Jeremiya
13 Jehovha i te ngalo ka mina: “Famba u ya xava a libhandi la wukene* u li boha ciwunwini ca wena, kanilezvi u nga li peti matini.” 2 Hikwalaho, ndzi no xava libhandi kota lezvi Jehovha a nga ndzi byelile, ndzi li boha ciwunwini ca mina. 3 A mhaka ya Jehovha yi nota ka mina hi khati ga wumbiri, yi taku: 4 “Teka a libhandi leli u nga xava, leli u bohileko, u suka uya Eufrate u ya li fihla lomu mhakweni ya ribye.” 5 Hikwalaho, ndzi no famba ndzi ya li fihla le Eufrate, kota lezvi Jehovha a nga ndzi leletele.
6 Kanilezvi andzhako ka masiku yo tala, Jehovha i no ndzi byela, aku: “Suka uya Eufrate u ya teka a libhandi leli ndzi nga ku leletela ku ya li fihla seyo.” 7 Hikwalaho, ndzi noya Eufrate ndzi ya vhevhula a libhandi ndzi li teka laha ndzi nga li fihlile kona, kanilezvi ndzi no wona lezvaku a libhandi li wa hlakele; li wa nga ha sizi nchumu.
8 A mhaka ya Jehovha yi nota ka mina, yi taku: 9 “Jehovha i ngalo: ‘Hi zvalezvi ndzi to ma lovisisa zvona a matshandza ya Judha ni matshandza ya hombe ya Jerusalema.+ 10 A vanhu lava vo biha, va nga ingisiko a magezu ya mina,+ lava va ti nonohisako va landzela a timbilu tabye,+ lava va landzelako a vanungungulu van’wani, va va tirela ni ku va khizamela, va ta fana ni libhandi leli li nga ha siziko nchumu.’ 11 ‘Hakuva a ku khwatsi hi lezvi a libhandi li namarelako ciwunwini ca munhu, ndzi mahile a yindlu yontlhe ya Izrayeli ni yindlu yontlhe ya Judha ti namarela ka mina’, ku wula Jehovha, ‘kasi vava vanhu va mina,+ ni wudhumo,+ ni wudzundzo,+ ni nchumu wo saseka. Kanilezvi a va ingisangi.’
12 “Va byele a mhaka leyi kambe, uku: ‘Jehovha, a Nungungulu wa Izrayeli, i ngalo: “A tifuko tontlhe ta hombe ti wa tatiwe hi vhinyo.”’ Vona va ta ku hlamula, vaku: ‘Kasi ho kala hi nga zvi tivi ku a tifuko tontlhe ta hombe ti fanele ku tatiwa hi vhinyo ke?’ 13 Makunu u taku kabye: ‘Jehovha i ngalo: “Ndzi ta popisa a vahanyi vontlhe va tiko legi,+ ni tihosi ti tshamako citshan’wini ca wuhosi ca Dhavhidha, ni vapristi, ni vaphrofeti, ni vontlhe vahanyi va Jerusalema. 14 Ndzi ta va maha va gumulana, a vapapayi ni vana”, ku wula Jehovha.+ “Ndzi nga ta va zwela wusiwana hambu ku va tsetsa kutani ku va mahela wuxinji; ci hava ci to ndzi vhalela ku va lovisa.”’+
15 Zwanani, mu demba ndleve.
Mu ngavi ni matshandza, hakuva Jehovha i wulile.
16 Dhumisani Jehovha, a Nungungulu wa n’wina
Na a nga se neha a munyama,
Ni minenge ya n’wina na yi nga se ti phinganyeta lomu zvitsungeni laha gi phumako.
Mu ta rindzela a kuwonekela,
Kanilezvi i ta neha a munyama wa hombe;
I ta cica a kuwonekela ku maha munyama wo tshisa.+
17 Loku mu nga ingisi,
Ndzi* ta rila kufihlaleni hi kota ya matshandza ya n’wina.
Ndzi ta chulula mihloti yo tala, ni matihlo ya mina ma ta xililika a mihloti,+
Hakuva a ntlhambi wa Jehovha+ wu khomilwe wuya wukhumbini.
18 Byela hosi na mamani muzindza,*+ uku: ‘Tshamani lahasi,
Hakuva a cidlodlo* ca n’wina co saseka ci tawa hi tihlokweni ta n’wina.’
19 A madhoropa ya le dzongeni* ma vhalilwe,* a nga kona wa ku ma vhulula.
Vontlhe va ka Judha va tekilwe vaya wukhumbini, ina, va tekilwe vontlhe vaya wukhumbini.+
20 Tlakusa a matihlo ya wena u wona vanhu va tako hi le n’walungu.*+
Wu kwihi a ntlhambi wa wena lowu u nyikilweko, a tiyivhu ta wena to saseka ke?+
21 U ta kuyini loku a tsayiselelo wa wena wuta
Hi ka vanghana va wena va hombe lava u va chatileko kusukela kusanguleni ke?+
U nga ta lun’wa a ku khwatsi wasati a pswalako ke?+
22 Loku u wula mbilwini ya wena, uku: ‘Hikuyini ndzi nga welwa hi zvilo lezvi?’+
Zvi tive lezvaku u tlhatlhelwe saya hi kota ya cigoho ca wena ca hombe;+
Ni zvirendze zva wena zvi bayisilwe.
23 A muKuxe* a nga cica a hlonge yakwe ke, ni yingwe yi nga cica a mavalavala ya yona ke?+
Loku zvi wa tshamisile lezvo, n’wina mu gondzisilweko ku maha zvakubiha,
Mu wa ta maha zvazvinene.
24 Hikwalaho, ndzi ta mu hangalasa a ku khwatsi i byanyi go woma gi kukuletwako hi moya wa lomu ciwuleni.+
25 Leci ciavelo ca n’wina, a cipandze leci ndzi mu tsemeleko”, ku wula Jehovha,
26 Hikwalaho, ndzi ta kupula a saya ya wena kala yi ku fenengeta nghohe,
Ku woneka a tingana ta wena,+
27 Ni mitiro ya wena ya wubhayi,+ ni kuswa ka wena hi kunavela,
Ni wubhayi ga wena go nyenyeza.*
Ndzi wonile a hanyela ga wena ga manyala
Lomu zvitsungeni ni lomu masin’wini.+
Khombo ga wena Jerusalema!
U ta tshama u nga hlazvekangi kala rini?”+