: “I wa bohiwe turbhanti* yo basa hlokweni yakwe.”+ Va no mu boha turbhanti yo basa hlokweni yakwe va tlhela va mu boha a tinguwo; a ngilozi ya Jehovha yi wa yimile laha kusuhani. 6 A ngilozi ya Jehovha yi no gumesa yi byela Joxuwa, yiku: 7 “Jehovha wa mabutho i ngalo: ‘Loku u famba tindleleni ta mina u tlhela u maha mitiro ya wena mahlweni ka mina, u tava mulamuli lomu ndlwini ya mina+ u tlhela u hlayisa* mitsendzele* ya mina; ndzi ta ku vhumelela u nghena hi kutlhatlheka cikari ka lava va yimileko laha.’
8 “‘Zwana, wena Joxuwa, a mupristi wa hombe, ni vanghana va wena lava va tshamileko mahlweni ka wena, hakuva a vavanuna lava cikombiso; ndzi ta neha a nandza ga mina+ gi vitaniwako ku hi Hluke!+ 9 Hi nga wona a ribye ndzi gi vekileko mahlweni ka Joxuwa! Hehla ka ribye legi ga gin’we ku na ni 7 wa matihlo. Ndzi ta kehla mutsalo hehla ka gona’, ku wula Jehovha wa mabutho, ‘niku ndzi ta susa a nandzu wa tiko lego hi siku gin’we.’+
10 “‘Ka siku lego’, ku wula Jehovha wa mabutho, ‘a mun’we ni mun’wani wa n’wina i ta ramba muakelani wakwe a ta tshama naye lahasi ka vhina* wakwe ni nkuwu wakwe.’”+