Lisimu
Ka muchuli; kasi li yimbelelwa na ku biwa a zvichaya-chaya zva tingoti. Lisimu la Dhavhidha.
4 Ndzi hlamule loku ndzi ku vitana, wena Nungungulu wa mina wa kululama.+
Ndzi vhulele a ndlela ya ku huluka hlomulweni wa mina.
Ndzi mahele wuxinji, uzwa a mukhongelo wa mina.
2 N’wina vana va vanhu, kala rini na ma ha hundzula a wudzundzo ga mina giva tingana ke?
Kala rini na ma ha randza zvilo zvi nga vhuniko nchumu ni ku hlota zvilo zva mawunwa ke? (Sela)
3 Tivani lezvaku Jehovha i ta mu khoma hi ndlela yo hlawuleka a tsumbekileko wakwe.*
Jehovha i ta ndzizwa loku ndzi mu vitana.
4 Zangarani, kanilezvi mu nga wonhi.+
Wulawulani timbilwini ta n’wina, na mu hi mibhedhini ya n’wina, mu miyela. (Sela)
5 Nyikelani a miphahlo ya kululama,
Mu tsumba Jehovha.+
6 Ku na ni votala va nge: “Himani a to hi komba zvilo zva zvinene?”
O Jehovha, hi woningele hi kuwonekela ka nghohe ya wena.+
7 U tatile a mbilu ya mina hi kutsaka ka hombe
A ku hundza lava va nga ni tshovelo wa hombe wa timbewu ni vhinyo yiswa.