Hoseya
Kata nala a tisako ku khwatsi i gama ndlwini ya Jehovha,+
Hakuva va tshovile civhumelwano ca mina+ va tlhela va hambunyeta nayo wa mina.+
2 Va ndzi rilela, vaku: ‘Nungungulu wa hina, hina vaIzrayeli ha ku tiva!’+
3 Izrayeli i alile a zvilo zva zvinene.+
A nala i wa mu hlongolisele.
4 Va yimisile tihosi, kanilezvi na zvi ngati hi ka mina.
Va yimisile tihosana, kanilezvi na ndzi nga va vhumelelangi.
5 A role ga wena gi alilwe, wena Samariya.+
A zanga ya mina ya vhura hehla kabye.+
Kala rini na va nga zvi koti ku ti basisa?
6 Hakuva leci cita hi ka Izrayeli.
Ci mahilwe hi meseri, niku cona a hi Nungungulu.
A role ga Samariya gi ta fayetelwa gi maha zvirengele.
7 Hakuva lezvi va byalako i moya,
Niku va ta tshovela cingulo.+
A ku na lihlanga li pswalako timbewu to buvha;+
Ni lihi li milako a li cheli nchumu.
Hambu loku to chela, a vamatiko va ta ti mita.+
8 Izrayeli i ta mitiwa.+
Zvezvi va tava cikari ka matiko,+
A ku fana ni cibya ci kalako ci nga ha laveki.
9 Hakuva va yile Asiriya+ a ku fana ni mbongola ya khwati yi fambako yoce.
Efrayime i tholile zvigango.+
10 Hambu loku va thola zvigango cikari ka matiko,
Makunu ndzi ta va tlhanganisa;
Va ta sangula ku xaniseka+ hi kota ya ndzhwalo lowu va to rwexiwa hi hosi ni tihosana.
11 Efrayime i mahile maalati yo tala kasi a wonha.+
Wona ma nova maalati yakwe kasi ku wonha.+
12 Ndzi no mu tsalela a zvilo zvo tala zva nayo* wa mina,
Kanilezvi zvi no wonisiwa ku khwatsi a zvi tiveki.+
13 Va ndzi mahela miphahlo, vaga nyama ya kona,
Kanilezvi Jehovha a nga xalaliswi hi yona.+
Makunu i ta alakanya a cigoho cabye, a va tsayisa hi kota ya zviwonho zvabye.+