Lisimu
Ka muchuli wa “Cipomba ci miyeleko ci nga kule”. Miktamu* ya Dhavhidha, laha a vaFilistiya va nga mu khoma le Gati.+
56 O Nungungulu, ndzi mahele wuxinji, hakuva a munhu loyi wa ku wafa wa ndzi vhukela.*
Gontlhe siku valwa na mina, va ndzi xanisa.
2 Gontlhe siku a valala va mina va ndzi khadamula;
A votala valwa na mina hi matshandza.
3 Loku ndzi chava,+ ndzi tsumba wena.+
4 Ndzi tsumba Nungungulu, loyi ndzi dhumisako a mhaka yakwe,
Ndzi tsumba Nungungulu; a ndzi chavi nchumu.
A munhu* a nga ndzi maha yini ke?+
5 Gontlhe siku valwa ni kuxuva ka mina;
Leci ntsena va ci alakanyako ku ndzi mahela kubiha.+
6 Va fihlala kasi va ndzi dhumela;
Va cuwukela a mazambo ya mina wontlhe,+
7 Wena va fularele hi kota ya kubiha kabye.
O Nungungulu, wisa matiko zangeni ya wena.+
8 Wena wa ku tiva a kundzulandzula ka mina.+
Hlengeletela a mihloti ya mina lomu ka nghotso ya wena.+
Kasi a yi tsaliwangi lomu bhukwini ga wena ke?+
9 A valala va mina va ta hlehla ka siku legi ndzi to vitana ndzi kombela ku vhuniwa.+
Ndzi na ni kutsumba loku: Nungungulu i tlhelweni ga mina.+
10 Ndzi tsumba Nungungulu, loyi ndzi dhumisako a mhaka yakwe,
Ina, ndzi tsumba Jehovha, loyi ndzi dhumisako a mhaka yakwe,
11 Ndzi tsumba Nungungulu; a ndzi chavi nchumu.+
A munhu a nga ndzi maha yini ke?+