Isaya
14 Hakuva Jehovha i ta mu mahela wuxinji Jakobe,+ niku i ta tlhela a mu hlawula kambe Izrayeli.+ I ta va akisa* tikweni gabye,+ ni valuveli va ta ti patsa navo, va namarela ka yindlu ya Jakobe.+ 2 A matiko ma ta va teka ma va wuyisa wutshan’wini gabye. A yindlu ya ka Izrayeli yi ta va maha malandza ya cinuna ni ya cisati+ lomu tikweni ga Jehovha. Va ta va maha tikhumbi lava va nga va mahile tikhumbi tabye, va fumela lava a kale va nga va kurumeta ku tira.*
3 Ka siku legi Jehovha a to ku humuta ka kubayisa ka wena, ni kukaratekeni ka wena, ni wukhumbini ga wena go bindza u nghenisilweko ka gona,+ 4 u ta wula a vingu legi ka* hosi ya Bhabhuloni, uku:
“Ehe! Loyi a nga kurumeta van’wani ku tira* i gumelwe!
A tixanisa ti mbhelile!+
5 Jehovha i tshovile a limhika la wakubiha,
A nhonga ya tihosana,+
6 Loyi hi zanga a nga tshakatela a matiko a nga nyimi,+
Loyi hi zanga a nga fumela a mifumo hi tixanisa ti nga gumesiko.+
7 Makunu a misava yontlhe yi humulile, yi lomu kuruleni.
A vanhu va kulungela hi kutsaka.+
8 Hambu a mijunipero ya tsaka hi kota ya wena,
Zvin’we ni misedhare ya Lebhanoni.
Yi ngalo: ‘Cima uwa,
A hi se telwa hi mutsemi wa tisinya.’
9 Hambu a Cilahla* lomu hasi ca nyunganyunga
Kasi ci tlhangana na wena a cikhati leci u to chikela.
Hi kota ya wena, ci vhuxa ni lava va nga hava ntamu kufeni,
A varangeli vontlhe va tihanyi* va misava.
Ci sukisa a tihosi tontlhe ta matiko lomu zvitshan’wini zva tona zva wuhosi ti yima.
10 Vontlhe ve ngalo ka wena:
‘Wenawu u rerekile a ku fana na hina?
Kasi u fana na hina ke?
Lahasi ka wena ku na ni mubhedhi wa zvipungwani,
Niku a kumba wa wena zviwungwani.’
12 Hi nga wona lezvi u nga wisa zvona hi le tilweni,
Wena kungangamela, n’wana wa wuronga!
Hi nga wona lezvi u nga tsemisiwa zvona uwa lahasi,
Wena u nga kari u hlula matiko!+
13 Lomu mbilwini ya wena u waku: ‘Ndzi ta kandziha matilweni.+
Ndzi ta tlakusa a citshamu ca mina ca wuhosi hehla ka tinyeleti ta Nungungulu,+
Ndzi tshama hehla ka citsunga ca mutlhangano,
14 Ndzi ta kandziha hehla ka marefu ma tlakukileko nguvhu;
Ndzi ta ti maha ndzi fana ni loyi a Tlakukileko ku Hundza Vontlhe.’
15 Kanilezvi wena u ta wiselwa Cilahleni,*
Uya kwale magumo ya nkele.
16 Lava va to ku wona va ta ku cuwuka;
Va ta ku tshinelela va ku hlola, vaku:
‘Hi yena inaloyi a nga kari a tsekatsekisa misava,
Loyi a nga rurumelisa a mifumo,+
17 Loyi a nga hundzula misava yiva ciwula,
A hahlulela madhoropa ya kona,+
A ala ku tlhatlha zvibochwa zvakwe zvi tlhela kaya ke?’+
18 Tontlhe a tihosi tin’wani ta matiko,
Ina, tontlhe futsi, ti etlele hi wudzundzo,
A yin’we ni yin’wani cilahleni* ca yona.
19 Kanilezvi wena u hoxilwe kule u ngavi ni cilahla,
A ku fana ni dhavi* gi nyenyiwako.
U fenengetilwe hi zvirumbi zva lava va nga tlhaviwa hi cipadha,
Lezvi zvi relelako maribyeni ya nkele,
A ku fana ni cirumbi ci kandzihetelweko.
20 Wena u nga ta lahliwa navo,
Hakuva u hahlulile a tiko ga wena n’winyi,
U daya ni vanhu va wena.
A pswalo wa vakubiha wu nga ta ha tshuka wu kumbukiwa kambe.
21 Longiselani a wutshamu ga ku dayela kona a vana vakwe
Hi kota ya nandzu wa vakokwani vabye,
Kasi va nga vhuki va fumela misava
Ni ku tata tiko hi madhoropa yabye.”
22 “Ndzi ta va vhukela”,+ ku wula Jehovha wa mabutho.
“Ndzi ta vhinya vito gakwe lomu Bhabhuloni, ni misalela yakwe, ni pswalo wakwe, ni vazukulu vakwe”,+ ku wula Jehovha.
23 “Ndzi ta mu maha wutshamu ga tinungu* ni ga zvitivana zva mati yo bola, ndzi mu swiyela hi swiyelo wa kulovisa”,+ ku wula Jehovha wa mabutho.
24 Jehovha wa mabutho i hlambanyile, aku:
“A ku khwatsi hi lezvi ndzi zvi xuvileko, zvi tava tano,
Ina, a ku khwatsi hi lezvi ndzi zvi bohileko, zvi ta tatiseka.
25 Ndzi ta gandla a muAsiriya lomu tikweni ga mina,
Ndzi mu kandzihetela lomu zvitsungeni zva mina.+
A kanga wakwe wu ta suka hehla kabye,
Ni ndzhwalo wakwe wu ta susiwa makatleni yabye.”+
26 Lezvi hi lezvi zvi bohilweko* xungetano hi misava yontlhe,
Niku legi i canja gi nawulutelweko hehla ka* matiko wontlhe.
27 Hakuva Jehovha wa mabutho i bohile lezvo,
Makunu himani wa ku a nga zvi thinda?+
A canja gakwe gi nawulutilwe,
Makunu himani wa ku a nga gi tlhelisa ke?+
28 Ka lembe legi hosi Ahaza+ a ngafa hi gona, ku phrofetilwe lezvi:
29 “Wena Filistiya, ku nga tsaki munhu cikari ka wena
Hi kota ya lezvi yi nga tshoveka a nhonga ya loyi a nga kari a kuba.
Hakuva hi lomu mutswini wa nyoka+ ku ta huma a nyoka ya wuxungu,+
Ni pswalo wa kona wu tava nyoka yo haha ya wuxungu ga hombe.*
30 Laha a matewula ya vanhu va nyalidede ma toga,
Ni zvisiwana zvi etlela kuruleni,
Ndzi ta daya a mutsu wa wena hi ndlala,
Ni lezvi zvi to sala ka wena zvi ta dawa.+
31 Bana tinyandha, wena nyangwa! Rila, wena dhoropa!
Vontlhe a vaaki va wena Filistiya, va ta mbhela ntamu!
Hakuva kata musi hi le n’walungu,*
A ku na musochwa a ti hambanisako ni ntlawa wakwe.”
32 Va ta zvi hlamulisa kuyini a zvirun’wa zva tiko?
Va taku: Jehovha i zimile a ciseketelo ca Ziyoni,+
Niku lava va xanisekako cikari ka vanhu vakwe va ta chavela kakwe.