Lisimu
Ka muchuli: Kasi li yimbelelwa na ku biwa a zvichaya-chaya zva tingoti. Lisimu la Asafa.+
3 Laho i no tshoveletela a mipaxa yi vhurako ya wura,
Ni citlhangu, ni cipadha, ni matlhari ya yimpi.+ (Sela)
4 Wena wa ngangamela nguvhu;*
U wa hombe nguvhu a ku hundza a zvitsunga zvi teleko hi zvihari zva kuhlota.
5 A va ku tiya hlanha va phangilwe.+
Va khomilwe hi wurongo;
A masochwa wontlhe a ma zvi kotangi ku ti lwela.+
6 Hi kukawuka ka wena, O Nungungulu wa Jakobe,
A vakhileli va tikareta ni mahaxi va khomilwe hi wurongo ga tshongotshongo.+
7 Hi wena wece u hlamalisako.+
Himani a nga tiyelako a zanga ya wena ya hombe ke?+
8 U huwelele kulamula na u hi tilweni;+
A misava yi no chava, yi miyela,+
9 A cikhati leci Nungungulu a nga suka a yima a lamula,
Kasi a ponisa vontlhe a vakurula va laha misaveni.+ (Sela)
10 Hakuva a zanga ya vanhu yi ta ku maha u dhumiswa;+
U ta ti sasekisa hi cipandze ci seleko ca zanga yabye.
11 Mahani zvifungo ka Jehovha, a Nungungulu wa n’wina, mu tlhela mu zvi tatisa.+
Vontlhe lava va mu randzeleko va wa nehe a cinyikiwo cabye hi kuchava.+
12 I ta koramisa a matshandza ya* varangeli;
Wa chaviwa hi tihosi ta misava.