Lisimu
Ka muchuli. Lisimu la Dhavhidha, a nandza ga Jehovha, loyi a nga wula a timhaka ta lisimu leli ka Jehovha ka siku legi Jehovha a nga mu tlhatlhisa canjeni ga valala vakwe vontlhe ni canjeni ga Sawule. I te ngalo:+
18 Ndza ku randza, Jehovha, wena ntamu wa mina.+
2 Jehovha i ribye ga mina, ni khokhola ga mina, ni mutlhatlhisi wa mina.+
A Nungungulu wa mina i ribye ga mina,+ loyi ndzi chavelako ka yena,
Citlhangu ca mina ni limhondzo* la mina la kuhanyiswa,* a wuchavelo ga mina go tiya.*+
3 Ndza khongela ka Jehovha, loyi a ringanelwako hi kudhumiswa,
Niku ndzi ta ponisiwa ka valala va mina.+
4 A tingoti ta kufa ti ndzi tsondzele;+
Ni tindambi ta vanhu va nga vhuniko nchumu ti ndzi chavisile.+
6 Kukaratekeni ka mina, ndzi no khongela ka Jehovha;
Ndzi no simama ku rila ka Nungungulu wa mina na ndzi lava ku vhuniwa.
I nozwa a gezu ga mina+ hi le tempeleni yakwe;
Ni kurila ka mina ka ku lava ku vhuniwa ku no chikela tindleveni takwe.+
7 Makunu a misava yi no sangula ku tsekatseka yi rurumela;+
Ni zviseketelo zva zvitsunga zvi no ninganika
Zvi tsekatseka hakuva i wa vhindlukile hi zanga.+
8 Ku no tuvika musi hi lomu tinhovhini takwe,
Ku huma ndzilo wu lovisako hi lomu non’wini wakwe;+
Ku no huma ni makhala ma vhurako hi ka yena.
10 I no khilela kerubhima, ata hi kupuruma,+
I nota hi kuhaha tipapeni ta moya.*+
11 I no ti fenengeta hi munyama,+
Kontlhe lomu matlhelweni yakwe kota chacha,
Ku wa hi ni mati yo phuma ni marefu yo phuma.+
12 Hi lomu kuwonekeleni ku nga mahlweni kakwe,
Ku nowa maralala ni makhala ya ndzilo hi lomu marefini.
13 Makunu Jehovha i no sangula kudzindza le matilweni;+
Loyi a Tlakukileko ku Hundza Vontlhe i no zwata a gezu gakwe+
Na ku hi ni maralala ni makhala ma vhurako.
15 A minonga ya mati yi no woneka kubaseni;+
Ni zviseketelo zva tiko zvi no funungulwa hi kukawuka ka wena, O Jehovha,
Hi kota ya moya wa ntamu wu humako hi lomu tinhovhini takwe.+
16 I no nawuluta a canja gakwe na a hi le hehla;
I no ndzi khoma a ndzi humesa matini yo eta.+
17 I no ndzi tlhatlhisa ka nala wa mina wa ntamu,+
Ka lava va nga ndzi venga, lava va nga ndzi hundza hi ntamu.+
18 Va no ndzi vhukela sikwini ga khombo ga mina,+
Kanilezvi Jehovha i no ndzi vhunetela.
20 Jehovha wa ndzi chachazela maringano ni kululama ka mina;+
21 Hakuva ndza hlayisa a tindlela ta Jehovha,
A ndzi mahangi a ciwonho ca ku fularela Nungungulu wa mina.
22 Kontlhe a kulamula kakwe ku mahlweni ka mina;
Ndzi nga ta tsika a milayo yakwe.
24 Jehovha i wa ndzi tlhelisele maringano ni kululama ka mina,+
A ndzi tlhelisela maringano ni kubasa ka mandla ya mina mahlweni kakwe.+
25 Ka loyi a tsumbekako, wena wa tsumbeka kakwe;+
Loyi a nga hava nandzu, u mu mahela kululama;+
26 Ka loyi a basileko, u kombisa a kubasa ka wena,+
Kanilezvi ka loyi a gombonyekileko, u komba ku u tlharihile.+
28 Hakuva hi wena u lumekako a kandiya ya mina, O Jehovha,
Nungungulu wa mina, loyi a woningelako munyama wa mina.+
29 Hi ku vhuniwa hi wena, ndzi nga dhumela ntlawa wa vaphangi;+
Hi ntamu wa Nungungulu, ndzi nga kandziha muro.+
Nungungulu citlhangu ca vontlhe lava va chavelako kakwe.+
31 Hakuva himani a nga Nungungulu, ahandle ka Jehovha?+
Kona himani a nga ribye, ahandle ka Nungungulu wa hina ke?+
33 I maha minenge ya mina yi fana ni leyi ya hlangu;
I ndzi yimisa matshan’wini ma tlakukileko.+
34 I gondzisa a mandla ya mina a kulwa yimpi;
A mandla ya mina ma nga kondla a wura ga kobre.
35 Wena wa ndzi nyika a citlhangu ca wena ca kuhanyisa;+
A canja ga wena ga cinene ga ndzi vhunetela*
Ni kutikoramisa ka wena ka ndzi kulisa.+
37 Ndzi ta hlongolisela a valala va mina ndzi va kuma;
Ndzi nga ta wuya kala va chindziwa va ku bhi.
38 Ndzi ta va gandla va tsandzeka ni ku vhuka;+
Va tawa lahasi ka mikondzo ya mina.
39 U ta ndzi hlomisa a ntamu wa kuya yimpini;
U ta maha a valala va mina vawa mahlweni ka mina.+
40 U ta maha a valala va mina va hlehla mahlweni ka mina,*
41 Va rila va kombela ku vhuniwa, kanilezvi i hava a va ponisako;
Vaza va rilela na Jehovha, kanilezvi a nga va hlamuli.
42 Ndzi ta va sila va ku khwatsi i ntshuri wu kukuletwako hi moya,
Ndzi va hoxa handle a ku khwatsi madhaka lomu maruweni.
43 U ta ndzi tlhatlhisa ka zvisolo zva vanhu.+
U ta ndzi yimisa ndziva hloko ya matiko.+
Ndzi ta tirelwa hi vanhu ndzi nga va tiviko.+
44 Va ta ndzi ingisa hi kuzwa lungu basi;
A vamatiko va tata mahlweni ka mina na va khanyene hi kuchava.+
45 A vamatiko va ta tsemeka hlanha;
Va ta huma lomu makhokholeni yabye na va rurumela.
46 Jehovha wa hanya! Gi wa dzundziwe a Ribye ga mina!+
I wa tlakusiwe a Nungungulu wa kuhanyiswa ka mina.+
47 A Nungungulu wa lisine wa ndzi photela;+
Wa khozisa a matiko lahasi ka mina.
48 Wa ndzi tlhatlhisa ka valala va mina va zangarileko.
Wena wa ndzi tlakusa ndziva hehla ka lava va ndzi vhukelako,+
U ndzi ponisa ka munhu wa tihanyi.
49 Hikwalaho, ndzi ta ku dhumisa, wena Jehovha, cikari ka matiko;+