JOBA

“Ndzi humile na ndzi hi cimbyiri hi khwirini ga mamani,

Niku ndzi ta tlhela na ndzi hi cimbyiri.+

 3 “Gi wa n’walale a siku legi ndzi nga pswaliwa hi gona,+

Ni wusiku legi va ngaku: ‘Ku xurilwe a nyimba ya n’wana wa mufana!’

Ngha Nungungulu, kwale hehla, a nga khatali hi gona;

Ngha a kuwonekela ku nga woningi hehla ka gona.

 6 A wusiku lego gi wa wutliwe hi kuphuma;+

Gi nga tsaki cikari ka masiku ya lembe,

Ne gi nga hlayiwi cikari ka ntsengo wa tihweti.

 7 Kunene a wusiku lego gi wave ngon’wa;

Ku nga zwali a guwa ga litsako ka gona.

 8 Ngha lava va rukatelako masiku va gi ruka,

Lava va zvi kotako ku vhuxa Levhiyatani.*+

 9 Ngha a tinyeleti ta gona ta phindzulani ti pfhupeliswa;

Gi wa rindzele a kuwonekela ka siku mahala,

Ne gi nga woni wuronga.

10 Hakuva a gi vhalangi a tinyangwa ta khwiri ga mamani wa mina;+

Hambu ku fihla zvikarato matihlweni ya mina.

12 Hikuyini ku ngava ni madzolo ya ku ndzi amukela

Ni mavele ya ku ndzi an’wisa?

13 Hakuva ka cikhati leci na ndzi no gaa kuruleni;+

Na ndzi etlele ndzi ti humulela+

14 Ni tihosi ta misava ni masungukati ya tona,

Leti ti ti akeleko matshamu lawa makunu ma nga marumbi,*

15 Kutani ni tihosana leti ti nga hi ni ouro,

Leti a tiyindlu ta tona ti nga tele hi prata.

16 Kona hikuyini ndzi nga kala ku handliwa zvi nga tiviwi,

Ndzi fana ni vanana lava va nga kala ku wona kuwonekela ke?

17 Kufeni, hambu a vhilinganya ya vakubiha ya mbhela;

Ni lava va rerekileko va humula laho.+

18 Kwaseyo a zvibochwa zvi zvin’we kuruleni;

I hava a zvi kurumetako ku tira.

19 Kwaseyo a wamutsongwani ni wahombe va fana,+

Ni khumbi yi tlhatlhekile ka n’winyi wa yona.

20 Hikuyini a nyikako kuwonekela ka loyi a xanisekako

Ni wutomi ka lava va nga hlomulweni wa hombe ke?+

Va ku kela nguvhu a ku hundza titshomba ti fihlilweko,

22 Lava va giyagiyako hi kutsaka,

Ina, lava va tsakako loku va kuma cilahla.

23 Hikuyini a mu nyikako kuwonekela a wanuna loyi a lahlekileko ndleleni yakwe,

Loyi Nungungulu a mu bhiyeleko matlhelweni wontlhe ke?+

24 Hakuva wutshan’wini ga zvakuga kuta mahika,+

Ni miketo ya mina+ ya chululeka ku khwatsi i mati.

25 Hakuva leci ndzi nga rurumela hi ku ci chava ci ndzi wele,

Ni leci ndzi nga ci chava ci ndzi mahekele.

26 A ndzi na kurula, ne kutshamiseka, ne kuhumula

Kanilezvi a makhombo ma simama kuta.”

 3 Kunene, u wa gondzisa votala

Ni ku tiyisa mandla ma rerekileko.

 4 A magezu ya wena ma wa vhuxa ni wihi a wako

U tiyiseta a madzolo ma rerekileko.

 5 Kanilezvi zvezvi zvi humelela wena niku wa rereka;*

Zva ku khumba, makunu wa karateka.

 8 Lezvi ndzi zvi wonako ku lava va rimako kugoha

Ni lava va byalako khombo, va tshovela zvalezvo.

 9 Hi kuhefemula ka Nungungulu vo lova,

Va fuva hi kuphuxuka ka zanga yakwe.

10 A nghala ya dzuma, ni cinghalana ca bhonga

Kanilezvi hambu a matino ya tinghala ta ntamu* ma tshoviwa.

11 A nghala yafa hi ku vhumala nyama,

Ni marole ya nghala ma hangalaswa.

12 Ndzi byelilwe gezu cihundleni

Ni kuhleva ka gona ku chikele tindleveni ta mina.

13 Lomu maalakanyweni ma vangako kukarateka miwonisweni ya wusiku,

Laha a vanhu va khomiwako hi wurongo ga hombe,

14 Ndzi no khon’wa hi kuchava ka hombe

Ku tata a marambu ya mina hi kururumela.

15 Ku no hundza moya hi nghoheni ya mina;

A mawoya ya miri* wa mina ma tlhatlheka.

16 Wu no simama na wu yimile

Kanilezvi a ndzi gi tivangi tshamela ga wona.

A ciwumbeko ca wona ci wa hi mahlweni ka mina;

Ku no kape, ndzizwa gezu, giku:

18 A nga ma tsumbi a malandza yakwe

Niku i kuma zvihoxo ka tingilozi* takwe.

19 A ndza ha wuli hi lava va tshamako lomu tindlwini ta wumba,

Lava a ciseketelo cabye ci nga lomu ntshurini,+

Lava va siliwako hi kuolova a ku fana ni ciwungwani!

20 Va hanya ni mixo, giku gi pela na va sililwe va ku bhi;

Va lova kala kupindzuka niku i hava a chelako kota hi vona.

 2 Hakuva a civiti ci ta daya a cipumbu,

Ni matshoho ma ta dayisa loyi wo kala ku tlhariha.

 3 Ndzi wonile cipumbu na ci zima timitsu,

Kanilezvi hi citshuketi a wutshamu legi ci hanyako ka gona ga rukatelwa.

 4 A vana va cona va kule ni kuvhikelwa,

Va siliwa nyangweni ya dhoropa+ na va nga hi na mulamuleli.

 5 A wa ndlala iga lezvi a cipumbu ci tshovelako,

Hambu loku a zvi teka cikari ka mimizwa,

Ni titshomba tabye ta phasiwa.

 6 Hakuva a hlomulo a wu humi hi lomu ntshurini,

Ni khombo a gi baleki hi lahasi.

 7 Hakuva a munhu i pswalelwa makhombo,

A ku khwatsi tihlahli ti balekako tiya hehla.

 8 Kanilezvi loku ku wa hi mina, ndzi wa ta hlota Nungungulu,

Ndzi yisa a mhaka ya mina ka Nungungulu,

 9 Loyi a mahako a zvilo zva hombe zvaku a zvi na ku tiviwa,

A zvilo zvo hlamalisa zva tsandza-vahlayi.

10 Wa nisa vhula laha misaveni

A rumela mati hehla ka masimu.

11 Wa tlakusa a munhu wa nyalidede,

A tlakusa loyi a rerekileko a mu yisa kuhanyisweni.

12 Wa tsandzekisa a makungo ya lava vo tlhariha,

Kasi a mitiro ya mandla yabye yi nga humeleli.

13 I phasa titlhari manweni ya tona,+

Kasi a makungo ya lava vo tlhariha ma tsandzekiswa.

14 Va khon’wa hi munyama na gi hi hlikanhi,

Va famba hi kuphiphitela a ku khwatsi gova wusiku.

15 Wa ponisa ka cipadha ca nomu wabye,

A ponisa cisiwana canjeni ga loyi wa ntamu,

16 Kasi loyi wa nyalidede ava ni kutsumba,

Kanilezvi a nomu wu nga lulamangiko wa vhaliwa.

17 Wa tsaka a munhu loyi a kawukiwako hi Nungungulu;

Hikwalaho, u nga ali a kulaya ka Loyi wa Ntamu Wontlhe!

18 Hakuva wa bayisa, kanilezvi wa tlhela a bhandicha cilondza;

Wa tshova, kanilezvi a mawoko yakwe ma hanyisa.

19 I ta ku ponisa ka 6 wa makhombo,

Hambu legi ga wu 7 gi nga ta ku bayisa.

20 I ta ku tlhatlhisa kufeni cikhatini ca ndlala,

Ni ntan’wini wa cipadha cikhatini ca yimpi.

21 U ta vhikelwa ka kukwapa ka lirimi,+

U nga ta chava kuhahlula loku kuta.

22 U ta hleka a kulovisa ni ndlala,

Niku u nga ta chava a zvivandza zva laha misaveni.

23 Hakuva a maribye ya lomu masin’wini ma nga ta ku bayisa,*

Ni zvivandza zva khwati zvi tava ni kurula na wena.

24 U ta zvi tiva lezvaku a tenda ga wena gi kuruleni,*

Niku ci hava u to ci vhumala loku u hlola a wuriselo ga wena.

25 U ta tsaka hi kuva ni vana vo tala,

Niku a vazukulu va wena va ta tala a ku khwatsi i byanyi ga laha misaveni.

26 U taya cilahleni na wa ha tiyile,

A ku fana ni tihlanga ta timbewu ti hlengeletilweko hi nguva ya tona.

 2 “Mayiwako loku a hlomulo wa mina+ wontlhe wu wo peziwa

Ni loku wu wo cheliwa cikalweni zvin’we ni makhombo ya mina!

 4 Hakuva a tigalala ta Loyi wa Ntamu Wontlhe ti ndzi fulile,

Ni moya wa mina wunwa vhenene ya tona;+

Hakuva a kuchava ku tako hi ka Nungungulu ku folile ku ndzi vhukela.

 5 Xana a mbongola ya khwati+ yaba* na yi hi ni byanyi,

Kutani a dhuna ga homu ga bhonga na gi hi ni zvakuga ke?

 6 Xana a zvakuga zvo pswhama zva giwa na zvi nga hi na munyu,

Kutani a tshepu ga mhangani ga nandziha ke?

 8 O, loku ku wo khwatsi a cikombelo ca mina ca zwiwa

Ni loku ku wo khwatsi Nungungulu wa ndzi nyika lezvi ndzi zvi xuvako!

 9 Loku ku wo khwatsi Nungungulu i ti yimisele ku ndzi faya,

Ni loku i wo nawuluta canja gakwe a ndzi mbhetisa!+

10 Hakuva hambu zvezvo zvi wa ta ndzi chavelela;

Ndzi wa ta tlulatlula hi kutsaka hambu lezvi ndzi zwako a kubayisa ka hombe,

Hakuva a ndzi alangi a timhaka ta Loyi a Basileko.+

13 Xana yi kona ndlela ya ku ndzi ti vhuna ha ndzoce

Kuveni zvontlhe lezvi ndzi nga hanya hi zvona zvi susilwe ka mina ke?

14 Ni wihi loyi a alako ku kombisa lirandzo li nga mbheliko ka munhu-kuloni+

I ta tsika ku chava Loyi wa Ntamu Wontlhe.+

15 A vamakabye va mina va kanganyisa+ a ku khwatsi i congo wa cikhatana,

Ina, ve khwatsi i mati ya micongo ya cirami lawa ma pswhako.

16 Yi vhindluswa hi jelo,

Ni gapongo yi nyekileko yi fihlala lomo.

17 Kanilezvi hi nguva ya kona, yo mbhela mati yi woma;

A cikhati leci ku hisako, yopswha.

18 A nonga wa yona wa hambukiswa;

Yi khulungela ciwuleni yi ya n’walala.

19 A ntlawa wa vaxavisi va le Tema+ wu lavetela yona;

Ni vaendzi va le Xebha*+ va rindzela yona.

20 Va te koyo tingana hi lezvi a kutsumba kabye ku ngava ka mahala;

Va chikela seyo kasi ku yawa tingana ntsena.

21 Hakuva lezvo hi lezvi n’wina mu ngava zvona ka mina;+

Mu wona a kutshisa ka hlomulo wa mina mu tala hi kuchava.+

23 Ndzi wa no kombela ku tlhatlhiswa canjeni ga nala

Kutani ku poniswa* ka vaxanisi ke?

24 Ndzi gondziseni, ndzi ta miyela;+

Ndzi vhuneni a ku zwisisa a cihoxo ca mina.

26 Mo luka mano ya ku kawuka a timhaka ta mina,

A magezu ya munhu a ngo kayakaya,+ lawa ma buvhetwako hi moya ke?

27 N’wina mu wa taba tihlolo mu bela a n’wanana a felweko hi vapswali+

Mu xavisa* munghana wa n’wina!+

28 Hikwalaho, hundzulukani mu ndzi cuwuka,

Hakuva ndzi nga ta hemba tinghoheni ta n’wina.

29 Cicani maalakanyo — ndzo kombela — mu nga ndzi lamuli hi ndlela ya hava,

Ina, cicani maalakanyo, hakuva a kululama ka mina ka ha tiyile.

7 “Xana a wutomi ga munhu wa ku wafa a gi fani ni ntiro wa cikurumeta?

Ni masiku yakwe a ma fani ni ya mutiri a tholilweko ke?+

 2 A ku fana ni khumbi, i navela a ndzhuti,

Niku a ku khwatsi mutiri a tholilweko, i rindzela a muholo wakwe.+

 3 Ndzi avelwe a tihweti ta kunganyawuli

Ndzi tlhela ndzi nyikiwa a wusiku ga makhombo.+

 5 A miri wa mina wu tele hi zviwungwani ni zvibaba zva chaka;+

Ni hlonge ya mina yi tele hi zvilondza ni wubovhu.+

 6 A masiku ya mina ma tsutsuma ku hundza ni muchini wo luka,+

Ma mbhela na ma nga hi na kutsumba.+

 7 Alakanya lezvaku a wutomi ga mina gi fana ni moya,+

Ni lezvaku a matihlo ya mina ma nga ta ha tshuka ma wona zvazvinene.*

 8 A matihlo lawa ma ndzi wonako zvezvi ma nga ta ha ndzi wona kambe;

A matihlo ya wena ma ta ndzi lavetela kanilezvi ndzi nga ta hava kona.+

 9 A ku khwatsi i refu gi cacukako gi n’walala,

Zva fana ni loyi a relelako Cilahleni,* a nga ta ha huma.+

10 A nga ta ha tlhela kambe kaya kakwe,

Ni wutshamu gakwe gi nga ta ha mu tiva.+

Ndzi ta wulawula kukaratekeni ka moya wa mina;

Ndzi ta keta hi kubayiseka hlomulweni wa mina wa hombe!*+

12 Ndzova bimbi kutani cingondzomu ca lomu bimbini,

Ko kala u ndzi vekela mugadhi ke?

13 Loku ndziku: ‘A sango ga mina gi ta ndzi chavelela,

Ni mubhedhi wa mina wu ta ndzi vhuna ku hungula kuxaniseka ka mina,’

14 Makunu wena u ndzi dzukisela hi miloro

U ndzi chavisela hi miwoniso,

15 Laha ka kuza ndzi* hlawula a kutlimbiwa,

Ina, ndzi hlawula kufa a ku hundza ku hanya na ndzi hi marambu.+

17 Ova yini munhu wa ku wafa ko kala u mu khatalela

U tlhela u veka kupima ka wena* kakwe ke?+

18 Hikuyini u mu hlolako mixo ni mixo

Ni ku mu ringa contlhe cikhati ke?+

19 Ina u nga ta jikisa matihlo ya wena ka mina

U ndzi tsika zva cikhatanyana kasi ndzi kota ku mita mari ya mina ke?+

21 Hikuyini u nga tsetseleliko cihambunyeto ca mina

U tsika a ku chela kota hi cigoho ca mina ke?

Hakuva zvezvanyana ndzi ta etlela ntshurini,+

U ta ndzi lavetela, kanilezvi ndzi nga ta hava kona.”

 3 Xana Nungungulu i ta hambunyeta nongameto,

Kutani Loyi wa Ntamu Wontlhe i ta hambunyeta kululama ke?

 4 Loku a vana va wena va mu wonhele,

I va tsikile va tsayiswa hi kota ya kuhluwuka kabye;*

 5 Kanilezvi loku wena u wo tsutsumela ka Nungungulu+

U khongotela Loyi wa Ntamu Wontlhe lezvaku a ku mahela wuxinji,

 6 Ni loku hakunene u wa basile ni kululama,+

I wa ta chela kota hi wena*

A ku tlhelisela wutshan’wini ga wena gi ku ringanako.

 7 Hambu lezvi a masangulo ya wena ma nga hi matsongwani,

A magumo ya wena ma wa tava ya hombe.+

 8 Wutisa a zvizukulwana zva kale,

U chela kota ka lezvi a vapapayi vabye va zvi kumileko.+

 9 Hakuva hina hi pswalilwe tolo wa ku tolo, a hi tivi nchumu,

Hakuva a masiku ya hina laha misaveni i ndzhuti.

10 Xana va nga ta ku gondzisa,

Va ku byela lezvi va zvi tivako* ke?

12 Na ma ha longa ku rumbuka, na ma nga se tsemiwa,

Ma ta ranga hi wona ma woma ka tisinya tontlhe.

13 Lawa hi wona mawuyawuya* ya vontlhe lava va rivalako Nungungulu,

Hakuva a kutsumba ka loyi a nga kholwiko ka Nungungulu* ku ta lova,

14 Loyi a kutsumba kakwe ku nga ka mahala

Ni loyi a kutsumba kakwe ku nga tiyangiko a ku fana ni wupe* ga nyazombe.*

15 I ta khigela yindlu yakwe, kanilezvi yi nga ta simama yi yimile;

I ta zama ku namarela ka yona, kanilezvi yi nga ta pindzuka.

16 I sinya ya neke* laha mun’wini wa gambo,

Ni madhavi yakwe ma nava lomu sin’wini.+

17 Laha ka nhulu ya maribye, a timitsu takwe to tsondzelana;

I lavetela yindlu cikari ka maribye.*

18 Kanilezvi a cikhati leci a tsuwulwako* wutshan’wini gakwe,

A wutshamu lego gi ta mu ala, giku: ‘A ndzi se tshuka ndzi ku wona.’+

19 Ina, hi zvalezvo a to n’walalisa zvona;+

Makunu ku ta huma van’wani hi lomu ntshurini.

20 Hakunene Nungungulu a nga ta ala lava va hanyako hi kutsumbeka;*

Ne a nga ta seketela vanhu vo biha.

21 Hakuva wa ha ta tata nomu wa wena hi mahleko

Ni minomu ya wena hi kutsaka.

22 Lava va ku vengako va ta bohiswa tingana,

Ni tenda ga vakubiha gi nga ta hava kona.”

 3 Loku a wokari a lava ku phikizana Naye,*+

I wa nga ta zvi kota ku hlamula ne ciwutiso cin’we ka 1000 wa zvona lezvi a nga wa ta mu wutisa.

 5 I kunula zvitsunga na zvi nga tiviwi hi munhu;

A zvi findzilita zangeni yakwe.

 6 I tsekatsekisa misava wutshan’wini ga yona,

Laha ka kuza a mapilari ya yona ma rurumela.+

 7 I laya gambo lezvaku gi nga woningi

A vhalela kuwonekela ka tinyeleti;+

 8 I andlala matilo hi yece,+

A famba hehla ka mavingo* yo tlakuka ya bimbi.+

 9 I mahile a mitlawa ya tinyeleti ya Axi, ni ya Kesil, ni ya Kima,+

Ni mitlawa ya tinyeleti ya le dzongeni;*

10 I maha zvilo zva hombe zvaku a zvi na ku tiviwa,+

Ina, a mahanjalati ma nga hiko na ku hlayiwa.+

11 I hundza hi laha ka mina, kanilezvi a ndzi mu woni;

I hundza hi laha kusuhani na mina, kanilezvi a ndzi muzwi.

13 Nungungulu a nga ta khoma a zanga yakwe;+

Hambu a vavhuneteli va Rahabhi*+ va ta korama mahlweni kakwe.

14 A ndza ha wuli hi cikhati leci ndzi to mu hlamula

Ndzi fanele ku hlawula khwatsi a magezu ya mina kasi ndzi wulawulisana naye!

A ndzi kholwi ku i ta ingisela a gezu ga mina,

17 Hakuva wa ndzi faya hi cingulo

Ni ku andzisa a zvilondza zva mina handle ka cigelo.+

18 A nga ndzi nyiki ni cikhati ca ku hefemula;

I tshamela ku ndzi tata hi zvilo zvo bava.

20 Loku ndzi wa hi ni razawu, a nomu wa mina wu wa ta ndzi kona;

Hambu loku ndzo simama kuva wo tsumbeka,* yena i taku ndzi na ni nandzu.*

21 Hambu loku ndzi hanya hi kutsumbeka,* a ndzi zvi tivi lezvi zvi to ndzi humelela;*

Ndza ala* a wutomi ga mina.

22 Zvontlhe zva fana. Hi caleco ci ndzi mahako ndziku:

‘I lovisa lava va nga hiko na nandzu* zvin’we ni vakubiha.’

23 Loku ku wo phuxuka ndambi yi daya hi citshuketi,

I wa ta hleka a kuxaniseka ka lava va nga hiko na nandzu.

24 A misava yi nyikelwe canjeni ga vakubiha;+

Wa fenengeta mahlo* ya valamuli va yona.

25 Zvezvi, a masiku ya mina ma tsutsuma ku hundza mutsutsumi;+

Ma tsutsuma na ma nga woni ca cinene.

26 Ma ngirimelisa ku khwatsi zvitatara,*

A ku khwatsi magama ma relelako hi kuhatlisa ma ya khoma nyama.

27 Loku ndziku: ‘Ndzi ta rivala a cikhalo ca mina,

Ndzi susa kutsuva nghoheni ya mina ndzi tsaka’,

28 Ndzi wa ha ta simama ku chava hi kota ya kubayisa ka mina kontlhe,+

Niku ndza zvi tiva lezvaku u wa nga ta ndzi wona kota loyi a nga hiko na nandzu.

30 Loku ndzi wo hlamba matini ya gapongo yi nyekileko,

Ni ku basisa mandla ya mina hi sabawu,+

31 U wa ta ndzi dun’weka lomu hloweni ya madhaka,

Laha kaku hambu a tinguwo ta mina ti ndzi nyenya.

32 Hakuva a hi munhu wa ku fana na mina wa ku ndzi nga mu hlamula,

Kutani wa ku hi nga yisana tribhunali.+

33 A ku na munhu wa ku tsema mhaka* cikari ka hina,

Loyi a nga mahako mulamuli wa hina.

34 Loku i wo nyima ku ndziba*

A tlhela a nga tsiki kutshisa kakwe ku ndzi dzukisa,+

35 Ndzi wa ta wulawula naye na ndzi nga chavi,

Hakuva a ndzi munhu wa ku wulawula na ndzi chava.

 3 Xana wa vhuneka hi ku ndzi xanisa,

U chepeta a ntiro wa mandla ya wena+

Lezvo na u yima ni wusungukati ga vakubiha?

 4 Kasi wova ni matihlo ya nyama,

Kutani u wonisa a ku khwatsi hi lezvi a munhu wa ku wafa a wonisako zvona ke?

 5 Xana a masiku ya wena mo ringana ni lawa ya vanhu,

Kutani a malembe ya wena mo ringana ni lawa ya vanhu,+

 6 Ko kala u hlota a cigoho ca mina

Ni ku simama u lavetela a ciwonho ca mina ke?+

 7 Wa zvi tiva ku a ndzi na nandzu;+

Ni lezvaku i hava wa ku a nga ndzi ponisa canjeni ga wena.+

 8 A mandla ya wena ma ndzi wumbile ni ku ndzi maha,+

Kanilezvi zvezvi u lava ku ndzi lovisa ndzi ku bhi.

 9 Ndzo kombela, alakanya lezvaku u ndzi mahile hi wumba,+

Kanilezvi zvezvi u ndzi tlhelisa ntshurini.+

10 A wu ndzi chululangi a ku khwatsi ndzi masi

U ndzi tiyisa a ku fana ni keijo ke?

11 U ndzi ambexile hlonge ni nyama,

U tlhela u ndzi runga hi marambu ni misiha.+

12 U ndzi nyikile wutomi u tlhela u ndzi kombisa lirandzo li nga mbheliko;

U vhikele moya* wa mina hi kukhatala ka wena.+

14 Loku a ndzo wonha, u wa ta ndzi cuwukisela,+

U wa nga ta ndzi tsetselela cigoho ca mina.

Hambu loku ndzi nga hi na nandzu, a ndzi nge tlakusi a hloko ya mina,+

Hakuva ndzi tele hi tingana ni hlomulo.+

16 Loku ndzi tlakusa hloko ya mina, u ndzi hlota a ku khwatsi u nghala+

U tlhela u kombisa ntamu wa wena kasi ku ndzi vhukela.

17 U tisa vakustumunyu vaswa va ku ndzi vhukela

U tlhela u engetela a ku ndzi zangarela,

Laha a zvikarato zvi yaku hi ku landzelana hehla ka mina.

19 Na zvi te khwatsi a ndzi zangi ndziva kona;

Na ndzi humesilwe hi khwirini ndzi kongoma cilahleni.’

20 A masiku ya mina a hi ma tsongwani ke?+ I wa ndzi tsike;

Ngha a jikisa mahlo yakwe ka mina ndzi fela ku pepanyana+

21 Na ndzi nga se famba+ — ndzi nga ha wuyi kambe —

Tikweni ga munyama wo eta,*+

22 Tikweni ga munyama wo dema,

A tikweni ga ndzhuti wo eta ni ga vhilinganya,

Laha hambu kuwonekela ku fananako ni munyama.”

 2 “Xana a magezu lawa wontlhe ma ta simama

ku nga hlamuliwi,

Kutani a ku wulawula nguvhu* zvi ta maha munhu ava ni razawu?

 4 Hakuva u ngalo: ‘A gondziselelo ya mina yi basile,+

Minawu ndzi basile mahlweni ya wena.’+

 5 Mayiwako loku Nungungulu i wo wulawula

A vhulula nomu wakwe ka wena!+

 6 I wa ta ku vhululela mifihlakalo ya wutlhari,

Hakuva a wutlhari gi na ni matshamela yo tsalangana.

 7 U nga zvi kota ku pola zvilo zvi etileko zva Nungungulu

Kutani ku pola zvilo zvontlhe xungetano hi* Loyi wa Ntamu Wontlhe ke?

 9 Gi lehile ku hundza misava

Ni kuanama ku hundza bimbi.

10 Loku a hundza a khoma munhu a famba naye tribhunali,

Himani wa ku a nga mu betela?

12 Kanilezvi a munhu wa hloko yo tala mati a ngo zvi zwisisa

Ntsena loku a mbongola ya khwati yo pswala munhu.*

13 Mayiwako loku u wo longisela mbilu ya wena

U tlakusa mandla ya wena kakwe!

14 Loku a canja ga wena gi maha zvahava, zvi hoxe kule,

U nga tsiki a kungalulami ku tshama matendeni ya wena,

15 Makunu u ta tlakusa a nghohe ya wena na u ngawi tingana;

U ta yima u tiya, na u nga chavi nchumu.

16 Hakuva u ta rivala hlomulo wa wena;

U wu alakanya ntsena kota mati ma khulungileko ma hundza.

17 A wutomi ga wena gi ta wonekela ku hundza dhina;

Hambu a munyama wa gona wu ta ku khwatsi i mixo.

18 U nga ta chava nchumu, hakuva ku na ni kutsumba,

U ta cuwuka lomu matlhelweni, u etlela kuruleni.

19 U ta etlela na ku nga hi na wa ku ku dzukisa,

Niku a vanhu vo tala va ta kombela kuva ni thomo ka wena.

20 Kanilezvi a mahlo ya vakubiha ma ta timeka;

Va nga ta kuma ko tsutsumela kona,

Ni kutsumba kabye ku tava kufa ntsena.”+

 2 “Kunene hi n’wina mu tivako zvontlhe,*

Ni wutlhari gi tafa na n’wina!

 4 Ndzi mahile cihlekiso ka vanghana va mina,+

Mina loyi ndzi vitanako Nungungulu na ndzi lava hlamulo.+

 5 A munhu a nga karatekiko hi nchumu i chepeta khombo,

Na a alakanya lezvaku gi ta wela ntsena lava a mikondzo yabye yi retemukako.*

 6 A matenda ya makhamba ma kuruleni,+

Ni lava va vhukako Nungungulu va hlayisekile,+

Lava va welelako nungungulu wabye mandleni yabye.

 7 Kanilezvi wutisa a zvihari, zvi ta ku gondzisa;

Ni zvinyanyani zva tilo, zvi ta ku byela.

 8 Kutani cuwukisisa* misava, yi ta ku gondzisa;

Ni tinjhanjhi ta bimbi ti ta ku hlawutela.

 9 Hi cihi ka zvontlhe lezvi ci kalako ci nga zvi tivi

Lezvaku i canja ga Jehovha gi mahileko lezvi?

10 A wutomi ga zvontlhe zvi hanyako gi* canjeni gakwe

Zvin’we ni moya* wa vanhu vontlhe.*+

11 A ndleve a yi ringi magezu

A ku khwatsi hi lezvi a lirimi li ringako zvakuga ke?+

12 Xana a wutlhari a gi kumiwi ka vakhosaheleko,+

Ni wutomi go leha a gi nehi kuzwisisa ke?

13 A wutlhari ni ntamu zvi na yena;+

I na ni wusungukati ni kuzwisisa.+

14 Loku a khungumula nchumu, a ci nge aketwi;+

Leci yena a vhalako, a ci vhululwi hi munhu.

15 Loku a vhala mati, zvontlhe zvo woma;+

Loku a ma rumela, ma fenengeta misava.+

16 A ntamu ni wutlhari zvi na yena;+

Loyi a hambukako ni loyi a hambukisako va canjeni gakwe;

17 I maha masungukati ma famba hi thaba,*

Ni valamuli i va maha zvipumbu.+

18 I susa ntamu wa tihosi,+

A ti boha zviwunu hi machini.

19 I maha vapristi va famba hi thaba,*+

A wisa lava va yimisilweko va tiya zvikhundleni zva wuhosi;+

20 I ma tsona magezu a masungukati yo tsumbeka

A va tekela kupima a vanhu va kulileko;*

21 I chulula kuchepetwa hehla ka tihosana,+

A rera lava va ntamu;*

22 I tsetsula zvilo zvi etileko hi munyameni,+

A neha kuwonekela hehla ka munyama wo tshisa;

23 I tsika matiko ma ti nyika ntamu kasi a ma lovisa;

A kulisa matiko kasi a ma yisa wukhumbini.

24 I va susela kupimisisa* a varangeli va vanhu

A va maha va pepetseka ciwuleni co kala ndlela.+

25 Va phiphitela munyameni,+ lomu ku nga hiko na kuwonekela;

I va maha va pepetseka a ku khwatsi vanhu va popilweko.+

13 “Ina, a mahlo ya mina ma zvi wonile zvontlhe lezvi,

Ni tindleve ta mina ti zvi zwile ti tlhela ti zvi zwisisa.

 2 Lezvi mu zvi tivako, minawu ndza zvi tiva;

A ndzi mutsongwani ka n’wina.

 3 Hi tlhelo ga mina, ndzi wa ta hlawula ku wulawula ni Loyi wa Ntamu Wontlhe;

Ndzi xuva ku yimela mhaka ya mina mahlweni ka Nungungulu.+

 4 Kanilezvi n’wina mu ndzi chakisela hi mawunwa;

N’wentlhe mu vadhokodhela va nga vhuniko nchumu.+

 5 Loku mu wo miyela,

Zvi wa ta komba ku mu tlharihile.+

 6 Mahani wuxinji mu ingisela timhaka ta mina,

Mu tlhela mu chela kota ka kukhongotela ka nomu wa mina.

 7 Mu ta mu wulela magezu yo biha Nungungulu,

Mu tlhela mu wulawula mawunwa kasi ku mu yimela ke?

 8 Mu ta yima tlhelweni gakwe,

Mu zama ku yimela a mhaka ya Nungungulu wa lisine ke?

10 Kunene i wa ta mu kawuka

Loku mu zama ku kombisa a cihlawulela cihundleni.+

11 Xana a wudzundzo gakwe gi wa nga ta mu dzukisa

Mu tlhela mu welwa hi kutshisa kakwe ke?

12 A timhaka ta n’wina ta wutlhari a ti vhuni nchumu a ku fana ni khuma,

Ni magezu ya n’wina ya kutiyimelela ma fana ni wumba, a ma tiyangi.

14 Hikuyini ndzi ti vekako mhangweni*

Ndziya hi ku welela wutomi* ga mina lomu mandleni ke?

15 Hambu lezvi ku nga ku a nga ndzi daya, ndzi ta simama ku rindzela;+

Ndzi ta yimela mhaka* ya mina mahlweni kakwe.

16 Makunu i wa tava kuhanyiswa ka mina,+

Hakuva a ku na munhu a nga kholwiko ka Nungungulu* wa ku a ngata a ta yima mahlweni kakwe.+

17 Ingiselani khwatsi a mhaka ya mina;

Chelani kota ka lezvi ndzi wulako.

18 Tivani lezvaku ndzi ti longisele kasi ku yimela a mhaka ya mina;

Ndza zvi tiva ku ndzi na ni razawu.

20 O, Nungungulu, ndzi nyike ntsena a zvilo zvimbiri,*

Kasi ndzi nga fihlali mahlweni ka wena:

21 Susa canja ga wena go bindza giva kule na mina,

Niku u nga tsiki a kuchava wena ku ndzi chela wutoya.+

22 Vitana, ndzi ta hlamula,

Kutani ndzi tsike ndzi wulawula, wena u ndzi hlamula.

24 Hikuyini u fihlako a nghohe ya wena+

U ndzi wona kota nala wa wena ke?+

25 U ta zama ku dzukisela a tluka gi hahako hi moya

Kutani ku hlongolisela a byanyi go woma ke?

26 Hakuva u simama ku tsala zvilumbeto zvo bava ha mina,

U ndzi hakhelisa a nandzu wa zviwonho ndzi zvi mahileko wusweni ga mina.

27 U fasa mikondzo ya mina hi makhotso,

U hlolisisa a tindlela ta mina tontlhe,

Ni ku landzelela kontlhe laha a nkondzo wa mina wu kandzihelako.

28 Hikwalaho, a munhu* wa mbhela a ku fana ni cilo ci bolileko,

A ku khwatsi i nguwo yi gilweko hi muhlwa.

14 “A munhu a pswalilweko hi wasati,

I hanya wutomi go koma+ na gi tele hi zvikarato.+

 2 I mila ku fana ni citsangi a gumesa a wuna;*+

I tsutsuma ku fana ni ndzhuti a gumesa a n’walala.+

 3 U vekile tihlo ga wena hehla kakwe,

U mu* yisa kulamulweni zvin’we na wena.+

 5 Loku a masiku yakwe ma yimisilwe,

A ntsengo wa tihweti takwe wu na wena;

U mu vekele mbhingano, lowu a nga faneliko ku wu tlula.+

 6 Jikisa a mahlo ya wena kakwe a fela ku humula,

Kala a mbheta a siku gakwe, a ku fana ni mutiri a tholilweko.+

Loku yi tsemiwa, yi ta tlhela yi hluka kambe,

Ni mahluke ya yona ma ta simama ku kula.

 8 Loku a timitsu ta yona ti khosalaha lomu hasi

Ni cibho ca yona cifa laha misaveni,

 9 Neti yizwa kunuhela ka mati yi ta hluka

Yi humesa madhavi a ku khwatsi i sinya yiswa.

10 Kanilezvi a munhu wafa, a mbhelelwa hi ntamu;

Loku a munhu a hefemula hi khati go gumesa, iya kwihi?+

11 A mati ma n’walala lomu bimbini,

Ni congo wa koka wupswha.

Va nga ta khindlimuka kala a tilo gi nga havi kona,

Ne va nga ta vhuxiwa wurongweni gabye.+

13 O, loku ku wo khwatsi wa ndzi fihla Cilahleni,*+

U ndzi fihla kala a zanga ya wena yi hundza,

Ni loku ku wo khwatsi wa ndzi yimisela cikhati u gumesa u ndzi alakanya!+

Ndzi ta rindzela masiku wontlhe ya ntiro wa mina wa cikurumeta

Kala kuta a kutlhatlhiswa ka mina.+

16 Kanilezvi zvezvi, u tshamela ku hlayela a mazambo ya mina wontlhe;

U lavetela a ciwonho ca mina ntsena.

17 A cihambunyeto ca mina ci bohelwe lomu sakweni,

Niku u lema a cigoho ca mina hi kola.

18 A ku khwatsi hi lezvi a citsunga ci wako ci fayekela,

Ni lezvi a ribye gi sukako wutshan’wini ga gona,

19 A ku khwatsi hi lezvi a mati ma gako maribye

Ni lezvi a minonga ya wona yi kukuletako misava,

Hi zvalezvo na wenawu, wa fuvisa a kutsumba ka munhu wa ku wafa.

20 U simama ku mu tshakatela kala a lova;+

U cica a matshamela yakwe u tlhela u mu hlongola.

21 A vana vakwe va dzundziwa, kanilezvi yena a nga zvi tivi;

Va maha va nga vhuniko nchumu, kanilezvi yena a nga zvi poli.+

22 Izwa kubayisa ntsena na a ha hanya;

A* rila ntsena na a ha hanya.”

 2 “A munhu a tlharihileko a nga hlamula hi magezu ma nga vhuniko nchumu,*

Kutani a nga tata khwiri gakwe hi moya wa cikobani* ke?

 3 A ku hlamula hi magezu yo kala ku vhuna nchumu a zvi sizi,

Ni kuwulawula koce a ku na bhindzu.

 4 Hakuva wena u mbheta ntamu a kuchava Nungungulu,

U chepeta a kuehleketa hi Nungungulu.

 5 Hakuva a cigoho ca wena ci gondzisa a nomu wa wena,*

Niku u hlawula a magezu ya kukhohlisa.

 6 A nomu wa wena hi wona wu ku konako, a hi mina;

A minomu ya wena yi nyika a wukustumunyu ga ku ku vhukela.+

 7 Kova wena munhu wo sangula ku pswaliwa,

Kutani u no pswaliwa a zvitsunga na zvi nga seva kona ke?

 8 Xana wo ingisela a mabhulo ya cihundla ya Nungungulu,

Kutani kova wena wece u nga ni wutlhari ke?

10 Cikari ka hina ku na ni lava va wuvhu ni vakhosaheleko,+

A vanhu va nga tinhondzo nguvhu ka papayi wa wena.

11 Xana a ku chavelelwa hi Nungungulu a zvi ku eneli,

Hambu a magezu ya lirandzo lawa u khongotelwako hi wona ke?

12 Hikuyini a mbilu ya wena yi ti nyikako matshandza?

Kona hikuyini a mahlo ya wena ma ngangamelako hi zanga ke?

13 Hakuva u hundzulile a moya wa wena wu vhukela Nungungulu,

U tsika magezu yo khwatsi hi lawo ma huma non’wini wa wena.

14 Cini munhu wa ku wafa ko kala ava loyi a hlazvekileko,

Kutani munhu a pswalilweko hi wasati, ko kala ava wo lulama ke?+

15 Phela a nga va tsumbi a vobasa vakwe,

Ne hambu matilo a ma basangi mahlweni yakwe.+

16 A ndza ha wuli hi munhu loyi a nga cinyenyeko ni mukanganyisi,+

Loyi a nwako a kungalulami a ku khwatsi i mati!

Ndzi ta ku hlawutela lezvi ndzi zvi wonileko,

18 Lezvi a vanhu vo tlhariha va zvi hlawuteleko, kota lezvi va zvi kumileko ka vapapayi vabye,+

A zvilo lezvi va nga zvi fihlangiko.

19 A tiko gi nyikilwe vona voce,

A ku na wamatiko a hundzileko hi cikari kabye.

20 A munhu wa kubiha wa xaniswa wontlhe masiku yakwe,

Ka malembe wontlhe lawa ma hlayiselweko a munhu wa xapi.

21 A guwa go tshisa gi tindleveni takwe;+

Cikhatini ca kurula, i vhukelwa hi vaphangi.

22 A nga kholwi lezvaku i ta pona ka munyama;+

A cipadha ci mu lavelele.

24 A kukarateka ni hlomulo zva mu rurumelisa hi kuchava;

Zvita hehla kakwe a ku khwatsi i hosi yi longileko a ku dhumela.

25 Hakuva i tlakusa canja gakwe a vhukela Nungungulu

A tlhela a zama ku phikiza* Loyi wa Ntamu Wontlhe;

26 I ti nonohisa nhamu a tsutsuma aya Kakwe,

Na a hi ni citlhangu cakwe co dziva ni co tiya;

27 A nghohe yakwe yi fenengetilwe hi mafura,

Ni tinyonga takwe ti tele hi mafura;

28 I tshama madhoropeni ma to loviswa,

Ni tindlwini ti to kala ku tshama munhu,

Leti ti to maha tinhulu ta maribye.

29 A nga ta ganya, niku a tshomba yakwe yi nga ta talelana,

Ne hambu a titshomba takwe ti nga ta andza laha misaveni.

30 A nga ta pona ka munyama;

A langavi gi ta womisa a hluke gakwe,*

A lova hi kubuvheta ka nomu wa Nungungulu.*+

31 A nga faneli ku hambuka ne ku tsumba zvilo zvi nga vhuniko nchumu,

Hakuva lezvi zvi nga vhuniko nchumu zvi tava nchachazelo wakwe;

32 Lezvi zvi ta humelela a siku gakwe na gi nga se chikela,

Ni madhavi yakwe cima ma nga ta hluka.+

33 I ta fana ni vhina* lowu wu hurumukelako mauvha ya wona ya mambisi,

Ni olivha lowu wu tlhatlhekako a zvitsangi zva wona.

34 Hakuva a hlengeletano ya lava va nga kholwiko ka Nungungulu* i ngon’wa,+

Ni ndzilo wu ta mita matenda ya lava va xavelelwako.

35 Va xura nyimba ya kukarateka, va pswala zvakubiha,

Ni makhwiri yabye ma pswala kukanganyisa.”

Xana loku mu wa hi wutshan’wini ga mina,*

Ndzi wa ta mu byela magezu ma kholwisako yo mu sola

Ndzi mu zivizela hloko ke?+

 5 Ahihi, wutshan’wini ga lezvo, ndzi wa ta mu tiyisa hi magezu ya nomu wa mina,

Ni kuchavelela ka nomu wa mina ku wa ta mu tangalisa.+

 6 Loku ndzi wulawula, a kubayisa ka mina a ku hundzi,+

Kona hambu loku ndzi miyela, a kubayisa ka mina ku hunguka zvo kota kwihi ke?

 7 Kanilezvi i ndzi mbhetile ntamu;+

I hlasele a ngango wa mina wontlhe.*

 8 Ahandle ka lezvo, u tlhelile u ndzi khoma, niku lezvo zvi mahile wukustumunyu,

Kasi a kuwondza ka mina ku suka ku yima ku kustumunya ku ndzi vhukela.

Wa ndzi getselela matino.

A nala wa mina wa ndzi tlhava hi matihlo yakwe.+

10 Va ndzi ahlamele nomu kasi ku ndzi khadamula,+

Va ndziba tipama lomu ka marama na va ndzi chepeta;

Va hlengeletana na va tele va ndzi vhukela.+

11 Nungungulu i ndzi nyikela mandleni ya vafana,

A ndzi hoxela mandleni ya vakubiha.+

12 Ndzi wa hi kuruleni, kanilezvi yena i ndzi fayetele;+

I ndzi khomile hi makosi a ndzi sila;

I ndzi mahile cipotiyelo cakwe.

13 A vaphandi vakwe va mipaxa va ndzi randzele;+

I ndzi tlhava tiswa ta mina+ niku a nga zweli wusiwana;

I chulula a nyongwa ya mina lahasi.

14 I ndzi bhoxetela hi kuphindaphinda kala ndzi hlakala;

Ita ka mina hi kutsutsuma a ku khwatsi i nhenha.

15 Ndzi rungile tisakwa kasi ndzi fenengeta a hlonge ya mina,+

Ndzi kelela a wudzundzo* ga mina lomu ntshurini.+

16 A nghohe ya mina yi pswhukile hi ku rila,+

Ni munyama* wu randzele a matihlo ya mina,

17 Hambu lezvi a mandla ya mina ma nga kala ku maha wugevenga

Ni lezvi a mukhongelo wa mina wu basileko.

18 Wena misava, u nga fenengeti a nkhata wa mina!+

Ni kurila ka mina ku ngavi ni wutshamu ga ku humula kona!

19 Hambu zvalezvi, a kustumunyu wa mina i le matilweni;

Loyi a nga kustumunyako hi mina i le hehla-hehla.

20 A vanghana va mina va ndzi tseketsela+

Laha a matihlo ya mina ma chululako mihloti ka Nungungulu.+

21 Ngha kuva ni mulamuli cikari ka munhu na Nungungulu,

A ku khwatsi hi lezvi zvi mahekako ka munhu ni muakelani wakwe.+

22 Hakuva a malembe ma seleko ma tsongwani,

Ndzi ta famba hi ndlela ya mufambela teto.+

17 “A moya wa mina wu pandzekile, ni masiku ya mina ma mbhelile;

A cilahla ci ndzi rindzele.+

 2 A vatseketseli va ndzi randzele,+

Ni mahlo ya mina ma kurumeteka ku cuwuka a mahanyela yabye ya wuhluwuki.

 4 Hakuva u va vhalile kupima kasi va nga zwisisi;+

Hi caleco ci ku mahako u nga va tlakusi.

 5 A nga ti yimisela ku va avela zvokari a vanghana vakwe,

Kuveni a matihlo ya vana vakwe mo firimela hi ndlala.

 6 I ndzi mahile cihlekiso* cikari ka matiko,+

Ndziva loyi a phelelwako nghohe.+

 7 A matihlo ya mina ma firimele hi kota ya kukarateka,+

Ni zviro zva mina zvontlhe i ndzhuti.

 8 A vanhu vo lulama va zvi cuwuka va vhumala ni co wula hi kuhlamala,

Ni loyi wo kala nandzu wa karateka hi kota ya loyi a nga kholwiko ka Nungungulu.*

 9 A wakululama i khoma zvi tiya ndleleni yakwe,+

Ni loyi a basileko mandla i endzeleka a tiya.+

10 Hambulezvo, mu nga tlhela mu wuya n’wentlhe mu ta wulawula,

Hakuva a ndzi kumangi wo tlhariha cikari ka n’wina.+

11 A masiku ya mina ma mbhelile;+

A makungo ya mina, ku nga mixuvo ya mbilu ya mina, ma hangalasilwe.+

12 Va tshamela ku cica wusiku giva hlikanhi,

Vaku: ‘A kuwonekela ku laha kusuhani hakuva munyama.’

13 Loku ndzi rindzela, a Cilahla* ci tava muti wa mina;+

Ndzi ta andlala a mubhedhi wa mina lomu munyameni.+

16 Kona ku* ta relela kala tinyangweni ti khotsilweko ta Cilahla*

A cikhati leci hi to relela zvin’we hiya ntshurini.”+

 3 Hikuyini hi nga wa ta woniwa kota zvihari+

Ni ku woniwa kota zvipumbu* mahlweni ka wena?

 4 Hambu loku wo ti pfhemulela* zangeni ya wena,

Xana a misava yi ta tsikiwa hi kota ya wena,

Kutani a ribye gi ta suka wutshan’wini ga gona ke?

 5 Ina, a kuwonekela ka wakubiha ku ta timiwa,

Ni langavi ga ndzilo wakwe gi nga ta wona.+

 6 Hakunene a kuwonekela ku nga lomu tendeni gakwe ku ta phuma,

Ni kandiya yi nga hehla kakwe yi ta timiwa.

 7 A mazambo yakwe ya ntamu ma ta komiswa,

Ni wusungukati gakwe gi ta mu wisa.+

 8 A mikondzo yakwe yi ta mu yisa likokeni;

I ta pepetseka a wela ka lona.

 9 A ntlhamu wu ta mu phasa hi cirendze;

Ni mano ma ta mu kuma.+

10 I dembelwe lizinga lahasi li fihliwa,

Ni ntlhamu wu dembilwe ndleleni yakwe.

11 A kuchava ka mu dzukisa hi matlhelo wontlhe+

Ku mu hlongolisela zambo ni zambo a bako.

12 A ntamu wakwe wa mbhela,

Ni makhombo+ ma ta mu dhedherekisa.*

13 A hlonge yakwe ya giwa;

A wubabyi gi dayako nguvhu* ga khadamula zviro zvakwe.

14 I susiwa ka wuchavelo ga tenda gakwe+

A yisiwa ka hosi ya kuchavisa.*

15 A vambe vanhu* va ta hanya tendeni gakwe;

A solufa* yi ta xwanyiwa mutini wakwe.+

16 A timitsu takwe ti ta woma lahasi kakwe,

Ni madhavi yakwe ma ta wuna hehla kakwe.

17 A nga ta ha alakanyiwa laha misaveni,

Ni vito gakwe gi nga ta ha tiviwa* lomu maruweni.

18 I ta susiwa kuwonekeleni a yiswa munyameni

A hlongoliwa laha misaveni.

19 A nga tava ni pswalo ne vana cikari ka vanhu vakwe,

Ne a nga tava ni misalela wutshan’wini legi a hanyako ka gona.

20 Loku a siku gakwe gi chikela, a vanhu va le Mupela-gambo va ta dzuka,

Ni vanhu va le Mutsuwuka-gambo va ta rurumela hi kuchava.

21 Lezvi hi lezvi zvi mahekako ka matenda ya mugohi

Ni ka wutshamu ga loyi a nga mu tiviko Nungungulu.”

 2 “Kala rini na ma ha simama ku nyenyezisela a muhefemulo wa mina,*+

Mu ndzi fayetela hi magezu ke?+

 3 Mu ndzi kawukile* a 10 wa makhati;

Ne a mu dhani a ku ndzi mahela tihanyi.+

 4 Loku hakunene ndzi gohile,

A nandzu wa kona wa mina.

 5 Loku mu simama ku ti kulisa hehla ka mina,

Hi ku wula lezvaku a khombo legi gi ndzi weleko i mhango ku ti lavela,

 6 Tivani lezvaku hi Nungungulu a nga ndzi kanganyisa,

Ni ku ndzi phasa hi likoka lakwe.

 7 Ndza rila ndziku: ‘Nyandhayeyo!’ kanilezvi a ndzi hlamuliwi;+

Ndza simama ku rila ndzi kombela civhuno kanilezvi a ku na kululama.+

 8 I vhalile ndlela ya mina hi muro wa maribye, a ndzi zvi koti ku hundza;

I khubhunyetile tindlela ta mina hi munyama.+

 9 I ndzi tlhatlhele a wudzundzo ga mina

A tlhela a susa cidlodlo* hlokweni ya mina.

10 I ndzi khungumula hi matlhelo wontlhe kala ndzi lova,

A tsuwula a kutsumba ka mina a ku khwatsi o tsuwula sinya.

11 A zanga yakwe ya vhura yi ndzi vhukela,

Niku i ndzi wona kota nala wakwe.+

12 A mabutho yakwe mata zvin’we ma ta ndzi randzela

Ma gova ma randzela a tenda ga mina.

13 I hlongolile a vamakabye va mina vaya kule na mina,

Niku lava va ndzi tivako va ti tsawukanisile na mina.+

14 A vanghana va mina va hombe* va ndzi tsikile,

Ni lava ndzi va tivako khwatsi va ndzi rivele.+

15 A vapfhumba mutini wa mina+ ni malandza ya mina ya cisati va ndzi wona kota mumbe munhu;

Ndzi wa matiko mahlweni kabye.

16 Ndzi vitana a nandza ga mina, kanilezvi a gi hlamuli;

Ndza gi khongotela hi nomu wa mina lezvaku gi ndzi zwela wusiwana.

17 A kuhefemula ka mina ka nyenyeza ka sati wa mina,+

Niku ndza nuha ka vamakabye va mina.*

18 Hambu a vanana va ndzi chepeta;

Loku ndzi suka ndzi yima va sangula ku ndzi maha ku khwatsi a ti teki.

19 A vanghana va mina vontlhe va susa ndzi kandzihela va ndzi nyenya.+

Ni lava ndzi nga va randza va ndzi jikele.+

20 A marambu ya mina ma namarele ka hlonge ya mina ni ka nyama ya mina,+

Ndzi pona na gi no ha.*

21 Ndzi maheleni wuxinji, n’wina vanghana va mina, ndzi maheleni wuxinji,

Hakuva a canja ga Nungungulu gi ndzi henyile.+

22 Hikuyini mu simamako ku ndzi xanisa a ku khwatsi hi lezvi Nungungulu a mahako,+

Mu ndzi vhukela mu nga tsiki ke?*+

23 Mayiwako loku a magezu ya mina ma wo tsaliwa,

Ni loku ku wo khwatsi ma tsaliwa bhukwini!

24 Mayiwako loku ma wo kehliwa laha ribyeni ma tshama kala kupindzuka,

Hi chizelo ya simbi ni muthovhu!

25 Hakuva ndza zvi tiva khwatsi lezvaku a mutlhatlhisi*+ wa mina wa hanya;

I tata andzhako ka cikhati a ta suka a yima hehla ka misava.*

26 Hambu loku a hlonge ya mina yi gilwe yi mbhela,

Loku ndza ha hi nyameni ya mina, ndzi ta wona Nungungulu,

27 Ndzi ta mu wona hi lawa ya mina,

A matihlo ya mina, na ku nga hi ya mun’wani, ma ta mu wona.+

29 Hi n’wina mu faneleko ku chava cipadha,+

Hakuva a cipadha ci tsayisa loyi a mahako zvihoxo;

Mu wa fanele ku zvi tiva lezvaku ku na ni mulamuli.”+

 2 “Hi caleco ci mahako ku a maalakanyo ya mina ma karatekileko ma ndzi kuca ku hlamula,

Hakuva ndzo vila laha ndzi nga kona.

 3 A kukawuka loku ndzi ku zwileko ciruko ka mina;

A kuzwisisa ka mina* ku ndzi susumeta ku hlamula.

 4 A ndzi kanakani lezvaku wa zvi tiva lezvi,

Hakuva zvi tshamisile lezvo cima munhu* a vekiwa laha misaveni,+

 5 Lezvaku a mikulungwani ya kutsaka ya wakubiha a yi tsuwukelwi hi gambo

Ni litsako la loyi a nga kholwiko ka Nungungulu* la cikhatana.+

 6 Hambu lezvi a wukulu gakwe gi tlakukako kala tilweni

Ni lezvi a hloko yakwe yi dhungako marefu,

 7 I ta lova kala kupindzuka a ku khwatsi macimba yakwe;

Lava va nga tolovela ku mu wona va taku: ‘Kasi i kwihi?’

 8 I ta nyamalala a ku khwatsi i noro niku va nga ta ha mu kuma;

I ta hlongolwa a ku khwatsi muwoniso wa wusiku.

 9 A mahlo lawa ma mu wonileko ma nga ta ha mu wona kambe,

Ni wutshamu gakwe gi nga ta ha mu wona.+

10 A vana vakwe va ta hlota thomo ka zvisiwana,

Ni mandla yakwe ma ta tlhelisa a tshomba yakwe.+

11 A marambu yakwe ma wa tele hi ntamu wa wuswa,

Kanilezvi wu* ta etlela zvin’we naye ntshurini.

12 Loku a zvakubiha zvi tsombela non’wini wakwe,

Ni loku a zvi fihla lahasi ka lirimi lakwe,

13 Loku a zvi munyunga a nga zvi tsiki

Kanilezvi a simama ku zvi fundza non’wini wakwe,

14 A zvakuga zvakwe zvi ta dzunga khwirini gakwe;

Zvi ta ku khwatsi i vhenene* ya maphiri ndzeni kakwe.

15 I mitile kuganya, kanilezvi i ta ku hlata;

Nungungulu i ta ku humesa khwirini gakwe.

16 I ta pswonga a wuxungu ga tivhuwumati;

I ta dawa hi matino* ya phiri.

17 A nga ta tshuka a wona a micongo ya mati,

Yi nga micongo ya wulombe ni ya matega.

18 I ta tlhelisa a titshomba takwe na a nga zangi a tiga;*

A nga ta ti buza hi kuganya loku a ku kumileko hi ka mabhindzu yakwe.+

19 I fayile cisiwana a tlhela a ci tsika;

I wutlile a yindlu leyi ku nga hiko yena a nga aka.

20 Kanilezvi a nga tava ni kurula ndzeni kakwe;

A tshomba yakwe yi nga ta mu ponisa.

21 A nga siyelwangi nchumu kasi a wu khadamula;

Hi cigelo leco, a kuvhuvhuma kakwe ku nga ta pindzuka.

22 A cikhati leci a kuganya kakwe ku to chikela madembeleni, a kukarateka ku ta mu hlula;

A wusiwana gi tata kakwe hi ntamu wontlhe.

23 Laha a to ngha a xurisa khwiri gakwe,

Nungungulu* i ta rumela zanga yakwe yi vhurako hehla kakwe;

I ta yi nisa hehla kakwe yi relela kala marumbwini yakwe.

24 Laha a to ngha a tsutsuma a matlhari ya simbi,

A mipaxa yi phandilweko hi wura ga kobre yi ta mu fula yi phondla.

25 I hlomula paxa hi hlanheni wakwe;

A humesa tlhari go phatima hi nyongweni yakwe,

A khon’wa hi kuchava.+

26 A munyama wa ku dema wu rindzela a titshomba takwe;

A ndzilo wu nga buvhetiwangiko hi munhu wu ta mu lovisa;

A khombo gi rindzela ni wihi a to pona tendeni gakwe.

27 A tilo gi ta funungula a cigoho cakwe;

A misava yi ta suka yi yima yi mu vhukela.

28 A ndambi yi ta kukuleta yindlu yakwe;

Yi tava mati ma kukuletako sikwini ga zanga ya Nungungulu.*

29 Leci hi cona ciavelo ca wakubiha ci tako hi ka Nungungulu,

A tshomba leyi Nungungulu a mu vekeleko yona.”

 2 “Ingiselani khwatsi lezvi ndzi wulako;

Lezvi zvi wave kuchavelela loku mu ndzi nyikako.

 3 Ndzi timiseleni loku ndza ha wulawula;

Loku ndzi mbhetile ku wulawula, makunu mu ta ndzi tseketsela.+

 5 Ndzi cuwukeni mu tala hi kuhlamala;

Ti vhaleni minomu hi mandla ya n’wina.

 6 Loku ndzi pimisa hi zvona, ndzo jujeka kupima,

Ni miri wa mina wontlhe wo rurumela.

 7 Hikuyini a vakubiha va simamako ku hanya,+

Kala va khosahala va tlhela va ganya* ke?+

 8 A vana vabye va zvin’we navo contlhe cikhati,

Niku vaza va wona a vazukulu vabye.

 9 A tiyindlu tabye ti vhikelekile; vonawu a va chavi nchumu,+

Ne Nungungulu a nga va tsayisi hi nhonga yakwe.

10 A madhuna ya tihomu tabye a ma vhumali vana;

A mapswele ya tihomu tabye ma pswala niku a ma handli.

11 A vafanyana vabye vo tsutsuma-tsutsuma le handle a ku khwatsi i ntlhambi,

Ni vana vabye vo khana hi kutsaka.

12 Va yimbelela na ku biwa a mutandanda ni citende

Va tlhela va tsaka hi kuzwa kuvhuma ka citoliya.*+

13 Va mbheta masiku yabye na va xalele

Va relela Cilahleni* hi kurula.*

18 Xana va tshuka va fana ni byanyi go woma gi tsemilweko legi gi biwako hi moya

Kutani ku fana ni mungu wu kukuletwako hi mheho ke?

20 I wa wone a kuloviswa kakwe hi mahlo yakwe,

Niku i wanwe a zanga ya Loyi wa Ntamu Wontlhe.+

21 Hakuva i wa ta karatekela yini hi lezvi zvi salako zvi humelela a ngango wakwe andzhako ka kufa kakwe

Loku a ntsengo wa tihweti takwe wu komiswa* ke?+

22 I kona wa ku a nga mu gondzisa wutivi Nungungulu,*+

Kuveni hi Yena a lamulako hambu lava va nga zvikhundleni zvo tlakuka ke?+

23 A munhu wafa na a tele hi ntamu+

A cikhati leci a nga khataliko hi nchumu na a hanya kuruleni,+

24 A cikhati leci a mathanga yakwe ma teleko hi mafura

Ni marambu yakwe ma tiyileko.*

25 Kanilezvi a mun’wani wafa na a hi hlomulweni wa hombe,*

Na a nga zangi a ringa a zvilo zva zvinene.

26 Va ta etlela zvin’we ntshurini,+

Va pomelwa hi zviwungwani hi wumbiri gabye.+

27 Ndza zvi tiva khwatsi lezvi mu zvi pimisako

Ni mano lawa mu lukako kasi ku ndzi mahela zvakubiha.+

28 Hakuva mu ngalo: ‘Yi kwihi a yindlu ya loyi a dhumileko,

Niku gi kwihi a tenda legi loyi wa kubiha a nga hanya ka gona?’+

A mu gondzangi hi kuetileko a zvikombiso zvabye,

30 Lezvaku a wakubiha wa ponisiwa sikwini ga khombo

A tlhatlhiswa sikwini ga zanga ke?

31 Himani a to mu kawuka hi kota ya ndlela yakwe,

Kona himani a to mu tlhelisela hi kota ya lezvi a zvi mahileko?

32 A cikhati leci a to yisiwa cilahleni,

Ku ta vekiwa murindzeli laha nkeleni wakwe.

33 A marukwani ya misava ya nkova ma ta tsombela kakwe,+

Ni vanhu vontlhe va ta mu landzela hi lendzhako*+

Khwatsi hi vanhu va tsandza-vahlayi lava va mu rangeleko.

 3 Xana Loyi wa Ntamu Wontlhe wa chela kota hi kululama ka wena,

Kutani wa bhindzula nchumu hi lezvi u fambako hi ndlela yo tsumbeka ke?+

 4 Xana i ta ku tsayisa

A famba na wena kulamulweni hi kota ya lezvi u mu chavako ke?

 5 A hi lezvi a kubiha ka wena ku nga ka hombe

Ni lezvi a zvigoho zva wena zvi nga mbheliko ke?+

 6 Hakuva u va khomela citiyisekiso a vamakabye va wena na ku nga hi na cigelo,

Ni ku va tlhatlhela tinguwo tabye vanhu, va sala va hi zvimbyiri.+

 7 A wu mu nyiki a mati ya kun’wa loyi a kareleko,

Niku wa mu tsona zvakuga loyi a zwako ndlala.+

 8 A tiko gi lumba loyi wa ntamu,+

Ni loyi a randziwako i tshama ka gona.

 9 Kanilezvi wena u hlongolile tinoni* ti famba hi mandla,

Ni ku fayetela mawoko ya vanana va nga hiko na papayi.*

10 Hi caleco ci ku mahako u randzelwa hi mitlhamu,+

Niku a kuchava ka citshuketi ka ku dzukisa;

11 Hi caleco ci mahako ku kuva ni munyama laha ka kuza u nga woni,

Niku a ntamu wa mati wu ku khubhunyetile.

14 A marefu ma mu vhalela ku wona

A cikhati leci a fambako hehla ka rodha ga tilo.’

15 Xana u ta famba hi ndlela ya kaleloko

Leyi a vakubiha va fambileko hi yona,

16 Lava va nga tekiwa* a cikhati cabye na ci nga se chikela,

Lava a ciseketelo cabye ci kukuletilweko hi ndambi* ke?+

19 A valulamileko va ta zvi wona va tsaka,

Ni loyi a nga hiko na nandzu i ta va poyila, aku:

20 ‘A valala va hina va lovisilwe,

Ni ndzilo wu ta mita lava va seleko.’

21 Mu tive, u tava ni kurula;

Makunu a zvilo zva zvinene zvi tata ndleleni ya wena.

22 Vhumela a nayo wu humako non’wini wakwe,

U hlayisa a timhaka takwe mbilwini ya wena.+

23 Loku u tlhelela ka Loyi wa Ntamu Wontlhe, u ta tlhela u humelela;+

Loku u susa kungalulami tendeni ga wena,

24 Loku u hoxa a ouro ya wena ntshurini

Ni ouro ya wena ya Ofira+ lomu maribyeni ya nkova,

25 Makunu Loyi wa Ntamu Wontlhe i tava ouro ya wena,

Niku i tava prata ya wena ya yinene nguvhu ka yontlhe.

26 Hakuva a litsako la wena li tava ka Loyi wa Ntamu Wontlhe,

U ta tlakusa a nghohe ya wena ka Nungungulu.

27 U ta mu khongotela, yena a kuzwa;

Ni zvifungo zva wena u ta zvi tatisa.

28 Zvontlhe lezvi u to boha ku maha zvi ta humelela,

Ni kuwonekela ku ta woninga ndleleni ya wena.

29 Hakuva u ta wisiwa tingana loku u wulawula hi matshandza,

Kanilezvi i ta ponisa a wakutikoramisa.

30 I ta tlhatlhisa lava va nga hiko na nandzu;

Hikwalaho, loku a mandla ya wena ma basile, hakunene u ta tlhatlhiswa.”

 2 “Hambu nyamutlha ndzi ta khala zva kani;+

A ntamu wa mina wu mbhelile hi kota ya kuketa ka mina.

 4 Ndzi wa ta ya bika a mhaka ya mina mahlweni kakwe

Ndzi tata a nomu wa mina hi magezu ya kutiyimelela;

 5 Ndzi wa ta tiva lezvi a nga wa ta ndzi hlamulisa zvona

Ndzi demba ndleve ka lezvi a nga wa ta ndzi byela.

 7 Laho, a wakululama i wa ta lulamisa timhaka zvin’we naye,

Ni Mulamuli wa mina i wa ta ndzi tlhatlha ka nandzu khati gin’we kala kupindzuka.

 8 Kanilezvi loku ndziya mutsuwuka-gambo, a nga kona;

Ni loku ndzi wuya, a ndzi mu kumi.

 9 Loku a tira cibhabheni, a ndzi mu woni;

Ni loku a jika aya cineneni, konawu a ndzi mu woni.

11 A mikondzo ya mina yi landzele khwatsi a mazambo yakwe;

Ndzi hlayisile a ndlela yakwe ndzi nga hambuki.+

14 Hakuva i ta tatisa hi kumbhelela lezvi zvi bohilweko xungetano hi mina,*

Niku i na ni zvilo zvo tala zvo khwatsi hi lezvo a zvi vekileko.

15 Hi caleco ci ndzi mahako ndzi karateka hi kota ya yena;

Loku ndzi ehleketa hi yena, ndzo engetela ku chava.

16 Nungungulu i ndzi mahile wa hlenekera,

Ni Loyi wa Ntamu Wontlhe i ndzi chavisile.

17 Kanilezvi a munyama a wu se ndzi miyeta

Ne hambu a kuphuma loku ku fenengetileko a nghohe ya mina.

 2 A vanhu va rurisa a cikhongwani ca mbhingano;+

Va wutla mitlhambi vaya nayo wuriselweni gabye.

 3 Va wutla mbongola ya vanana va nga hiko na papayi

Va teka a dhuna ga homu ga noni* hi kota ya lezvi va yi lombileko zvokari.+

 4 Va nikinya zvisiwana laha ndleleni;

A vavhumali laha misaveni zvi lava ku va va fihlala.+

 5 A zvisiwana zvi famba zvi lava zvakuga a ku khwatsi timbongola ta khwati+ lomu ciwuleni;

Va hlota zvakuga zva vana vabye lomu ciwuleni.

 6 Va kurumeteka ku tshovela masin’wini ya vambe

Ni ku kutsula civhineni* ca wakubiha.

 7 Va tshama wusiku na va hi zvimbyiri, na va nga hi na tinguwo;+

A va na zva ku fenengela cirami.

 8 Va tsakama va khobotana hi tivhula ta lomu zvitsungeni;

Va namarela zvitsunga hi ku vhumala ko fihlala kona.

 9 A n’wanana a nga hiko na papayi i wutliwa maveleni ya mamani wakwe,+

Ni tinguwo ta cisiwana ta wutliwa kota citiyisekiso hi lezvi va nga ci lomba zvokari.+

10 Va zvi kurumeta ku famba na zvi hi zvimbyiri, na zvi nga hi na tinguwo,

Zvi rwala tinyandza ta timbewu na zvizwa ndlala.

11 Zvi tira yi nga chayi cikari ka makhurisi a mumu na wu hisa;*

Zvi vhuva mauvha lowu zvigowolweni zvo kamela vhinyo, hambulezvo vona vafa hi tora.+

12 Lava va fako va simama ku keta lomu dhoropeni;

Lava va bayisilweko nguvhu* va rila va kombela ku vhuniwa,+

Kanilezvi Nungungulu a nga zvi woni kota zvilo zvi nga faneliko.*

13 Ku na ni lava va hluwukelako a kuwonekela;+

A va ti tivi a tindlela ta kona,

Ne a va landzeli a tisoko ta kona.

14 A mudayi i vhuka na gica

A daya a muvhumali ni cisiwana,+

Ni wusiku a yiva.

15 A tihlo ga cibhayi gi rindzela ku gi phuma,+

Ciku: ‘I hava a to ndzi wona!’+

16 Loku ku hi ni munyama va pandza tiyindlu va nghena;

Ni hlikanhi vo ti khotsela.

17 Hakuva ka vona a mixo yi fana ni munyama wo tshisa;

Va tolovele a kuchavisa ka munyama wo tshisa.

19 A ku khwatsi hi lezvi a cihala ni kuhisa zvi n’walatako a gapongo yi nyekileko,

A Cilahla* conawu ci teka lava va wonhileko!+

21 Va xolola wasati wa ngon’wa

Va tlhela va xanisa noni.*

22 Nungungulu* i ta tirisa ntamu wakwe kasi ku fuvisa lava va ntamu;

Hambu lezvi va nga ti tlakusako, a wutomi gabye a gi tiyangi.

23 Nungungulu* i va tsika va ti tsumba ni ku ti wona na va hlayisekile,+

Kanilezvi a mahlo yakwe ma cuwukela zvontlhe lezvi va mahako.*+

Va tsongahatiwa+ va tlhela va hlengeletiwa a ku khwatsi hi vontlhe lava van’wani;

Va tsemiwa a ku khwatsi tihlanga ta timbewu.

25 Makunu himani a nga tiyisekisako lezvaku ndzi muhembi

Kutani ku kaneta magezu ya mina ke?”

 2 “A kufuma ni ntamu wo tshisa zvakwe;

I yimisa kurula tilweni.

 4 A munhu wa ku wafa a nga lulamisa kuyini mahlweni ka Nungungulu,+

Kutani a munhu loyi a pswalilweko hi wasati a nga wu vhumalisa kuyini nandzu ke?+

 5 Phela hambu hweti a yi nyiki a kuwonekela

Ni tinyeleti a ti basangi matihlweni yakwe,

 6 A ndza ha wuli hi munhu wa ku wafa, loyi a nga ciwungwani,

Ni n’wana wa munhu, loyi a nga pungwani!”

 4 U zama ku wulawula na mani,

Kona himani a nga ku pimisela ku wula zvilo lezvo?*

 5 Lava va nga hiko na ntamu kufeni va rurumela;

Va hasi nguvhu a ku hundza mati ni lezvi zvi hanyako ka wona.

 6 A Cilahla* cimbyiri mahlweni ka Nungungulu,*+

Ni wutshamu ga kulovisa* gi no tlandlala.

 7 I andlala n’walungu* hehla ka wutshamu gi nga hiko na nchumu,+

A hayeka misava laha ndengelengeni;

 8 I phutsela mati marefini yakwe+

Kasi a marefu ma nga phuxuki hi kubindza ka wona;

 9 I fihla a citshamu cakwe ca wuhosi

A tshambuluta refu gakwe hehla ka cona.+

10 I andlala mbhingano hehla ka mati;+

I yimisa mbhingano cikari ka kuwonekela ni munyama.

11 A mapilari ya tilo ma tsekatseka;

Ma dzukiswa hi kukawuka kakwe.

12 I dhungela bimbi hi ntamu wakwe,+

A phatlulela a cingondzomu* ca lomu bimbini hi kuzwisisa kakwe.+

13 I basisa matilo hi kuhefemula* kakwe,

A tlhava nyoka yo tsutsuma hi canja gakwe gi phondla.

14 Phela leti tova tichoka ntsena ta tindlela takwe;+

Lezvi hi zvi zwileko xungetano hi yena maheveheve* ntsena!

 2 “A ku khwatsi hi lezvi a hanyako, loyi a ndzi aleleko a nongameto,+

Ni lezvi Loyi wa Ntamu Wontlhe a hanyako, loyi a bavisileko a muhefemulo* wa mina,+

 3 Loku ndza ha hefemula

Ni loku a moya wa Nungungulu wa ha hi tinhovhini ta mina,+

 4 A nomu wa mina wu nga ta wulawula kungalulami,

Ne a lirimi la mina li nga ta n’unun’uta mawunwa!

 6 Ndzi ta hlayisa a kululama ka mina ndzi nga tshuki ndzi ku tsika ku famba;+

A mbilu ya mina yi nga ta ndzi kona* loku ndza ha hanya.*

 7 Ngha a nala wa mina a fana ni wakubiha,

Ni lava va ndzi vhukelako va fana ni vangalulamangiko.

 8 Hakuva kutsumba muni a nga nako loyi a nga kholwiko ka Nungungulu* a cikhati leci a lovisiwako,+

Laha Nungungulu a tekako wutomi gakwe* ke?

 9 Xana Nungungulu i tazwa kurila kakwe

A cikhati leci a welwako hi zvikarato?+

11 Ndzi ta mu gondzisa xungetano hi ntamu* wa Nungungulu;

Ndzi nga ta fihla nchumu xungetano hi Loyi wa Ntamu Wontlhe.

12 Loku n’wina n’wentlhe mu wonile miwoniso,

Hikuyini a kuwulawula ka n’wina ku nga vhuniko nchumu ne ni kutsongwani?

13 Leci hi cona ciavelo ca wakubiha ci tako hi ka Nungungulu,+

A tshomba leyi lava va xapi va yi amukelako hi ka Loyi wa Ntamu Wontlhe.

14 Loku a vana vakwe va tala, va ta dawa hi cipadha,+

Ni vazukulu vakwe va nga tava ni zvakuga zvo enela.

15 Lava va ponileko va ta kelelwa hi kota ya ntungu,

Ni tinoni* tabye ti nga ta va rila.

16 Hambu loku a hlengeletela prata yi maha citsundzulo a ku khwatsi i ntshuri

Ni ku hlengeletela tinguwo ta ti nene ti tala a ku khwatsi i wumba,

17 Hambu loku a zvi hlengeleta,

A wakululama hi yena a to boha,+

Ni loyi a nga hiko na nandzu i ta avelela a prata yakwe.

18 A yindlu leyi a akako cifokohlo a ku fana ni cisaka ca pungwani,

A ku fana ni chacha+ wu akilweko hi murindzeli.

19 I taya a ya etlela na a ganyile kanilezvi a nga ta tshovela nchumu;

Laha a to hafu matihlo, zvontlhe zvi ta ngha zvi n’walele.

20 I chikelelwa hi kuchava a ku khwatsi i ndambi;

A kukuletwa hi cingulo ni wusiku.+

21 A moya wa cikobani* wu ta mu kukuleta aya kule, a fambela teto;

Wu ta mu swiyela wutshan’wini gakwe.+

22 Wu ta muba wu nga mu nyenyeleti+

Laha a to kayakaya na a zama ku tsutsuma ntamu wa wona.+

23 Wu mu bela mandla hi ku mu chepeta

Wu tlhela wu mu bela noti+ na wu hi wutshan’wini ga wona.*

28 “Ku na ni mugodhi wa prata

Ni wutshamu ga ouro leyi va hlutako;+

 2 A simbi yi huma hi lomu hasi,

Ni kobre yi kumiwa hi ku nyekisa* maribye.+

 3 A munhu wa hlula munyama;

I pfhupfhapfhupfha kala magumo lomu munyameni ni lomu ka kuphuma

Na a hlota ribye.

 4 I kela mugodhi kule ni lomu a vanhu va hanyako kona,

Ka matshamu ma rivakelweko, kule ni lomu a vanhu va fambelako kona;

A vokari va relela vaya hasi hi lingoti va simama ku jiwela ka lona.

 5 A misava yi humesa zvakuga hi seno hehla ka yona;

Kanilezvi lomu hasi yo vila a ku khwatsi kova ni ndzilo.*

 6 Lomu maribyeni ya kona ku na ni safira,

Ni ntshuri wa kona wu na ni ouro.

 7 A ku na cinyanyani ca ku hanya hi nyama ci yi tivako a ndlela ya kuya seyo;

A tihlo ga mangavhi wa ntima a gi yi woni.

 8 A ku na zvivandza zvo leva zvi fambako ka yona;

A cinghalana a ci fambafambeli lomo.

 9 A munhu i pandza ribye go nonoha hi mandla yakwe,

A kunula zvitsunga hi le tshakweni ga zvona.

10 I bhoxa tindlela ta mati+ lomu maribyeni;

A mahlo yakwe ma wona zvilo zvontlhe zva lisima.

11 I vhala a zvibuka zva micongo,

A humesa kubaseni lezvi zvi nga fihlele.

12 Kanilezvi a wutlhari gi nga kumiwa kwihi ke?+

Kona ci kwihi a cibuka ca kuzwisisa?+

13 I hava a tivako a lisima la gona,+

Ne a gi nge kumiwi tikweni ga vahanyako.

15 A gi nge xaviwi hi ouro ya yinene,

Ne prata a yi nge peziwi kasi ku cicisa hi gona.+

16 A gi nge xaviwi hi ouro ya Ofira+

Hambu hi onikisi yo kala ne hi safira.

17 A ouro ni vhidro a zvi nge ringaniswi nago;

Hambu a cibya ca ouro yi hlutilweko a ci nge ciciswi hi gona.+

18 A korali ni kristali a zvi ringani ku kumbukiwa,+

Hakuva a pasta yo tala hi wutlhari ya lisima nguvhu a ku hundza a pasta yo tala hi maperola.

19 A topazi+ ya le Kuxe a yi nge ringaniswi nago;

A gi nge xaviwi hambu hi ouro ya yinene.

20 Makunu, gita hi kwihi a wutlhari?

Kona ci kwihi a cibuka ca kuzwisisa?+

21 Gi fihlelwe a matihlo ya zvontlhe zvi hanyako+

Niku a gi woneki ka zvinyanyani zva matilo.

22 A kulovisa ni kufa zvi ngalo:

‘A tindleve ta hina ti nozwa a mavalivali ya gona ntsena.’

23 Nungungulu wa yi tiva a ndlela ya kuya ka gona;

Hi yena yece a tivako lomu gi tshamako kona,+

24 Hakuva i cuwuka kala magemeta-musi ya misava,

A tlhela a wona zvontlhe zvi nga lahasi ka matilo.+

25 A cikhati leci a nga gema a ntamu* wa moya+

Ni ku pima a mati,+

26 A cikhati leci a nga yimisa a nayo wa vhula+

Ni ku bhoxa a ndlela ya kudzindza ni ya refu ga cingulo,+

27 Makunu i no wona wutlhari a gi tlhamusela,

A gi yimisa ni ku gi hlola.

‘A kuchava Jehovha hi gona wutlhari,+

Ni ku fularela zvakubiha kuzwisisa.’”+

 2 “Loku ku wo khwatsi ndza tlhelela ka tihweti ti hundzileko,

Masikwini lawa Nungungulu a nga ndzi hlayisa,

 3 A cikhati leci a nga woningela hloko ya mina hi kandiya yakwe,

Laha a kuwonekela kakwe ku nga ndzi rangela ndzi tsemakanya munyama,+

 4 A cikhati leci ndzi nga ha tiyile,

Laha ndzi nga ti buza hi wunghana na Nungungulu tendeni ga mina,+

 5 A cikhati leci Loyi wa Ntamu Wontlhe a nga ha hi na mina,

Laha a vana* va mina va nga ndzi randzele,

 6 A cikhati leci a mikondzo ya mina yi nga famba lomu ka matega,

Ni laha a maribye ma nga ndzi chululela a micongo ya mafura.+

 7 A cikhati leci ndzi ngaya nyangweni ya dhoropa+

Ndzi ya tshama citshan’wini ca mina laha prasa,*+

 8 A majaha ma wa ndzi wona ma hambuka;*

Hambu a zvikhosana zvi wa suka zvi yima zvi simamisa zvalezvo.+

 9 A tihosana ti wa ti khoma ti nga wulawuli;

Ti wa ti vhala minomu ya tona hi mandla.

10 A magezu ya vavanuna vo chaviseka ma wa miyetwa;

A tirimi tabye ti wa namarela lomu kanwini kabye.

11 Ni wihi a nga ndzizwa i wa wulawula zvazvinene hi mina,

Ni lava va nga ndzi wona va wa nyika wukustumunyu ga ku ndzi yimela.

12 Hakuva ndzi wa tlhatlhisa a cisiwana leci ci nga rila ci lava ku vhuniwa,+

Zvin’we ni n’wanana a nga hiko na papayi a ku patsa ni loyi a nga hi hava muvhuni.+

13 Loyi a nga hi kusuhani ni kulova i wa ndzi katekisa,+

Niku ndzi wa tsakisa a mbilu ya noni.*+

14 Ndzi wa boha a kululama a ku khwatsi tinguwo ta mina;

A nongameto wa mina wu wa ku khwatsi i nghanju* ni turbhanti.*

15 Ndzi wa hi matihlo ka cikhumu

Ni mikondzo ka cilima.

16 Ndzi wa hi papayi ka zvisiwana;+

Ndzi wa hlolisisa mhaka ya loyi ndzi nga mu tiviko.+

17 Ndzi wa tshova a tihlaya ta mugohi+

Ndzi wutla leci a ci lumileko matinweni yakwe.

18 Ndzi wa tala ku wula ku: ‘Ndzi ta fela mutini wa mina,*+

Ni masiku ya mina ma ta tala a ku khwatsi tindzhoho ta misava.

19 A timitsu ta mina ti ta nava kala matini,

Ni ndzhokati yi ta tshama wusiku gontlhe madhavini ya mina.

20 A wudzundzo ga mina gi vhuxetwa luswa contlhe cikhati,

Ni wura gi nga canjeni ga mina gi ta simama ku phanda.’

21 A vanhu va wa panga tindleve va ndzi ingisela,

Va rindzela wusungukati ga mina na va te hwi.+

22 Andzhako ka kuva ndzi wulawulile, va wa nga ha ci kumi co wula;

A magezu ya mina ma wa donela tindleveni tabye.

23 Va wa rindzela mina a ku khwatsi hi loku va rindzela vhula;

Va wa ahlamisa nomu a ku khwatsi hi loku va kangatela a vhula yo gumesa.+

24 Loku ndzi va n’wayitelela, va wa nga kholwi;

A kuwoninga ka nghohe ya mina ku wa va tangalisa.*

25 Ndzi wa va nyika cileletelo kota hloko yabye,

Ndzi hanya kota hosi cikari ka mabutho ya yona,+

Ndzi ku khwatsi ndzi loyi a chavelelako lava va rilako.+

30 “Makunu va ndzi hleka,+

A vavanuna va nga tindzisana ka mina,

Lava a vapapayi vabye ndzi nga wa ta ala

A ku va veka zvin’we ni timbyana leti ti nga vhikela a ntlhambi wa mina.

 3 Va hlakele hi kota ya kuvhumala ni ndlala;

Va cakunya lezvi va zvi kumako tikweni go woma

Legi gi nga sina gi wonhetelwe ni ku siyiwa na gi hi ciwula.

 4 Va khaya matluka ya salgadheira cikari ka makhuho;

A zvakuga zvabye timitsu ta sinya yo maha hi yona miswiyelo.

 5 Va hlongoliwa lomu cipandzeni;+

A vanhu va va kuwela a ku khwatsi vo kuwela khamba.

 6 Va hanya lomu mikovotlweni ya mikova,

Lomu mikeleni ya lahasi ni ya lomu maribyeni.

 7 Va cwanga lomu makhuhweni

Va hlengeletana va ku bwi cikari ka zvigetlwani.

 8 Kota vana va vanhu va nga hiko na kupimisisa ni vo kala mavito,

Va hlongolilwe laha tikweni.

 9 Kanilezvi zvezvi va ndzi poyila hambu ni lomu ka tisimu tabye;+

Ndzi mahile cihlekiso* kabye.+

10 Va ndzi nyenya va tlhela va tshama kule na mina;+

A va chavi a ku ndzi phelela lomu nghoheni.+

11 Lezvi Nungungulu a nga dzeseta a lisinga la wura ga mina ni ku ndzi tsongahata,

Va ti tlhatlhile matomu mahlweni ka mina.

12 Va yima tlhelweni ga mina ga cinene kota vanyamijiri;

Va ndzi tsutsumisa

Va yimisa tibhiyo ta kulovisa ndleleni ya mina.

13 Va wonhetela a tindlela ta mina

Va tshingisa a hlomulo wa mina,+

Na ku nga hi na wa ku va betela.*

14 Va nghenisa ku khwatsi vo nghena hi muhocho wo anama;

Va ti hoxela wutshan’wini gi hahlulilweko.

15 A kuchava ka ndzi rera;

A wudzundzo ga mina ga susiwa a ku khwatsi go tekiwa hi moya,

Ni kuhanyiswa ka mina ka nyamalala a ku khwatsi i refu.

16 Makunu a wutomi* ga mina ga mbomba;+

A masiku ya hlomulo+ ma ndzi khomile.

17 A kubayisa ka pandza marambu ya mina ni wusiku;+

A kubayisa loku ku ndzi gako a ku hundzi.+

18 A nguwo ya mina ya hlakatiwa hi ntamu wa hombe;*

Ya ndzi tlimba a ku khwatsi i nkolo wa nguwo ya mina.

19 Nungungulu i ndzi hoxele lomu madhakeni;

Ndzi mahile ntshuri ni khuma.

20 Ndza rila ka wena ndzi kombela ku vhuniwa, kanilezvi a wu ndzi hlamuli;+

Ndza suka ndzi yima, kanilezvi wo ndzi cuwuka ntsena.

21 U ndzi hundzulukele hi ndlela ya xapi;+

Wa ndzi vhukela hi ntamu wontlhe wa canja ga wena.

22 U ndzi tlakula u ndzi rwala hi moya;

U gumesa u ndzi hoxa ndziya seno ni seno lomu ka cingulo.

23 Hakuva ndza zvi tiva lezvaku u ta ndzi yisa kufeni,

A ndlwini leyi vontlhe a vahanyako va to kumana ka yona.

24 Kanilezvi i hava a nga wa taba a munhu a hahlukileko+

Laha a rilako a kombela ku vhuniwa cikhatini ca hlomulo wakwe.

26 Hambu lezvi ndzi nga rindzela zvazvinene, ku nota zvakubiha.

Ndzi wa rindzela kuwonekela, kanilezvi ku nota munyama.

27 A marumbu ya mina ma vila, a ma kumi kuhumula;

A masiku ya kukarateka ma tile hehla ka mina.

29 Ndzi mahile makabye wa makhanga

Ni munghana wa mimbhaha ya timbhuwu.*+

30 A hlonge ya mina yi mahile ya ntima yi tlhela yi kwamuka;+

A marambu ya mina ma vhura hi kuhisa.*

31 A citende ca mina ciba tisimu ta cirilo ntsena,

Ni citoliya* ca mina ci belwa lava va rilako.

 2 Makunu ci wa tava cihi a ciavelo ca mina ka Nungungulu le hehla?

Kona yi wa tava yihi a tshomba ya mina ka Loyi wa Ntamu Wontlhe kwale hehla?

 3 Xana a khombo a gi rindzeli mugohi

Ni hlomulo a wu rindzeli lava va mahako zvahava ke?+

 4 Ina a nga ti woni a tindlela ta mina+

Ni ku hlayela wontlhe a mazambo ya mina ke?

 6 Nungungulu i wa ndzi peze hi cikalo co lulama;+

I ta ku wona a kutsumbeka ka mina.+

 7 Loku a mazambo ya mina ma hambukile ndleleni+

Kutani loku a mbilu ya mina yi landzele matihlo ya mina+

Kutani loku a mandla ya mina ma nyenyezisilwe,

 8 Makunu ngha ndzi byala, zvi giwa hi mun’wani,+

Ni lezvi ndzi byalako zvi wa tsuwuliwe.*

 9 Loku a mbilu ya mina yi xengilwe hi wasati+

Ni loku ndzi tshamile ndzi cuwukisela+ a nyangwa ya muakelani wa mina,

10 Makunu a sati wa mina i wa gaye tindzhoho a gayela mun’wani wanuna,

Ni van’wani vavanuna va wa hlengele naye masango.*+

11 Hakuva lawo ma wa tava mahanyela ya tingana,

A cigoho ci ringanako ku tsayiswa hi valamuli.+

12 Lezvo zvi wa tava ndzilo lowu wu hisako kala wu lovisa,+

Wu gako pfuno wa mina wontlhe kala timitswini.

13 Loku ndzi ma alele kululama a malandza ya mina ya cinuna kutani ya cisati

A cikhati leci va nga hi ni cikhalo* ka mina,

14 Ndzi ta kuyini a cikhati leci Nungungulu a to suka a yima?

16 Loku ndzi alile ku nyika zvisiwana lezvi zvi nga

zvi lava+

Kutani ndzi xukuvalisile* matihlo ya noni;+

17 Loku ndzi gile ciavelo ca mina ca zvakuga ndzoce

Ndzi nga aveli a vana vo felwa hi vapswali;+

18 (Hakuva kusukela wusweni ga mina, ndzi wundlile a n’wana wo felwa hi vapswali a ku khwatsi ndzova papayi wakwe,

Niku kusukela wun’wananeni* ndza vhuna noni.)

19 Loku ndzi wonile munhu na a lova hi ku vhumala tinguwo

Kutani cisiwana ci nga hiko ni ca ku fenengela;+

20 Loku a* nga ndzi katekisangi+

Laha a nga ti kufumeta hi woya ga tiyivhu ta mina;

21 Loku ndzi mu tlakusele cibhakela a n’wana wo felwa hi vapswali+

A cikhati leci a nga lava ku ndzi mu vhuna laha nyangweni ya dhoropa;+

22 Makunu a woko ga mina* gi wa hapuke laha katleni,

Ni woko ga mina gi wa tshoveke* hi laha ka cisungunu.

23 Hakuva ndzi wa chava a khombo gi tako hi ka Nungungulu,

Niku ndzi wa nga ta tiya ku yima mahlweni ka wudzundzo gakwe.

24 Loku ndzi tsumbile ouro

Kutani ku byela ouro ya yinene, ndziku: ‘Wena u wuchavelo ga mina!’+

25 Loku ku hi ku ndzi wa tsakiswa hi kuva ciganyi+

Hi kota ya lezvi ndzi hlengeleteleko a titshomba to tala;+

26 Loku ndzi wonile a gambo* na gi phatima

Kutani hweti na yi famba kungangameleni ka yona,+

27 A mbilu ya mina yi xengiwa cihundleni,

Ni nomu wa mina wu pswopswa canja ga mina hi ku zvi khozela;+

28 Makunu leco ci wa tava cigoho ci ringanako ku tsayiswa hi valamuli,

Hakuva na ndzi kanetile a Nungungulu wa lisine le hehla.

29 Xana ndzi tshukile ndzi tsaka hi kuloviswa ka nala wa mina+

Kutani ku bhuma hi lezvi a welweko hi zvakubiha ke?

30 Cima a ndzi se tsika nomu wa mina wu wonha

Hi ku wula ciruko ndzi kombela lezvaku afa.+

31 A vanhu va lomu tendeni ga mina, a va wulangi vaku:

‘Himani a nga kumako munhu wo kala a nga xurangi hi zvakuga zvakwe* ke?’+

32 A ku na mumbe munhu* a nga tshama lahandle ni wusiku;+

Ndzi no vhulula tinyangwa ta mina ndzi vhululela a muendzi.

33 Xana ndzi tshukile ndzi zama ku phutsela zvihambunyeto zva mina, a ku khwatsi hi lezvi a van’wani va mahako,+

Hi ku fihla a cigoho ca mina lomu phaketini ga nguwo ya mina ke?

34 Ina ndzi tshukile ndzi chava citshungu,

Kutani ku dzukiswa hi kuchepeta ka yin’wani mingango,

Laha ko kala ndzi miyela ndzi tlhela ndzi chava ku huma lahandle ke?

36 Ndzi wa ta zvi pinga makatleni ya mina,

Ndzi tlhela ndzi zvi boha a ku khwatsi cidlodlo* hlokweni ya mina.

37 Ndzi wa ta ya ti hlamulela kakwe hi kota ya wontlhe mazambo lawa ndzi bileko;

Ndzi wa ta mu tshinelela cihundleni, a ku khwatsi ndzi hosana.

38 Loku a simu ga mina gi rilile gi ndzi vhukela

Ni loku a misele ya gona yontlhe yi rilile;

39 Loku ndzi gile mihandzu ya gona mahala,+

Kutani loku ndzi mahile a venyi va gona va kayakaya;+

40 Makunu gi wa ndzi milisele mimizwa wutshan’wini ga trigo

Ni byanyi go nuha wutshan’wini ga sevhadha.”

“Ndzi mufana*

Kanilezvi n’wina mu khosahele.+

Hikwalaho, ndzi no kombisa cichavo ndzi miyela,+

A ndzi tiyangi a ku mu byela lezvi ndzi zvi tivako.

 7 Ndzi te ngalo ka mina n’winyi: ‘A tanga* yi wa wulawule,

Ni kutala ka malembe ku wa huwelele wutlhari.’

 8 Kanilezvi i moya lowu wu nga ka vanhu,

A kuhefemula ka Loyi wa Ntamu Wontlhe, ku va nyikako a kuzwisisa.+

 9 A tanga ha yoce* a yi mahi munhu a tlhariha,

Ne a hi vakhosaheleko voce va tivako zvakululama.+

10 Hikwalaho, ndzi ngalo: ‘Ndzi ingisele.

Minawu ndzi ta ku byela lezvi ndzi zvi tivako.’

11 Ndzi wa rindzela ku mu wulawula;

Ndzi tshamile ndzi ingisela a kupima ka n’wina+

Laha mu nga hlota co wula.+

12 Ndzi dembile ndleve ndzi mu ingisela,

Kanilezvi i hava ni mun’we wa n’wina a zvi kotileko ku komba ku Joba i phazamile,*

Kutani a hlamulileko a magezu yakwe.

13 Hikwalaho, mu nga wuli, muku: ‘Hi kumile wutlhari;

Hi Nungungulu a mu komamisako, a hi munhu.’

14 Joba a nga vhukelangi mina hi magezu,

Hikwalaho, ndzi nga ta mu hlamulisa a ku khwatsi hi lezvi n’wina mu nga mu hlamulisa zvona.

15 Va te kaye, a va ha hi na mihlamulo;

A va ha hi na co wula.

16 Ndza rindzela, kanilezvi a va ha wulawuli;

Va nyimile va ku pswhe, na va nga hi na hlamulo.

17 Hikwalaho, minawu ndzi ta hlamula;

Minawu ndzi ta wula lezvi ndzi zvi tivako,

18 Hakuva ndzi tele hi magezu;

A moya wu nga ndzeni ka mina wa ndzi susumeta ku wulawula.

19 Ndzeni ka mina ndzi fana ni vhinyo yi vhumalako ka ku hefemula hi kona,

A ku khwatsi tinghotso ta tiswa ti longileko ku phuxuka.+

21 Ndzi nga taya hi nghohe,+

Ne ndzi nga ta nyika munhu a cithuzu,*

22 Hakuva a ndzi zvi tivi ku nyika munhu a cithuzu;

Loku ndzi wo maha lezvo, a Mumahi wa mina i wa ta ndzi lovisa hi kuhatlisa.

33 “Kanilezvi zvezvi, wena Joba, zwana magezu ya mina;

Ingisela zvontlhe lezvi ndzi wulako.

 2 Demba ndleve! Ndzi lava ku vhulula nomu wa mina;

A lirimi la mina li ta wulawula.

 3 A magezu ya mina ma huwelela a kululama ka mbilu ya mina,+

Ni minomu ya mina yi wulawula a lisine la lezvi ndzi zvi tivako.

 4 Ndzi mahilwe hi moya wa Nungungulu,+

Ni kuhefemula ka Loyi wa Ntamu Wontlhe ku ndzi mahile ndzi hanya.+

 5 Loku u zvi kota ndzi hlamule;

Wula a magezu ya wena ya kutiyimela mahlweni ka mina; ti longisele.

 6 Mahlweni ka Nungungulu ndza fana na wena;

Minawu ndzi mahilwe hi wumba.+

 7 Hikwalaho, u nga ndzi chavi u rurumela,

Ni lezvi ndzi to ku byela zvi nga ku bindzeli nguvhu.

 8 Kanilezvi u wulawulile tindleveni ta mina,

Ina, ndzi simamile kuzwa magezu lawa yaku:

 9 ‘Ndzi basile, a ndzi na cihambunyeto;+

Ndzi hlazvekile, a ndzi na cigoho.+

10 Kanilezvi Nungungulu i kuma zvigelo zva ku ndzi vhukela;

I ndzi wona kota nala wakwe.+

11 I fasa mikondzo ya mina hi makhotso;

I hlolisisa a tindlela ta mina tontlhe.’+

14 Hakuva Nungungulu i wulawula khati gin’we, a wulawula ga wumbiri,

Kanilezvi i hava a mu ingiselako

15 Lomu norweni, ka muwoniso wa wusiku,+

A cikhati leci a vanhu va etleleko wurongo ga hombe,

Laha va etleleko mibhedhini yabye.

16 I vhulula a tindleve tabye+

A nameka a* gondziselelo yakwe kabye,

17 Kasi a jikisa munhu ka zvakubiha+

Ni ku vhikela munhu ka matshandza.+

18 Nungungulu i ponisa a muhefemulo* wakwe nkeleni*+

Ni wutomi gakwe lezvaku gi nga lovi hi cipadha.

19 A munhu wa kawukiwa kambe hi kubayisa na a hi mubhedhini wakwe

Ni kupandza ka marambu yakwe ku nga hundziko,

20 Laha ka kuza ni miri* wakwe wu nyenya pawa,

A tlhela a tsukula ni zvakuga zva zvinene.+

21 A nyama yakwe ya mbhela,

Ni marambu yakwe ma nga fihlele makunu ma sele kubaseni.*

22 A muhefemulo* wakwe wu tshinela nkeleni,*

Ni wutomi gakwe gi tshinela ka lava va dayako.

23 Loku vo mu rumelela cirun’wa,*

A muyimeli mun’we cikari ka 1000,

Kasi ku ya byela munhu lezvi zvi lulamileko,

24 Nungungulu i ta mu mahela wuxinji, aku:

‘Mu tlhatlhise kasi a nga releli nkeleni!*+

25 A nyama yakwe yi wa tlhele yiva yiswa* a ku hundza ni ya n’wanana;+

I wa tlhelele masikwini ya ntamu wa wuswa gakwe.’+

26 I ta khongotela Nungungulu,+ yena a mu vhumela,

I ta wona nghohe yakwe na a kulungela hi kutsaka,

Na Yena i ta tlhelisela a kululama Kakwe ka munhu wa ku wafa.

27 A munhu loye i ta yimbelela ka vanhu, aku:

‘Ndzi wonhile,+ ndzi hambunyeta nongameto,

Kanilezvi a ndzi kumangi lezvi zvi nga ndzi ringana.*

28 I tlhatlhisile a muhefemulo* wa mina kasi wu nga releli nkeleni,*+

Ni wutomi ga mina gi ta wona kuwonekela.’

29 Hakunene Nungungulu i maha a zvilo lezvi zvontlhe

Makhati mambiri, manharu, na a mahela munhu,

30 Kasi a mu humesa* nkeleni,*

A fela ku woningelwa hi kuwonekela ka wutomi.+

33 Loku u nga hi na ca ku wula, ndzi ingisele;

Miyela uku hwi, ndzi ku gondzisa wutlhari.”

 2 “Zwanani a magezu ya mina, n’wina mu tlharihileko;

Ndzi ingiseleni, n’wina mu tivako nguvhu.

 3 Hakuva a ndleve yi ringa magezu

A ku khwatsi hi lezvi a lirimi li ringako zvakuga.

 4 A hi hloleni lezvi zvi nga zvinene ka hina;

A hi boheni lezvi zvi nga zvinene ka hina.

 5 Hakuva Joba i te: ‘Ndzi na ni razawu,+

Kanilezvi Nungungulu i ndzi alele kululama.+

 7 Himani a fanako na Joba,

Loyi a nwako a kutseketsela a ku khwatsi i mati?

 8 I cikari ka vagohi

Niku i ti tlhanganisa ni vanhu va kubiha.+

 9 Hakuva i te: ‘A munhu a nga bhindzuli nchumu

Hi ku zama ku tsakisa Nungungulu.’+

A Nungungulu wa lisine a nge tshuki a maha zvakubiha,+

Loyi wa Ntamu Wontlhe a nge tshuki a maha zvahava!+

11 Hakuva i ta chachazela munhu hi kuya hi mitiro yakwe+

A mu nehela mawuyawuya ya tindlela takwe.

12 A co tiya ku Nungungulu a nga mahi zvakubiha;+

Loyi wa Ntamu Wontlhe a nga hambunyeti nongameto.+

13 Himani a mu nyikileko ku fumela misava?

Kona himani a mu yimisileko hehla ka tiko gontlhe ke?

14 Loku i wo veka kupima kakwe* hehla kabye,

A hlengeleta a moya ni kuhefemula kabye,+

15 A vanhu vontlhe* va wa tafa khatigin’we,

Vontlhe va wa ta tlhelela ntshurini.+

16 Hikwalaho, loku u hi ni kupimisisa, chela kota ka timhaka leti;

Ingisela khwatsi lezvi ndzi wulako.

17 Xana a munhu a vengako kululama a nga fuma ke,

Kutani u nga kona a munhu wa ntamu loyi a lulamileko?

19 Ku na ni Loyi a nga tsakeliko vanhu hi lezvi va nga tihosana,

Loyi a nga randziko nguvhu zviganyi a ku hundza zvisiwana,+

Hakuva vontlhe i ntiro wa mandla yakwe.+

20 Va ngafa hi citshuketi,+ cikari ka wusiku;+

Va rurumela nguvhu va gumesa vafa;

Hambu lava va ntamu va susiwa, kanilezvi a va susiwi hi mandla ya munhu.+

21 Hakuva a mahlo ya Nungungulu ma hehla ka tindlela ta munhu,+

Niku i wona wontlhe a mazambo yakwe.

22 A ku na kuphuma kutani munyama wo tshisa

Lomu a vagohi va nga fihlalako kona.+

23 Hakuva Nungungulu a nga yimisangi cikhati ka munhu

Ca ku a ti wonekelisa mahlweni kakwe kulamulweni.

24 I lovisa lava va ntamu na zvi ngazi zvi lava ku a hlolisisa,

A yimisa van’wani wutshan’wini gabye.+

25 Hakuva wa zvi tiva lezvi va mahako;+

I va wisa ni wusiku, va siliwa.+

26 I vaba hi kota ya kubiha kabye,

Kuwoneni ka vanhu vontlhe,+

27 Hakuva va mu fularele va tsika ku mu landzela+

Va nga cheli kota hi tindlela takwe;+

28 Va maha ku a cisiwana ci rila kakwe,

Laha ka kuza azwa a kurila ka lava va nga hava muvhuni.+

Kani i tiko kutani munhu, a wuyelo ga kona ga fana,

30 Kasi loyi a nga kholwiko ka Nungungulu* a nga fumi+

Ne ku demba mitlhamu a dembela vanhu.

31 I kona wa ku a nga byela Nungungulu, aku:

‘Ndzi tsayisilwe hambu lezvi ndzi nga kala ku goha nchumu;+

32 Ndzi kombe lezvi ndzi nga kala ku zvi wona;

Loku ndzi wonhile, ndzi nga ta ha phinda kambe’ ke?

34 A vanhu lava va nga ni kupimisisa* va ta ndzi byela

— Ni wihi loyi a nga ni wutlhari a ndzi ingiselako —

35 ‘Joba i wulawula na a nga hi na wutivi,+

Ni magezu yakwe a hi ya wutlhari.’

36 Ngha Joba a ringiwa* kala a ku hokohoko

Hakuva a mihlamulo yakwe yi fana ni ya vavanuna va kubiha!

37 I engetela kuhluwuka ciwonhweni cakwe;+

Iba mandla hi kuchepeta mahlweni ka hina

Ni ku andzisa timhaka takwe ta ku vhukela Nungungulu wa lisine!”+

 2 “Wa tiyiseka lezvaku u lulamile laha ka kuza uku:

‘Ndzi lulamile nguvhu a ku hundza Nungungulu’ ke?+

 4 Ndzi ta ku hlamula wena

Ni vanghana+ va wena.

 5 Cuwuka le tilweni u wona,

U cuwukisisa marefu+ lawa ma nga le hehla nguvhu ka wena.

 7 Loku u lulamile, u ta mu mahela yini;

Cini a ci kumako ka wena?+

 8 A kubiha ka wena ku khumba ntsena a munhu wo khwatsi hi wena,

Ni kululama ka wena ku vhuna a n’wana wa munhu.

 9 A cikhati leci a vanhu va xanisiwako nguvhu va rila;

Va rila va lava ku tlhatlhisiwa wokweni ga lava va ntamu.+

10 Kanilezvi i hava a nge ngalo: ‘I kwihi Nungungulu, a Mumahi wa mina wa Hombe,+

Loyi a mahako lezvaku ku yimbelelwa tisimu ni wusiku?’+

11 Yena wa hi gondzisa+ nguvhu a ku hundza a zvihari zva laha misaveni,+

Niku i hi maha hi tlhariha a ku hundza zvinyanyani zva matilo.

12 A vanhu va rila, kanilezvi a nga hlamuli,+

Hi kota ya matshandza ya vakubiha.+

13 Hi lisine, Nungungulu a nga ingiseli kurila ko fayelisela;*+

Loyi wa Ntamu Wontlhe a nga cheli kota ka zvona.

14 A ndza ha wuli loku u khala uku a wu mu woni!+

A mhaka ya wena yi mahlweni kakwe, hikwalaho, u fanele ku mu rindzela hi mahlo yo pswhuka.+

15 Hakuva a nga ku vitanisangi na a zangarile kasi a ta ku xuxisa;

Ne a nga chelangi kota hi matloti ya wena ya hombe.+

16 Joba i vhulula nomu wakwe wu ku ha mahala;

I tata magezu na a nga hi na wutivi.”+

 2 “Ndzi timisele kutsongwani laha ndzi tlhamuselako,

Hakuva ndza hi ni magezu yo wula ndzi yimela Nungungulu.

 3 Ndzi ta wula zvontlhe ndzi zvi tivako,

Ndzi ta wula lezvaku a kululama ku lumba a Mumahi wa mina.+

 4 Kunene, a magezu ya mina a hi ya mawunwa;

Loyi a mbheleleko kutiveni+ i kwalaha mahlweni ka wena.

 5 Hakunene Nungungulu i na ni ntamu+ niku a nga ali munhu;

I na ni kupimisisa* ka hombe.

 6 A nga ta ponisa a wutomi ga vakubiha,+

Kanilezvi i ta va mahela kululama lava va xanisekako.+

 7 A nga jikisi a mahlo yakwe ka valulamileko;+

I va tshamisa ni tihosi* zvitshan’wini zva wuhosi,+ va tlakuswa kala kupindzuka.

 8 Kanilezvi loku va fasiwa hi tinghomondo*

Va tlhela va phasiwa hi tingoti ta hlomulo,

 9 I va komba lezvi va mahileko,

A zvihambunyeto zvabye zvi vangilweko hi matshandza yabye.

10 I vhulula tindleve tabye kasi a va kawuka,

A va byela ku va tsika ku maha zvakubiha.+

11 Loku va mu ingisa va tlhela va mu tirela,

Va ta mbhetisa masiku yabye na va hanya wutomi go nandziha,

Ni malembe yabye ma tava yo tsakisa.+

12 Kanilezvi loku va nga mu ingisi, va ta lova hi cipadha+

Vafa na va nga tivi nchumu.

14 Vafa* na va ha hi vaswa,+

Va xakela wutomi gabye cikari ka zvibhayi zva cinuna zva tempeli.+

15 Kanilezvi Nungungulu* i tlhatlhisa vaxaniseki kukaratekeni kabye;

I vhulula tindleve tabye laha va xanisiwako.

16 I ku tsawula kukaratekeni ka hombe+

A ku yisa wutshan’wini go anama, legi u ti zwako na u tlhatlhekile,+

Laha u to chavelelwa hi zvakuga zvo nona mezeni ya wena.+

17 Makunu u ta tsaka hi kulamuliwa ka wakubiha,+

A cikhati leci ku to lamuliwa, ni nongameto wu simama.

18 Kanilezvi ti wonele kasi a zanga ya wena yi nga ku susumeti ku maha zvilo hi civiti,*+

Ne u nga tsiki a kuxavelela ku ku hambukisa.

19 Xana a kurila ka wena ka ku kombela ku vhuniwa

Kutani kutitsitsirita ka wena zvi ta ku tlhatlhisa hlomulweni wa wena ke?+

20 U nga naveli wusiku,

Laha a vanhu va n’walalako wutshan’wini gabye.

21 Ti wonele kasi u nga tlheleli ka zvakubiha,+

U hlawula zvona u tsika ku vhumela hlomulo.

22 Nungungulu i tlakukile ntan’wini wakwe,

Hi wihi mugondzisi a fanako naye?

23 Himani a nga mu gondzisa* a ndlela yakwe+

Kutani a mu byelileko, aku: ‘Lezvi u nga maha zvi bihile’?+

24 Alakanya ku kulisa mitiro yakwe,+

Leyi a vanhu va yimbelelako ha yona.+

25 A vanhu vontlhe va zvi wona,

A munhu wa ku wafa i zvi cuwuka hi le kule.

26 Kunene, Nungungulu wa hombe a ku hundza lezvi hi zvi tivako;+

A ntsengo wa malembe yakwe wa hundza a kupimisisa ka hina.*+

27 I koka madona ya mati maya hehla;+

A cikuhe* ci hundzuka ci maha marefu ya vhula;

28 Andzhako ka lezvo, a marefu ma yi chulula lahasi;+

Ma nisa a vhula hehla ka vanhu.

29 I kona wa ku a nga zwisisa a makamadha ya marefu,

Ni cingwalangwandla leci ci humako hi tendeni* gakwe ke?+

30 Wona lezvi a li andlalisako zvona a lihati lakwe+ hehla ka gona

A fenengeta a kueta* ka bimbi.

31 Hi zvilo lezvi, i wundla matiko;

A ma nyika zvakuga zvo tala.+

32 I fumbareta lihati canjeni gakwe

A li hoxela li yaba leci li ci potiyeleko.+

33 A cingwalangwandla cakwe ci wula nchumu hi yena,

Hambu a ntlhambi wa tivisa ku hi mani* a tako.

37 “Hi kota ya lezvi, a mbilu ya mina ya bhikitana

Niku ya tlulatlula cifuveni ca mina.

 2 Ingiselani khwatsi a kuvhuma ka gezu gakwe

Ni cingwalangwandla ci humako non’wini wakwe.

 3 Wa ci tsikeleta lahasi ka matilo wontlhe

A rumela lihati lakwe+ kala magemeta-musi ya misava.

 4 Andzhako ka lezvo, ku zwala kubhonga;

Wa dzindza hi gezu ga hombe,+

Niku a nga beteli a lihati loku a gezu gakwe gi zwala.

 5 Nungungulu wa dzindza hi gezu gakwe+ hi ndlela yo hlamalisa;

I maha zvilo zva hombe zvi hundzako a kupimisisa ka hina.+

 7 Nungungulu wa nyimisa yontlhe a mitiro ya vanhu,*

Kasi a vanhu vontlhe va ku vafa va tiva a mitiro yakwe.

 8 A zvihari zva khwati zvi nghena mikeleni ya zvona

Zvi simama ku fihlala timhakweni ta zvona.

 9 A cingulo ciba na ci sukela wutshan’wini ga cona,+

Ni moya wa n’walungu* wu tisa cirami.+

10 A kuhefemula ka Nungungulu ku vanga jelo,+

Ni mati ma talileko nguvhu ma woma hi cirami.+

11 Wa bindzisa marefu hi mati,

A hangalasa lihati lakwe+ lomu marefini;

12 Ma rendzelekela lomu a ma kongomisako kona;

Ma maha ni cihi a ma layako+ ku maha hehla ka misava.

13 Kani zvi fela ku tsayisa,*+ kani zvi fela ku vhuna misava,

Kutani ku fela ku kombisa lirandzo lakwe li nga mbheliko, i maha lezvaku zvi humelela.+

14 Ingisela lezvi, wena Joba;

Nyima u ehleketisisa khwatsi hi mitiro yo hlamalisa ya Nungungulu.+

15 Wa zvi tiva lezvi Nungungulu a ma fumelisako* zvona a marefu

Ni lezvi a mahisako zvona ku a lihati li huma hi refini gakwe ke?

17 Hikuyini a tinguwo ta wena ti hisako

A cikhati leci a misava yi pepisiwako hi moya wa le dzongeni* ke?+

18 Xana wena u nga tshambuluta matilo,+ zvin’we naye,

Ma tiya a ku khwatsi i woni* ga simbi ke?

19 Hi gondzise lezvi hi faneleko ku mu byela;

A hi nge zvi koti ku hlamula hakuva hi lomu munyameni.

21 A va zvi koti ne ku wona kuwonekela,*

Hambu lezvi ku woningako le tilweni,

Kala ku hundza moya wu kukuleta marefu.

22 Hi le n’walungu, ku huma a kuphatima ko khwatsi i ouro;

A wukulu ga Nungungulu+ gi vanga kuchava.

23 A hi nge zvi koti a ku zwisisa Loyi wa Ntamu Wontlhe;+

Yena wa hombe hi ntamu,+

Niku a nga tshuki a hambunyeta nongameto+ ni kululama+ kakwe ka hombe.

 2 “Himani yaloyi a fihlako a makungo ya mina

Ni ku wulawula na a nga hi na wutivi?+

 3 Ti longisele kota wanuna;

Ndzi ta ku wutisa, wena u ndzi tlhamusela.

 5 Himani a nga yimisa a tipimo ta yona, wa mu tiva ke?

Kutani himani a nga tshambuluta a lingoti la kupima hehla ka yona?

 6 A zviseketelo zva yona zvi zimilwe laha ka yini,

Kutani himani a nga yimisa a ribye ga yona ga laha khoneni,+

 7 A cikhati leci a tinyeleti ta mixo+ ti nga yimbelela zvin’we hi kutsaka,

Ni vontlhe a vana va Nungungulu*+ va sangula ku kanyuluka va dhumisa?

 8 Kona himani a vhalileko a bimbi hi tivati+

A cikhati leci gi nga phuxuka hi lomu khwirini,

 9 Laha ndzi nga gi bohisa marefu

Ni ku gi phutsela hi munyama wo tshisa,

10 A cikhati leci ndzi nga gi yimisela a mbhingano wa mina

Ndzi gi vekela zvikwinyaro ni tivati,+

11 Ndziku ka gona: ‘U ngata kala laha, kanilezvi u nga hundzi;

A mavingo* ya wena ya matshandza ma ta nyima kwalaha’ ke?+

12 U tshukile u laya mixo ke?

Kutani ku maha wuronga gi tiva wutshamu ga gona,+

13 Lezvaku gi khoma magemeta-musi ya misava

Ni ku zuza a vakubiha ka yona ke?+

14 A misava yi cica yi ku khwatsi i wumba lahasi ka cifungo,

Ni zvontlhe zvi nga ka yona zviku dlunya a ku khwatsi zvilo zvo sasekisa nguwo.

15 Kanilezvi a kuwonekela ka vakubiha ka susiwa kabye,

Ni woko gabye ga ntamu ga tshoviwa.

16 U tshuka u relela zvibukeni zva bimbi

Kutani ku fambafamba matini yo eta ke?+

17 U no kombiwa a tinyangwa ta kufa,+

Kutani u no wona a tinyangwa ta munyama wo eta* ke?+

Kona gi kwihi a wutshamu ga munyama,

20 Kasi u wu yisa wutshan’wini ga wona

Ni ku tiva a tindlela ta kuya kaya ka wona?

21 Xana u tiva lezvo hi ku u wa sina u pswalilwe ke?

Ni lezvi a ntsengo wa malembe* ya wena wu nga wa hombe ke?

22 U no tshuka u nghena lomu matshaleni ya gapongo,+

Kutani ku wona a matshala ya maralala,+

23 Lezvi ndzi zvi hlayiseleko a cikhati ca hlomulo,

A siku ga kulwa ni ga yimpi ke?+

24 A kuwonekela* ku hangalaka na ku sukela kwihi

Ni moya wa cikobani* wu pupuxa laha misaveni na wu sukela kwihi ke?+

25 Himani a nga bhoxa ndlela ya ndambi

Ni ku bhoxa ndlela ya refu ga kudzindza ga cingulo,+

26 Kasi ku nisa vhula lomu ku nga hanyiko munhu,

Ciwuleni lomu ku nga hiko na vanhu,+

27 Kasi ku xurisa matshamu ya ligwangwa*

Ni ku milisa byanyi ke?+

28 Ina a vhula yi na ni papayi,+

Kutani himani a papayi wa madona ya ndzhokati ke?+

29 A jelo gi humele hi khwirini ga mani

Kona himani a nga pswala a civera ca le tilweni?+

30 A mati ma fenengetiwa a ku khwatsi ma no fenengetiwa hi ribye,

Ni laha hehla ka mati yo eta ka woma ku maha jelo.+

31 Xana u nga boha a tingoti ta ntlawa wa tinyeleti wa Kima

Kutani ku tlhatlha a tingoti ta ntlawa wa tinyeleti wa Kesil?+

32 U nga humesa a ntlawa wa tinyeleti hi nguva ya kona

Kutani ku rangela a ntlawa wa tinyeleti wa Axi ni vana va tona ke?

33 Wa yi tiva a milayo leyi yi fumelako matilo,+

Kutani u nga yimisa a milayo ya wona* hehla ka misava ke?

34 U nga tlakusa gezu ga wena gi chikela marefini

Kasi ma ku nisela a vhula ya hombe yi ku fenengeta?+

36 Himani a nga chela wutlhari lomu ka marefu*+

Kutani a nga gi nyika kuzwisisa a tilo* ke?+

37 Himani a nga ni wutlhari go ringana ku hlaya marefu,

Kutani himani wa ku a nga halata a tijaro ta mati ya le tilweni+

38 Laha ka kuza a lithuri li hundzuka li maha madhaka

Ni marukwani ya misava ma namarelana ke?

39 U nga yi hlotela nyama a nghala

Kutani ku xurisa zvinghalana+

40 A cikhati leci zvi vhumbamako wutumbelweni ga zvona

Kutani ku tumbela mikeleni ya zvona ke?

41 Himani a ci nyikako zvakuga a cikunguwa+

Laha a mavhinyani ya cona ma ketako ka Nungungulu na ma lava ku vhuniwa

Ni ku pepetseka hi ku vhumala zvakuga ke?

 3 Ti cuculuka kasi ti pswala,

A kulun’wa ka tona ku gumesa.

 4 A vana va kona va tiyela va tlhela va kula lomu khwatini;

Va famba va nga ha wuyi kabye.

 5 Himani a nga yi nyika kutlhatlheka a mbongola ya khwati,*+

Kona himani a nga tlhatlha a tingoti ta mbongola ya khwati?

 6 Ndzi mahile ciwula kasi civa muti wa yona

Ni tiko ga munyu kasi yi tshama ka gona.

 7 Ya hleka a vhilinganya ya dhoropa;

A yi ingisi a gezu ga loyi a yi gulako.

 8 Yi ndzulandzula lomu zvitsungeni na yi lava wuriselo,

Yi lavetela tontlhe a tisinya to nyuka.

10 U nga bohelela dhuna ga homu ya khwati laha cikon’wini* hi lingoti ke?

Kutani gi ta ku landzela kasi ku ya rima nkova?

11 Xana u ta tsumba a ntamu wa gona wa hombe

U gi tsika gi ku mahela a ntiro wa wena wo bindza ke?

12 U ta tsumba lezvaku gi ku nehela tshovelo,*

Gi tlhela gi wu hlengeletela wutshan’wini ga wena go hulela kona timbewu?

13 A tipapa ta mbhuwu* tiba hi kutsaka,

Kanilezvi xana a tipapa ta yona ni timbavi ta yona ta fana ni ta sekwa ke?+

14 Hakuva yi tsikela matandza ya yona lahasi

Yi ma kuhlehela lomu ntshurini.

15 Yi rivala lezvaku a munhu a nga tshuka a ma kandzihela

Kutani ku a cihari ca khwati ci nga ma faya.

16 Yi ma mahela xapi a mavhinyani ya yona a ku khwatsi a hi ya yona;+

A yi chavi ku yi nga tshuka yi tirile mahala.

17 Hakuva Nungungulu i yi tsonile wutlhari

Ne a nga yi nyikangi kupimisisa

18 Kanilezvi a cikhati leci yi sukako yi yima yiba a tipapa ta yona,

Yi hleka a haxi ni mukhileli wa gona.

21 Gi paleta misava ya nkova gi khana hi kutsaka;*+

Gi huma hi kutsutsuma giya yimpini.*+

23 A cikhwama ca mipaxa ca kocongela hehla ka gona.

A paxa ni tlhari zva phatima.

24 Na gi kari gi rurumela hi manyawunyawu, gi huma na gi tlulatlula,

A gi zvi koti ku rula* loku ku biwa linanga.*

Gi femba masema ya yimpi hi kule

Gizwa a guwa ga vakomandante ni guwa ga yimpi.+

26 Xana a mangavhi i haha hi kota ya kuzwisisa ka wena,

A nawuluta tipapa takwe ti cuwuka dzongeni* ke?

27 Kutani a gama gi puruma giya hehla hi kulaya ka wena+

Ni ku aka cisaka ca gona le hehla,+

28 Gi mbheta wusiku laha ribyeni,

Na gi hanya lomu khokholeni ga gona, lomu kovotlweni wa ribye?

29 Gi lavetela zvakuga na gi hi lomo;+

A matihlo ya gona ma wona zva le kule nguvhu.

30 A mavhinyani ya gona manwa nkhata,

Niku laha ku nga ni zvirumbi, gi kwalaho.”+

 5 Ndzi wulawulile khati gin’we, kanilezvi ndzi nga ta ha hlamula kambe;

Ndzi wulawulile kumbiri, kanilezvi ndzi nga ta ha wula nchumu.”

 7 “Ti longisele kota wanuna;

Ndzi ta ku wutisa, wena u ndzi tlhamusela.+

 9 Ina u na ni woko ga ntamu go fana ni ga Nungungulu wa lisine,+

Kutani a gezu ga wena gi nga dzindza a ku khwatsi hi legi gakwe ke?+

10 Ti sasekise hi wukosi ni wukulu;

Ti bohise wudzundzo ni kungangamela.

11 Tsika a zanga ya wena;

Cuwuka a vamatshandza vontlhe, u va tsongahata.

12 Cuwuka vontlhe lava va ti kulisako, u va koramisa,

U sila vakubiha matshan’wini yabye.

13 Fihla vontlhe lomu ntshurini;

Boha tinghohe tabye wutshan’wini go fihlala,

14 Andzhako ka lezvo, hambu mina ndzi wa ta kholwa ka wena*

Lezvaku a canja ga wena ga cinene gi nga ku ponisa.

16 Hi nga cuwuka a ntamu wu nga tinyongeni ta yona

Ni ntamu wu nga ka misiha ya khwiri ga yona!

17 Yi tiyisa a mudhoza* wa yona a ku khwatsi i sedhare;

A misiha ya mathanga ya yona yi lukene.

18 A marambu ya yona me khwatsi mipuva ya kobre;

A zviro zva yona zvo khwatsi tisimbi ti bethilweko.

19 Hi yona yo sangula ka tixaka ta yona cikari ka lezvi Nungungulu a zvi mahileko;

A Mumahi wa yona hi yena yece a tiyako ku yi tshinelela ni cipadha cakwe.

20 A zvakuga zva yona zvi huma hi lomu zvitsungeni,

Lomu zvontlhe a zvihari zva khwati zvi hlakanako kona.

21 Yi etlela lomu hasi ka matewu,*

Ndzhutini wa majeka* ya lomu madhakeni.

22 A matewu* ma yi fenengeta hi ndzhuti wa wona,

Ni tisinya ta lomu nkoveni ta yi randzela.

24 I kona wa ku a nga yi phasa na yi zvi wona,

Kutani ku yi bhoxa mukhalo nhovhini ya yona ke?

41 “U nga zvi kota ku phasa Levhiyatani*+ hi cimemba

Kutani ku boha lirimi lakwe hi lingoti ke?

 2 U nga zvi kota ku peta lingoti tinhovhini takwe

Kutani ku bhoxa tihlaya takwe hi muzwa* ke?

 3 Xana i ta ku khongotela nguvhu,

Kutani ku wulawula na wena hi ndlela ya yi nene ke?

 4 I ta maha civhumelwano na wena

Kasi a maha khumbi ya wena wutomini gakwe gontlhe?

 5 U ta hlakana naye a ku khwatsi hi loku u hlakana ni cinyanyani

Kutani u ta mu boha bhandi kasi a zvinhanyetana zva wena zvi hlakana hi yena ke?

 7 U nga fula bhebhe gakwe hi mipaxa* yo tala+

Kutani u nga tlhava hloko yakwe hi matlhari ya ku fula hi wona tinjhanjhi ke?

 8 Hi nga tlhateka a canja ga wena hehla kakwe,

Lezvi a to ku maha u nga ta zvi rivala ne u nga ta ha phinda kambe!

12 Ndzi nga ta tsika ku wulawula hi zviro zvakwe,

Ni ntamu wakwe, ni miri wakwe wu wumbilweko khwatsi.

15 Laha hlanheni wakwe ku xalamele magwaru*

Ma namareleneko khwatsi.

16 A gin’we ni gin’wani gi namarele khwatsi laha ka gin’wani

Laha ka ku ne moya a wu ngheni cikari ka wona.

17 Ma khomene hi ca ka wona;

Ma khomene laha ka ku a ma nge hambanisiwi.

18 Loku a wetshemula ku huma tihlahli,

Ni matihlo yakwe ma fana ni miseve ya wuronga.

19 Lomu non’wini wakwe ku huma zvingwalangwandla;

Hi ka wona, ku huma a tihlahli ta ndzilo.

20 A tinhovhu takwe ti humesa musi,

A ku khwatsi i ndzhimbo* wu hlanganyetiwako hi tihlanga.

21 A kubuvheta kakwe ku lumeka makhala,

Ni langavi gi huma hi non’wini wakwe.

22 A nhamu yakwe yi na ni ntamu wa hombe

Vontlhe va kumanako naye va chava nguvhu.

23 A madingo ya nyama yakwe ma namarelene khwatsi;

Ma tiyile a ku khwatsi ma no hiselwa laha kakwe, a ma ndlengandlengi.

24 A mbilu yakwe yi tiyile a ku khwatsi i ribye,

Ina, ya nonoha a ku khwatsi i ribye ga cigayo ga lahasi.

25 Loku a suka a yima, hambu lava va ntamu va rurumela;

A kupfhupfhapfhupfha kakwe ku vanga kuchava.

26 A ku na cipadha ni cin’we ci to mu tlhava ci humelela

Hambu paxa, ne tlhari, kutani hloko ya paxa.+

27 Ka yena, a simbi yi khwatsi i byanyi go woma,

Ni kobre yi khwatsi mapulango yo hehliwa.

28 A paxa a wu mu tsutsumisi;

A maribye ma phandilweko hi cipelupelu* me khwatsi tihlanga kakwe.

29 Ka yena, a nhonga yi khwatsi lihlanga;

I hleka a wungetlengetle ga matlhari.

30 A khwiri gakwe gi khwatsi zvirengele zvo tsema;

I ndzundza lomu madhakeni a ku khwatsi citlhata ca ku hula timbewu.+

31 I bondza mati yo eta ma vila a ku khwatsi ma lomu bhoteni;

A vhindlusa bimbi gi ku khwatsi i bhota gi nga ni mafura.

33 A ku na ca ku fana na yena laha misaveni,

A civangwa ci mahelweko ku nga chavi nchumu.

 2 “Makunu ndza zvi tiva lezvaku wa zvi kota ku maha zvilo zvontlhe

Niku ci hava ci nga maalakanyweni ya wena u ci tsandzekako ku maha.+

Hikwalaho, ndzi wulawulile na ndzi nga hi na kupimisisa

Xungetano hi zvilo zvo hlamalisa nguvhu ka mina lezvi ndzi kalako ndzi nga zvi tivi.+

 5 A tindleve ta mina ti zvi zwile na ku wulawuliwa hi wena,

Kanilezvi zvezvi ndza ku wona hi matihlo ya mina.

 6 Hikwalaho, ndza susa lezvi ndzi nga wula,+

Ndzi ti sola lomu ntshurini ni lomu khumeni.”+