Obhadhiya
1 A muwoniso wa Obhadhiya:*
Jehovha, a Hosi ya Hombe, i wula lezvi xungetano hi Edhomi:+
“Hi zwile mahungu ma tako hi ka Jehovha,
Ku rumelwe cirun’wa cikari ka matiko, ci yaku:
‘Sukani, a hi ti longiseleni kulwa naye.’”+
2 “Ndzi ku mahile wamutsongwani cikari ka matiko;
Wena wa chepetiwa nguvhu.+
3 A matshandza ya mbilu ya wena ma ku kanganyisile,+
Wena loyi u tshamako lomu mikovotlweni ya maribye,
U hanyako le hehla, u ti byelako lezvi mbilwini ya wena:
‘Himani a to ndzi chisa lahasi misaveni ke?’
4 Hambu loku a wo aka a muti wa wena le hehla* a ku khwatsi u gama,
Kutani loku a wo veka cisaka ca wena cikari ka tinyeleti,
Ndzi wa ta ku chisa ni kwaseyo”, ku wula Jehovha.
5 “Loku a makhamba ma wo ku tela, ni vaphangi vata ni wusiku,
Va wa nga ta yiva ntsena lezvi va zvi lavako ke?
Kutani loku a vakhayi va mauvha va wota ka wena,
6 Hi nga wonani lezvi Esawu a nga hlotisiswa zvona!
Hi nga wonani lezvi a titshomba takwe ti fihlilweko ti nga laveteliswa zvona!
7 Va ku gulele uya mbhinganweni.
Vontlhe a vanghana va wena* va ku kanganyisile.
Lava u nga zwana navo va ku hlulile.
Lava va gako zvakuga* na wena va ta ku dembela likoka,
Kanilezvi u nga ta zvi pola.
8 Hi siku lego”, ku wula Jehovha,
“Ndzi nga ta lovisa a titlhari ta Edhomi,+
Ndzi fuvisa a kupimisisa tikweni ga zvitsunga ga Esawu ke?
9 Wena Temane,+ a masochwa ya wena ma ta chava,+
Hakuva vontlhe le tikweni ga zvitsunga ga Esawu va ta lova hi kudawa.+
10 Hi kota ya tihanyi leti ti nga mahelwa a makabye wa wena Jakobe,+
A tingana ti ta ku fenengeta;+
U ta lovisiwa kala kupindzuka.+
11 Ka siku legi u nga yima u cuwukela,
Ka siku legi a vakuta va nga khoma a butho gakwe giya wukhumbini,+
A cikhati leci a valuveli va nga nghena hi nyangwa yakwe, vaba tihlolo+ hi Jerusalema,
U mahisile ku khwatsi u mun’we wabye.
12 U wa nga faneli ku tsaka hi siku ga makabye wa wena, hi siku ga hlomulo wakwe,+
U wa nga faneli ku tsaka hi kota ya vanhu va le Judha hi siku ga kulova kabye,+
Niku u wa nga faneli ku wulawula hi kutikulisa hi siku ga kuxaniseka kabye.
13 U wa nga faneli ku nghena nyangweni ya vanhu va mina hi siku ga khombo gabye,+
U wa nga faneli ku tsaka hi hlomulo wakwe, hi siku ga khombo gakwe,
Niku u wa nga faneli ku henya a tshomba yakwe hi siku ga khombo gakwe.+
14 U wa nga faneli ku yima lomu mahandzakanyeni ya maruwa u dayela vanhu vakwe lava va nga huluka,+
Niku u wa nga faneli ku nyikela a vanhu vakwe va ponileko sikwini ga hlomulo.+
15 Hakuva a siku ga Jehovha ga ku vhukela matiko wontlhe gi laha kusuhani.+
A ku khwatsi hi lezvi u nga maha van’wani, wenawu u ta mahiwa zvalezvo.+
Lezvi u nga mahela van’wani zvi ta wuya hlokweni ya wena.
16 A ku khwatsi hi lezvi mu nwileko citsungeni ca mina co basa,
A matiko wontlhe ma ta simama kunwa ma nga tsiki.+
Ma tanwa, ma mita,
Ma ta ku khwatsi a ma tshukangi mava kona.
17 Kanilezvi, Citsungeni ca Ziyoni ku ta tshama lava va hulukileko,+
Niku ci tava citsunga ci basileko;+
Ni yindlu ya ka Jakobe yi ta tlhela yi teka a tshomba ya yona.+
18 A yindlu ya ka Jakobe yi tava ndzilo,
A yindlu ya ka Josefa yi tava langavi,
Ni yindlu ya ka Esawu yi tava byanyi go woma;
Va ta yi lumekela va yi lovisa.
Ku nga ta pona munhu lomu ndlwini ya ka Esawu,+
Hakuva Jehovha wutsumbu i wulile lezvo.
Va ta teka a tiko ga Efrayime ni tiko ga Samariya;+
Niku Bhenjamini i ta teka Gileyadhe.
20 Ka lava va nga khomiwa va khokhola legi,+
A tiko ga vaKhanani kala Zarefate gi tava ga vanhu va ka Izrayeli.+
Ni lava va nga khomilwe Jerusalema, lava va nga hi le Sefaradhe, va ta teka madhoropa ya Negebhe.+