Hoseya
9 “U nga tlulatluli hi kutsaka, wena Izrayeli;+
U nga giyi a ku fana ni matiko.
Hakuva u tsikile a Nungungulu wa wena hi kota ya wubhayi.+
U randzile a muholo wa wubhayi ka matshamu wontlhe ya ku hulela kona timbewu.+
2 Kanilezvi a wutshamu ga ku hulela kona timbewu ni cigowolo co kamela vhinyo zvi nga ta va gisa;
I ta mbhelelwa hi vhinyo yiswa.+
3 Va nga ta simama ku tshama tikweni ga Jehovha;+
Kanilezvi Efrayime i ta tlhelela Gibhite,
Ni le Asiriya va taga zvilo zvi nga hlazvekangiko.+
Va fana ni pawa ya cirilo;
Vontlhe lava va yi gako va ta ti nyenyezisa.
Hakuva a pawa yabye ya vona voce;
Yi nga ta nghena ndlwini ya Jehovha.
5 Zvini u to maha hi siku ga mutlhangano,*
Hi siku ga mubuzo wa Jehovha ke?
6 Hi nga wonani! Va ta tsutsuma hi kota ya kulovisa.+
Gibhite i ta va hlengeleta,+ na Menfisi i ta va lahla.+
A zvigetlwani zvi ta fenengeta a zvilo zvabye zva lisima zva prata;
Ni makhuho ya mimizwa ma tava matendeni yabye.
A muphrofeti wabye i tava cipumbu, ni munhu a wulawulako zvilo zvi pimisilweko i ta hlanya;
Kota lezvi a cigoho ca wena ci andzileko, a wulala ha n’wina gonawu gi andzile.”
8 A murindzeli+ wa Efrayime i wa hi zvin’we ni Nungungulu wa mina.+
Kanilezvi zvezvi, tontlhe tindlela ta vaphrofeti vakwe+ ti fana ni mitlhamu ya muphasi wa zvinyanyani;
Ku na ni wulala ndlwini ya Nungungulu wakwe.
9 Va ti nghenisile kuwonheni ka hombe, a ku fana ni masikwini ya Gibheya.+
I ta alakanya cigoho cabye a tlhela a va tsayisa hi kota ya zviwonho zvabye.+
10 “Ndzi kumile Izrayeli a ku khwatsi mauvha lomu ciwuleni.+
A cikhati leci ndzi nga wona vakokwani va n’wina, zvi wa ku khwatsi ndzo wona makuwu yo sangula ya nkuwu wa ha tewulako.
Kanilezvi va yile ka Bhaali Peyori;+
Va ti nyikele ka cilo ca tingana;*+
Va nyenyezile a ku fana ni leci va nga ci randza.
11 A kungangamela ka Efrayime ka haha a ku khwatsi cinyanyani;
A ku na kupswala, ne nyimba, hambu ku xuriwa nyimba.+
12 Hambu loku va wundla vanana,
Ndzi ta va tekela ku nga sali munhu;+
Khombo ka vona loku ndzi va tsika!+
13 Efrayime, a byalilweko ka wuriselo go nyuka, ndzi wa mu wonisa ku khwatsi hi Tire;+
Kanilezvi zvezvi, Efrayime i fanele ku tisa vana vakwe va ta dawa.”
14 O Jehovha, va nyike lezvi u faneleko ku va nyika:
A khwiri gi handlako ni mavele ma womileko.
15 “Kontlhe a kubiha kabye ku wa hi Gilgali;+ kwaseyo ndzi no sangula ku va venga.
Ndzi ta va hlongola ndlwini ya mina hi kota ya mitiro yabye ya kubiha.+
Ndzi nga ta ha va randza;+
Tontlhe a tihosana tabye ti na ni kani.
16 Efrayime i ta bayisiwa.+
A mutsu wabye wu ta woma, niku va nga ta pswala mihandzu.
Hambu loku va pswala, ndzi ta daya a vana vabye vo randzeka.”