Isaya
50 Jehovha i ngalo:
“Gi kwihi a papilo ga ku tlhatlha wukati*+ ga mamani wa n’wina, loyi ndzi nga mu hlongola?
Kona n’wina ndzi mu xavisile ka mani ndzi mu dhevhako?
Mu xavisilwe hi kota ya zvigoho zva n’wina,+
Ni mamani wa n’wina i hlongolilwe hi kota ya zvihambunyeto zva n’wina.+
2 Makunu, hikuyini ndzi nga vhumala munhu a cikhati ndzi ngata?
Hikuyini ku nga kala ku hlamula munhu a cikhati ndzi nga vitana?+
A canja ga mina gi no koma nguvhu laha ka ku gi nga zvi koti ku tlhatlhisa,
Kutani ndzo kala ndzi nga hi na ntamu wa ku ponisa ke?+
A tinjhanjhi ta yona ta bola hi ku vhumala mati,
Tifa hi tora.
3 Ndza ambexa a matilo hi munyama,+
Ndzi ma fenengeta hi tisakwa.”
4 Jehovha, a Hosi ya Hombe, i ndzi nyikile a lirimi la munhu a gondzisilweko,*+
Kasi ndzi tiva a gezu ga ku mu tangalisa* hi gona loyi a kareleko.+
Mixo ni mixo wa ndzi vhuxa;
Wa vhulula a ndleve ya mina kasi ndzi ingisela a ku khwatsi munhu a gondzisilweko.+
A ndzi hundzulukangi ndzi cuwuka tlhelweni.+
6 Ndzi no nyikela a hlanha wa mina ka lava va nga kari va ndziba;
Ni marama ya mina ka lava va nga ndzi hlurulela malevhu.
A ndzi fihlangi a nghohe ya mina ka zvilo zva tingana ni ka kuphelelwa.+
7 Kanilezvi Jehovha, a Hosi ya Hombe, i ta ndzi vhuna.+
Hikwalaho, ndzi nga ta dhana.
Hikwalaho, ndzi nonohisile a nghohe ya mina yi ku khwatsi i ribye,+
Ndza zvi tiva lezvaku ndzi nga ta wisiwa tingana.
8 Loyi a ndzi wulako lezvaku ndzi lulamile i kusuhani.
A hi suke hi cuwukana nghohe ni nghohe.
Himani a nga ni timhaka na mina?
I wa tshinele ka mina.
9 Hi nga wonani! Jehovha, a Hosi ya Hombe, i ta ndzi vhuna.
Himani a to ndzi nyika nandzu ke?
Vontlhe va ta hlakala a ku fana ni nguwo.
Va ta giwa hi muhlwa.
10 Himani cikari ka n’wina a chavako Jehovha,
A ingisa a gezu ga nandza gakwe ke?+
Himani a fambileko lomu munyameni wo tshisa, ko kala ni kuwonekela?
I wa tsumbe a vito ga Jehovha a tlhela a ti seketela hi Nungungulu wakwe.
11 “N’wina n’wentlhe mu dzivelako ndzilo,
Mu hahisa tihlahli,
Fambani kuwonekeleni ka ndzilo wa n’wina,
Cikari ka tihlahli leti mu dziveleko.
Lezvi mu to zvi kuma canjeni ga mina hi lezvi:
Mu ta etlela na muzwa a kubayisa ka hombe.