Kronekele wo sangula

22 Hikwalaho, Dhavhidha i te ngalo: “A yindlu ya Jehovha, a Nungungulu wa lisine, yi tava kwalaha; ni alati ga munyikelo wa kuhiswa wa va ka vaIzrayeli gi tava kwalaha.”+

2 Dhavhidha i no vitanisa a valuveli+ lava va nga hanya tikweni ga Izrayeli, a ta va yimisa a kuva vatsemi va maribye kasi va tsema ni ku longisela maribye ya ku aka hi wona a yindlu ya Nungungulu wa lisine.+ 3 Dhavhidha i no longisela ni tisimbi to tala kasi ku maha hi tona a zvipikiri zva ku belela a tivati ta tinyangwa ni ku maha a mabrasadhera, ni kobre yo tala nguvhu ya ku zvi wa nga koteki ku yi peza,+ 4 ni mapulango yo tala ya sedhare+ ya tsandza-vahlayi, hakuva a vaSidhoni+ ni vaTire+ va wa tisile mapulango yo tala ya sedhare ka Dhavhidha. 5 Dhavhidha i te ngalo: “A n’wana wa mina, Solomoni, wa ha hi muswa niku a nga na wutlhari,*+ kuveni a yindlu leyi yi lavako ku akelwa Jehovha yi fanele kuva yo saseka yi hundzeleta,+ kasi a nduma ni kusaseka ka yona+ zvi tiviwa matikweni wontlhe.+ Hikwalaho, ndzi ta mu longiselela.” Hi cigelo leco, Dhavhidha i no longisela materiyali yo tala nguvhu na a nga sefa.

6 Ahandle ka lezvo, i no vitana a n’wana wakwe Solomoni a ta mu leletela lezvaku a mu akela yindlu Jehovha, a Nungungulu wa Izrayeli. 7 Dhavhidha i no byela a n’wana wakwe Solomoni, aku: “A kuxuva ka mbilu ya mina ku wa hi ku gi akela yindlu a vito ga Jehovha, a Nungungulu wa mina.+ 8 Kanilezvi a mhaka ya Jehovha yi nota ka mina, yi taku: ‘U halatile a nkhata wo tala ni kulwa tiyimpi ta hombe. U nga ta gi akela yindlu a vito ga mina,+ hakuva u halatile a nkhata wo tala laha misaveni mahlweni ka mina. 9 Tiva lezvi: U ta pswala n’wana wa mufana+ loyi a tova wanuna wa kurula,* niku mina ndzi ta mu nyika kuhumula ka valala vakwe vontlhe lava va mu randzeleko,+ hakuva a vito gakwe i tava Solomoni,*+ niku masikwini yakwe, ndzi ta mu nyika kurula ni kutshamiseka Izrayeli.+ 10 Hi yena a to gi akela yindlu a vito ga mina.+ I tava n’wana wa mina, niku mina ndzi tava papayi wakwe.+ Ndzi ta yimisa citshamu ca wuhosi ca mufumo wakwe ci tiya hehla ka Izrayeli kala kupindzuka.’+

11 “Makunu, n’wananga, ngha Jehovha ava zvin’we na wena, niku ngha u humelela, u aka a yindlu ya Jehovha, a Nungungulu wa wena, khwatsi hi lezvi a wulileko xungetano hi wena.+ 12 Ntsena lezvaku Jehovha i wa ku nyike a wutlhari ni kuzwisisa+ a cikhati leci a to ku nyika ntamu hehla ka Izrayeli, kasi u hlayisa a nayo wa Jehovha, a Nungungulu wa wena.+ 13 U ta humelela loku u hlayisa khwatsi a milayo+ ni zvileletelo zva Jehovha zva kulamula lezvi a layileko Mosi lezvaku a nyika Izrayeli.+ Tiya hlanha uva ni ntamu. U nga chavi hambu ku tsemeka hlanha.+ 14 Ndzi tirile yi nga chayi na ndzi longiselela zva yindlu ya Jehovha: 100 000 wa titalenta* ta ouro, ni 1 000 000 wa titalenta ta prata, ni kobre yo tala ni tisimbi+ to tala laha ka ku a zvi koteki ku zvi peza. Ndzi longisele ni mapulango ni maribye,+ kanilezvi wena u ta engetela. 15 U na ni vavanuna vo tala va ku tira — a vatsemi va maribye, ni valulamiseli va maribye,+ ni vavatli, ni tixaka tontlhe ta vatiri va tlharihileko.+ 16 A ouro, ni prata, ni kobre, ni tisimbi a zvi na ku pimiwa.+ Suka u yima u sangula ku tira; ngha Jehovha ava zvin’we na wena.”+

17 Hi kulandzela, Dhavhidha i no laya tihosana tontlhe ta Izrayeli lezvaku ti vhuna a n’wana wakwe Solomoni, aku: 18 “Kasi Jehovha, a Nungungulu wa n’wina, a nga zvin’we na n’wina ke? A nga mu nyikangi kuhumula matlhelweni wontlhe ke? Hakuva i nyikele a vaaki va tiko legi canjeni ga mina, niku a tiko legi gi khozisilwe mahlweni ka Jehovha ni mahlweni ka vanhu vakwe. 19 Makunu ti yimiseleni hi mbilu ya n’wina yontlhe ni muhefemulo* wa n’wina wontlhe a ku hlota Jehovha, a Nungungulu wa n’wina,+ mu sangula ku aka a wutshamu go basa ga Jehovha, a Nungungulu wa lisine,+ kasi mu neha a arke* ga civhumelwano ca Jehovha ni zvibya zvo basa zva Nungungulu wa lisine+ lomu ndlwini yi akelweko a vito ga Jehovha.”+