Lisimu
Ka muchuli wa “U nga lovisi”. Miktamu* ya Dhavhidha, a cikhati leci a nga tsutsuma Sawule aya lomu mhakweni.+
57 Ndzi mahele wuxinji, O Nungungulu, ndzi mahele wuxinji,+
Hakuva ndzi* chavela ka wena,
Ndzi chavela ndzhutini wa tipapa ta wena kala a zvikarato zvi hundza.+
2 Ndza rila ka Nungungulu, Loyi a Tlakukileko ku Hundza Vontlhe,
Ka Nungungulu wa lisine loyi a fuvisako zvikarato hi kota ya mina.
3 I ta rumela civhuno hi le tilweni, a ndzi ponisa.+
I ta thinda loyi a lavako ku ndzi khadamula. (Sela)
Nungungulu i ta rumela a lirandzo lakwe li nga mbheliko ni kutsumbeka kakwe.+
4 Ndzi* randzelwe hi tinghala;+
Ndzi etlela cikari ka vanhu va lavako ku ndzi khadamula,
Lava a matino yabye ma nga matlhari ni mipaxa,
Ni lava a lirimi labye li nga cipadha co kariha.+
5 O Nungungulu, ngha u tlakuswa hehla ka matilo;
Ngha a wudzundzo ga wena giva hehla ka misava yontlhe.+
7 O Nungungulu, a mbilu ya mina yi tiyile,+
Ina, a mbilu ya mina yi tiyile.
Ndzi ta yimbelela, ndzi chaya muzka.
8 Khindlimuka, wudzundzo ga mina.
Khindlimuka, wena cichaya-chaya ca tingoti, na wenawu citende.
Mina ndzi ta vhuxa a wuronga.+
9 O Jehovha, ndzi ta ku dhumisa cikari ka mifumo;+
Ndzi ta yimbelela a tisimu ta ku ku dhumisa* cikari ka matiko.+
10 Hakuva a lirandzo la wena li nga mbheliko la hombe, li chikela ni matilweni,+
Ni kutsumbeka ka wena ku chikela ni le marefini.
11 O Nungungulu, ngha u tlakuswa hehla ka matilo;
Ngha a wudzundzo ga wena giva hehla ka misava yontlhe.+