Lisimu
Lisimu la kukandziha.
132 O Jehovha, alakanya Dhavhidha
Ni kontlhe a kuxaniseka kakwe;+
2 Lezvi a nga hlambanyisa zvona ka Jehovha,
Ni lezvi a nga fungisa zvona ka Nyamintamu wa Jakobe,+ aku:
3 “Ndzi nga ta nghena lomu tendeni ga mina, mutini wa mina.+
Ndzi nga ta etlela laha citufeni ca mina, mubhedhini wa mina;
4 Ndzi nga ta tsika a matihlo ya mina ma khomiwa hi wurongo,
Ne hambu ku tsika tikohe ta mina ti khudzehela,
5 Kala ndzi mu kumela wutshamu Jehovha,
Ndzi mu kumela a yindlu ya yinene* a Nyamintamu wa Jakobe.”+
9 A vapristi va wena va wa ambale a kululama,
Ni vatsumbekileko va wena va wa kulungele hi kutsaka.
10 Hi kota ya Dhavhidha, a nandza ga wena,
U nga fulareli a totilweko wa wena.+
11 Jehovha i hlambanyile ka Dhavhidha;
A nga ta cica lezvi a nga wula, zvaku:
12 Loku a vana va wena va hlayisa a civhumelwano ca mina
Ni zvikhumbuxeto zva mina lezvi ndzi va gondzisako,+
A vana vabyewo
Va ta tshama citshan’wini ca wena ca wuhosi kala kupindzuka.”+
14 “Legi wutshamu ga mina ga ku humula kona kala kupindzuka;
Ndzi ta tshama laho+ hakuva hi zvona ndzi zvi xuvako.
15 Ndzi ta katekisa nguvhu a pfuno wa gona,
Ndzi xurisa a zvisiwana zva gona hi pawa.+
16 Ndzi ta ambexa a vapristi va gona hi kuhanyiswa,+
Ni vatsumbekileko va gona va ta kulungela hi kutsaka.+
17 Kwalaho ndzi ta kulisa a ntamu* wa Dhavhidha.
Ndzi mu longisele a kandiya a totilweko wa mina.+