ISAYA

 2 Zwanani, n’wina matilo, u demba ndleve, wena misava,+

Hakuva Jehovha i wulawulile:

“Ndzi wundlile vana, ndzi va kulisa,+

Kanilezvi vona va ndzi hluwukele.+

 3 A homu ya mu tiva khwatsi a n’winyi wa yona,

Ni mbongola ya ci tiva khwatsi a cigowolo ca n’winyi wa yona;

Kanilezvi Izrayeli a nga ndzi tivi,*+

A vanhu va mina a va na kuzwisisa.”

 4 Khombo ka tiko ga kuwonha,+

A vanhu va bindziwako hi cigoho,

A pswalo wa vakubiha, a vana vo kanganyisa!

Va tsikile Jehovha;+

Va kanyisile Loyi a Basileko wa Izrayeli,

Va mu fularela.

A hloko yontlhe ya babya,

Ni mbilu yontlhe ya fevera.+

Ku na ni zvilondza, ni mafelangati, ni tiphanja

— A zvi tiriwangi,* a zvi bhandichiwangi, ne a zvi totiwangi mafura.+

 8 A nhanyana wa Ziyoni i sele a ku khwatsi i chacha lomu civhineni,*

A ku khwatsi cibarakana lomu sin’wini ga pepino,

A ku khwatsi i dhoropa gi randzelweko.+

 9 Loku Jehovha wa mabutho i wa nga hi siyelangi vanhu va tsongwani va ku pona,

Na hi fanile ni Sodhoma,

Hi tlhela hi fana na Gomora.+

“Ndzi kolwe hi minyikelo ya n’wina ya kuhiswa ya tiyivhu,+ ni mafura ya zvihari zvo nona,+

Ne a ndzi tsakisiwi hi nkhata+ wa zvidhunana,+ ni tiyivhu, ni timbuti.+

12 Laha mu tako mahlweni ka mina,+

Himani a mu kombeleko lezvo,

A ku kandzihetela a mitsendzele* ya mina ke?+

A tihweti tiswa,+ ni masabhadho,+ ni migotsovanyano+

— Ndzi nga ta timisela a kutiriswa ka ntamu wa masalamuso+ lomu mitlhanganweni ya n’wina yo basa.

Zva ndzi bindza;

Ndzi karele hi ku zvi rwala.

15 Niku laha mu tlakusako a mandla ya n’wina,

Ndzo ti vhala matihlo.+

Hambu lezvi mu mahako mikhongelo yo tala,+

A ndzi yi ingiseli;+

A mandla ya n’wina ma tele hi nkhata.+

16 Hlambani, mu ti basisa;+

Susani a mitiro ya n’wina yo biha mahlweni ka mina;

Tsikani ku maha zvakubiha.+

17 Gondzani a ku maha zvazvinene, mu hlota kululama.+

Kawukani a muxanisi,

Mu yimela a tifanelo ta n’wanana a nga hava papayi,*

Ni ku lwela a mhaka ya noni.”*+

“Hambu loku a zviwonho zva n’wina zvi pswhukile,

Zvi ta basa zvi fana ni gapongo;+

Hambu loku zvi pswhukisile kuzvirila,

Zvi ta ku khwatsi i woya go basa.

19 Loku mu vhumela ku ingisa,

Mu taga zvilo zva zvinene zva tiko.+

20 Kanilezvi loku mu ala mu tlhela mu hluwuka,

Mu ta lovisiwa hi cipadha,+

Hakuva a nomu wa Jehovha wu wulile lezvo.”

Gi wa tele hi nongameto;+

A kululama ku wa akile ka gona,+

Kanilezvi zvezvi vadayi va nga kona.+

22 A prata ya wena yi hundzukile yiva manyelo,*+

Ni byala* ga wena gi jutilwe ni mati.

A va mu maheli kululama loyi a nga hava papayi,*

Ni mhaka ya noni* a yi tshuki yi chikela kabye.+

24 Hikwalaho, a Hosi ya lisine, Jehovha wa mabutho,

A Nyamintamu wa Izrayeli, i ngalo:

“Ndzi ta ti tlhatlha ka lava va ndzi vhukelako,

Ndzi ti photela ka valala va mina.+

25 Ndzi ta ku tlakusela a canja ga mina,

Ndzi ta ku hluta a manyelo* ya wena wontlhe,

Ndzi tlhela ndzi susa a kungahlazveki ka wena kontlhe.+

26 Ndzi ta wuyisa a valamuli va wena a ku khwatsi hi kusanguleni

Ni masungukati ya wena a ku khwatsi hi kusanguleni.+

27 Ziyoni i ta tlhatlhisiwa hi nongameto,+

Ni vanhu vakwe lava va wuyako va ta tlhatlhisiwa hi kululama.

28 A vahluwuki ni vawonhi va ta lovisiwa zvin’we,+

Ni lava va tsikako Jehovha va ta lova.+

29 Hakuva va tawa tingana hi tisinya ta ntamu leti mu ti naveleko,+

Niku mu ta dhanisiwa hi kota ya tijardhim* leti mu nga ti hlawula.+

30 Hakuva mu ta fana ni sinya ya hombe leyi a matluka ya yona ma wunako,+

Mu ku khwatsi mu jardhim yo kala mati.

31 A nhenha yi ta fana ni byanyi go woma,

Ni ntiro wa yona wu ta fana ni lihlahle;

Hi wumbiri ga zvona zvi taswa zvin’we,

I hava a to zvi timela.”

 2 Masikwini yo gumesa,

A citsunga ca yindlu ya Jehovha

Ci ta yimisiwa ci tiya le hehla ka madembele ya zvitsunga,+

Niku ci ta tlakusiwa hehla ka zvitsungana;

A matiko wontlhe ma ta khitikana maya kona.+

“Tanani, a hi kandziheni hiya citsungeni ca Jehovha,

A ndlwini ya Nungungulu wa Jakobe.+

I ta hi gondzisa a tindlela takwe;

Hina hi ta famba tisokweni takwe.”+

Hakuva a nayo* wu ta huma hi le Ziyoni,

Ni mhaka ya Jehovha yi ta huma hi le Jerusalema.+

 4 I ta lamula cikari ka matiko,

A tsema* timhaka ta mifumo yo tala.

Va ta betha zvipadha zvabye zvi maha zvikomu

Ni matlhari yabye ma maha masikela.*+

A ku na tiko gi to tlakusa a cipadha ca gona gi vhukela gin’wani tiko,

Ne va nga ta ha gondza kambe a kulwa.+

 5 Tana, wena yindlu ya Jakobe,

Hi ta famba kuwonekeleni ka Jehovha.+

 6 Hakuva u tsikile a vanhu va wena, a yindlu ya Jakobe,+

Hi lezvi va teleko hi zvilo zva le Mutsuwuka-gambo;

Va maha masalamuso+ a ku khwatsi vaFilistiya,

Niku cikari kabye ku tele vana va valuveli.

 7 A tiko gabye gi tele hi prata ni ouro,

A titshomba tabye a ti mbheli.

A tiko gabye gi tele hi mahaxi,

Ni tikareta tabye a ti mbheli.+

Va khizamela a ntiro wa mandla yabye wutsumbu,

Lowu va wu mahileko hi titiho tabye.

 9 Hikwalaho, a vanhu va ti chipisa, va koramiswa,

Niku a zvi koteki ku u va tsetselela.

10 Nghena lomu ribyeni, u fihlala lomu ntshurini

Hi kota ya kutshisa ka kuvakona ka Jehovha

Ni kungangamela ka wukulu gakwe.+

11 A matihlo ya loyi wa matshandza ma ta koramisiwa,

Ni vanhu va ti kulisako va ta tsongahatiwa.

Gi tela vontlhe lava va ti kulisako ni ku ti kukumukisa,

Hehla ka vontlhe, lava va tlakukileko ni lava va nyalidede,+

13 Gita hehla ka misedhare yontlhe yo leha ni yo tlakuka ya Lebhanoni,

Ni hehla ka mitule yontlhe ya Bhaxani,

14 Gita hehla ka zvitsunga zvontlhe zvo leha

Ni hehla ka zvitsungana zvontlhe zvi tlakukileko,

15 Gita hehla ka tikhokhola* tontlhe to tlakuka ni ka mimuro yontlhe yi tiyisilweko,

16 Gita hehla ka zvitimela* zvontlhe zva Tarxixi+

Ni hehla ka tingalava tontlhe to saseka.

17 A munhu wa matshandza i ta koramisiwa,

Ni vanhu va ti kulisako va ta tsongahatiwa.

19 A vanhu va ta nghena lomu mikovotlweni ya maribye,

Ni lomu mikeleni ya lomu hasi+

Hi kota ya kutshisa ka kuvakona ka Jehovha,

Ni kungangamela ka wukulu gakwe,+

A cikhati leci a sukako a rurumelisa misava hi kuchava.

20 Ka siku lego, a vanhu va ta teka a vanungungulu vabye va nga vhuniko nchumu va prata ni va ouro,

Lava va nga ti mahela kasi va va khizamela,

Va va hoxa ka makondlo ni ka makhoha,*+

21 Kasi va nghena lomu mikeleni ya maribye,

Ni lomu mikovotlweni ya maribye,

Hi kota ya kutshisa ka kuvakona ka Jehovha

Ni kungangamela ka wukulu gakwe,

A cikhati leci a to suka a rurumelisa misava hi kuchava.

22 Kasi mu kateka, tsikani ku tsumba munhu,

Loyi a nga kuhefemula ntsena tinhovhini takwe.*

3 Hakuva hi nga wonani! A Hosi ya lisine, Jehovha wa mabutho,

I ta susa zvontlhe lezvi zvi va vhunako ni lezvi va hanyako hi zvona lomu Jerusalema ni lomu Judha,

A zvakuga* zvontlhe ni mati;+

 2 A nhenha ni musochwa;

A mulamuli ni muphrofeti;+ a muvhumbi ni dhota;

 3 A hosana ya ntlawa wa 50 wa vanhu,+ ni wahombe, ni sungukati;

A tlhari ya masalamuso ni noyi wo tlhariha.+

 4 Ndzi ta yimisa vafana vava tihosana tabye,

Va ta fumelwa hi vanhu va timbilu timbiri.*

 5 A vanhu va ta xanisana,

A mun’we ni mun’wani a xanisa munhu-kuloni.+

A jaha gi ta dhumela a cikhosana,

Ni loyi wo chepetiwa i ta vhukela loyi a chaviwako.+

“Ndzi nga ta bhandicha a zvilondza zva wena;*

A ndzi na zvakuga ne tinguwo ndlwini ya mina.

 8 Hakuva Jerusalema i ti gumulile,

Na Judha i wile,

Hakuva va vhukela Jehovha hi magezu ni mitiro;

Va mu vhukela kungangameleni kakwe.*+

 9 A tinghohe tabye ta va kona.

Va huwelela a ciwonho cabye a ku fana ni Sodhoma;+

A va zami ku ci fihla.

10 Byela a vakululama lezvaku zvi ta va fambela khwatsi;

Va ta chachazelwa hi lezvi va mahako.*+

I ta welwa hi khombo,

Hakuva i ta mahelwa zvalezvi a mandla yakwe ma mahileko!

12 A vanhu va mina va xaniswa hi varangeli vabye,

Va fumelwa hi vavasati.

O vanhu va mina, a varangeli va n’wina va mu pepetsekisa,

Va mu lahlekisa ndlela.+

13 Jehovha i longile ku wula a mhaka yakwe;

I sukile a yima kasi ku tsema mhaka ya matiko.

“Mu hisile a civhina,*

Niku lezvi mu yiveleko a zvisiwana zvi lomu tindlwini ta n’wina.+

15 Mu tiyisa kuyini ku fayetela a vanhu va mina

Ni ku sila a tinghohe ta zvisiwana lomu ntshurini ke?”,+ ku wula a Hosi ya Hombe, Jehovha wa mabutho.

16 Jehovha i ngalo: “Kota lezvi a vanhanyana va Ziyoni va ti kulisako,

Va fambako na va tlakusile tihloko,*

Va xenga hi matihlo yabye, va tlhela va famba hi kutinyanga,

Na va vanga guwa hi masindza yabye ya lomu minengeni,

17 Jehovha i taba a hloko ya vanhanyana va Ziyoni hi mathasi.

Jehovha i ta funungula a cikandza* cabye ci sala kubaseni.+

18 Ka siku lego, Jehovha i ta susa zvontlhe lezvi va ti sasekisako hi zvona: a masindza,

Ni mabhanduleta, ni zvilo zvo ti sasekisa hi zvona zvo khwatsi i hweti,+

19 Ni tiphera ta tindleve,* ni maniya, ni tivhewu,*

20 Ni zva ku sasekisa a hloko, ni masindza ya lomu minengeni, ni bhandi ga lomu cifuveni,

Ni mabotori ya tiperfume,* ni zvitshungulo.

21 Ni tiphera ta titiho ni ta tinhovhu,

22 Ni tinguwo ta mubuzo, ni mabhaji, ni majasi, ni tipasta,

23 Ni mawoni* ya mandla,+ ni tinguwo ta wukene,*

Ni titurbhanti ni tivhewu.

24 Wutshan’wini ga mafura ya bhalsamu,+ ku tava ni masema yo nuha;

Wutshan’wini ga libhandi, ku tava ni lingoti;

Wutshan’wini ga misisi yi lukilweko yi saseka, ku tava ni pandla;+

Wutshan’wini ga tinguwo to chandza, ku tava ni tinguwo ta tisakwa;+

Wutshan’wini ga kusaseka, ku tava ni mapswhapswhati ya kuhiswa hi simbi.

25 A vavanuna va wena va ta wisiwa hi cipadha,

Ni tinhenha ta wena ti tawa yimpini.+

26 A tinyangwa ta dhoropa ti tava hlomulweni, ti rila;+

Ziyoni i ta tshama lahasi a rila.+

“Hi taga pawa ya hina venyi,

Hi boha a tinguwo ta hina venyi;

Ntsena lezvaku hi tsike hi vitaniwa hi vito ga wena

Kasi ku susa a tingana* ta hina.”+

5 Ndzi ta yimbelelela a murandziwa wa mina

A lisimu xungetano hi murandziwa wa mina ni civhina* cakwe.+

I no byala a vhina* wa kupswhuka wa wunene nguvhu,

A aka a likhokhola* cikari ka cona,

A kehla cigowolo co kamela vhinyo.+

I no tshama a rindzela ku wu pswala mauvha ya manene,

Kanilezvi wu no pswala ntsena a mauvha ya khwati.+

 3 “Makunu n’wina vahanyi va Jerusalema ni vavanuna va ka Judha,

Lamulani cikari ka mina ni civhina ca mina.+

 4 Cini cin’wani ndzi nga fanele ku maha civhineni ca mina

Ndzi nga kala ku maha ke?+

Hikuyini, laha ndzi nga rindzela mauvha ya manene,

Ci nga pswala a mauvha ya khwati ntsena ke?

 5 Makunu ndza ha mu byela

Lezvi ndzi to maha a civhina ca mina:

Ndzi ta susa a libhiyo la cona,

Ci hisiwa hi ndzilo.+

Ndzi ta khungumula a muro wa cona wa maribye,

Niku ci ta kandzihetelwa.

 6 Ndzi ta ci maha ciwula;+

Ci nga ta theniwa ne hambu ku hlakulelwa.

Ci ta fenengetwa hi mimizwa ni nyasavari.+

Ndzi ta laya a marefu lezvaku ma nga ci niseli vhula.+

 7 Hakuva a civhina ca Jehovha wa mabutho i yindlu ya ka Izrayeli;+

A vavanuna va ka Judha i simu legi a nga gi randza.

I wa rindzela nongameto,+

Kanilezvi i kumile a kungalulami;

I wa rindzela kululama,

Kanilezvi i kumile a tinyandha ta kuxaniseka.”+

 8 Khombo ka lava va tlhavinyetako yindlu ka yin’wani,+

Ni lava va tlhavinyetako a simu ka gin’wani+

Kala ku nga ha kumeki wutshamu,

Mu sala mu hanya n’wece lomu tikweni!

 9 Jehovha wa mabutho i hlambanyile tindleveni ta mina

Lezvaku a tiyindlu to tala, hambu lezvi ti nga ta hombe na ti sasekile,

Ti tava nchumu wo tshisa,

Ti ta sala na ti nga hi na munhu.+

10 Hakuva a 10 wa tindzima* ta civhina ti ta humesa a bhatu gin’we* ga vhinyo basi,

Niku a homeri* yin’we ya timbewu yi to humesa a efa* yin’we basi.+

11 Khombo ka lava va vindzukelako kunwa byala ni mixo,+

Va ku pilapila kala a vhinyo yi va popa!

12 Va na ni zvitende, ni zvichaya-chaya zva tingoti,

Ni mitandanda, ni zvitoliya, ni vhinyo mibuzweni yabye;

Kanilezvi a va ehleketi hi mitiro ya Jehovha,

Ne a va yi woni a mitiro ya mandla yakwe.

13 Hikwalaho, a vanhu va mina va taya wukhumbini

Hakuva a va tivi;+

A vahombe vabye va ta xaniseka hi ndlala+

Niku a vanhu vontlhe va ta woma hi tora.

14 Hikwalaho, a Cilahla* ci ti anamisile,*

Ci ahlama a nomu wa cona wu nga gumelwi;+

A wudzundzo ga* Jerusalema, ni citshungu cakwe ca guwa, ni lava va mahako guwa lomu mibuzweni

Va ta relela ka cona.

15 A vanhu va ta koramiswa,

A vanhu va ta tsongahatiwa,

Ni matihlo ya lava va matshandza ma ta tsongahatiwa.

16 Jehovha wa mabutho i ta tlakusiwa hi kota ya kulamula kakwe;

A Nungungulu wa lisine, Loyi a Basileko,+ i ta ti basisa hi kululama.+

17 A tiyivhana ti ta gela lomo, a ku khwatsi hi loku ti hi wuriselweni ga tona;

Ni vamatiko va taga lomu ka matshamu ya ciwula, lomu a kale ku nga hi ni zvihari zvo nona.

18 Khombo ka lava va roroviselako a nandzu wabye hi tingoti ta wukanganyisi,

Ni ciwonho cabye hi tingoti ta kareta;

19 Lava va nge: “I wa hatlisise a ntiro wakwe;

Wu wa hatlise wuta hi ta wu wona.

A kungo* ga Loyi a Basileko wa Izrayeli gi wa maheke

Kasi hi fela ku gi tiva!”+

20 Khombo ka lava va nge a zvazvinene zvi bihile ni zvakubiha vaku zvinene,+

Lava va vhaletako a munyama hi kuwonekela ni kuwonekela hi munyama,

Lava a zvobava va zvi mahako zvotsombela ni zvotsombela va zvi maha zvobava!

21 Khombo ka lava va tlharihileko kuwoneni kabye,

Ni lava va ti byelako lezvaku va tiva!+

22 Khombo ka lava va nga ni ntamu kunweni ka vhinyo

Ni lava va zvi tivako khwatsi ku jutela byala,+

23 Lava va yimelako a wakubiha hi kota ya kuxavelelwa+

Va mu alela kululama loyi a lulamileko!+

24 Hikwalaho, a ku khwatsi hi lezvi a langavi ga ndzilo gi hisako a tihlanga

Ni lezvi a byanyi go woma gi swako lomu ndzilweni,

A timitsu tabye ti ta bola,

Ni zvitsangi zvabye zvi ta hangalaka a ku khwatsi lithuri

Hakuva va alile a nayo* wa Jehovha wa mabutho

Va kanyisa a mhaka ya Loyi a Basileko wa Izrayeli.+

25 Hikwalaho, a zanga ya Jehovha ya vhurela vanhu vakwe;

I ta nawuluta a canja gakwe hehla kabye a vaba.+

A zvitsunga zvi ta tsekatseka,

Ni zvirumbi zvabye zvi ta ku khwatsi i chaka lomu maruweni.+

Hi kota ya zvontlhe lezvo, a zanga yakwe a yi bohlangi,

Kanilezvi wa ha nawulutile a canja gakwe kasi kuba.

26 I tlakusile a sinya ya cikombiso, a tlakusela a tiko ga le kule;+

I va bele a minoti kasi vata hi le magemeta-musi ya misava;+

Hi lava! Vata hi kutsutsuma.+

A tibhandi tabye a ti dzesekangi zviwunwini zvabye,

Ni tingoti ta masandalia yabye a ti phewukangi.

28 Yontlhe a mipaxa yabye ya kariha,

Ni mawura yabye wontlhe ma kondlilwe.*

A zvinyondzwani zva mahaxi yabye zvi fana ni maribye,

Ni marodha ya tikareta tabye ma fana ni cingulo.+

29 A kubhonga kabye ku fana ni ka nghala;

Va bhonga a ku fana ni zvinghalana.*+

Va ta bhonga va khoma leci va ci lavako

Va famba naco, ci nga kumi wa ku ci tlhatlhisa.

30 Ka siku lego, va ta bhonga hehla ka leci va nga khoma

A ku fana ni kudzindza ka bimbi.+

Ni wihi a cuwukako a tiko i ta wona a munyama wo tshisa;

Hambu a kuwonekela ku ta maha munyama hi kota ya marefu.+

Ndzi file* mino!

Hakuva ndzi munhu wa minomu yo kala kuhlazveka

Niku ndzi hanya cikari ka vanhu va minomu yo kala kuhlazveka;+

Hakuva a matihlo ya mina ma wonile Hosi, Jehovha wa mabutho!”

Hikwalaho, a nandzu wa wena wu susilwe,

Ni ciwonho ca wena ci tsetselelwe.”

‘Mu ta phindaphinda ku zvizwa,

Kanilezvi mu nga ta zvi zwisisa;

Mu ta phindaphinda ku zvi wona,

Kanilezvi mu nga ta tiva.’+

10 Tlanyalisa a timbilu ta vanhu lava,+

U vhala a tindleve tabye,+

U vhala matihlo yabye,

Kasi va nga woni hi matihlo yabye

Ne kuzwa hi tindleve tabye

Kasi va nga zvi zwisisi hi timbilu tabye,

Ne ku hundzuluka va hanyiswa.”+

“Kala a madhoropa ma hahluka ma maha marumbi ma ngavi ni muaki

Ni tiyindlu ti sala ti nga hi na vanhu

Ni tiko gi hohlolwa gi maha ciwula;+

12 Kala Jehovha a susa vanhu a va yisa kule,+

Ni kuhahluka ka tiko kuva ka hombe nguvhu.

“Zvi nga ta pasa,

Ne zvi nga ta maheka.

 8 Hakuva a hloko ya Siriya hi Dhamasku,

Ni hloko ya Dhamasku hi Rezini.

Ndzeni ka 65 wa malembe basi,

Efrayime i ta hahlulelwa a ku bhi, a nga havi tiko.+

 9 A hloko ya Efrayime hi Samariya,+

Ni hloko ya Samariya i n’wana wa Remaliya.+

Ahandle ka loku muva ni kukholwa ko tiya,

Mu nga ta simama mu tiyile.”’”

 6 “Kota lezvi a vanhu lava va alileko a mati ma khulungako khwatsi ya le Xilowa*+

Va tsakela Rezini ni n’wana wa Remaliya,+

 7 Jehovha i ta va tisela

A mati ya ntamu ni ya hombe ya Congo,*

Ku nga hosi ya Asiriya+ ni kungangamela ka yona kontlhe.

I ta kandziha hehla ka minonga yakwe yontlhe

A halakela matlhelweni wontlhe,

 8 A swiyela a tiko gontlhe ga Judha.

I ta maha ndambi a hundza, a chikela ni lomu nkolweni;+

A tipapa takwe ti tshambulutilweko ti ta fenengeta a kuanama ka tiko ga wena,

O Imanuweli!”*+

Wulani leci mu ci lavako, kanilezvi ci nga ta maheka,

Hakuva Nungungulu i na hina!*+

Mu nga chavi lezvi vona va zvi chavako,

Ne mu nga rurumeli mahlweni ka zvona.

13 Jehovha wa mabutho — hi yena yece mu faneleko ku mu wona kota loyi a basileko,+

Hi yena loyi mu faneleko ku mu chava,

Hi yena loyi a faneleko ku mu rurumelisa.”+

14 I ta ku khwatsi wutshamu go basa,

Kanilezvi a tlhela a ku khwatsi i ribye ga ku ti gumula kona

Ni ribye ga ku ti khunguvanyisa ka gona+

Ka tiyindlu timbiri ta ka Izrayeli.

I ta ku khwatsi lizinga ni ntlhamu

Ka vaaki va Jerusalema.

15 A votala cikari kabye va ta ti gumula, vawa, va tshovelekela;

Va ta phasiwa, va khomiwa.

16 Bohela a wukustumunyu legi gi tsalilweko;

Lema a nayo* cikari ka vapizani va mina!

 2 A vanhu lava va nga kari va famba munyameni

Va wonile a kuwonekela ka hombe.

Ni lava va nga hanya tikweni ga ndzhuti wo tshisa

Va woningelwe hi kuwonekela.+

 3 U mahile tiko gi tala hi vanhu;

U kulisile a kutsaka ka gona.

Va tsaka mahlweni ka wena

A ku khwatsi vanhu va tsakako cikhatini ca kutshovela,

A ku khwatsi hi lava va avelanako muphango na va tsakile.

 4 Hakuva u tshoveletele a kanga wa ndzhwalo wabye,

Ni nhonga yi nga hi makatleni yabye, a nhonga ya hosana yabye,

A ku khwatsi hi lezvi u nga maha ka siku ga Midhiyani.+

 5 A mabhota wontlhe lawa ma tsekatsekisako misava a cikhati leci a masochwa ma fambako,

Ni tinguwo tontlhe leti ti tsakamileko hi nkhata

Zvi ta maha tihunyi ta ndzilo.

 6 Hakuva hi pswalelwe n’wana,+

Hi nyikilwe a n’wana wa mufana;

A wuhosi* gi tava makatleni yakwe.+

 7 A kuendzeleka ka wuhosi* gakwe

Ni kurula zvi nga tava ni magumo+

Hehla ka citshamu ca wuhosi ca Dhavhidha+ ni mufumo wakwe,

Kasi ku wu yimisa wu tiya,+ ni ku wu seketela

Hi nongameto+ ni kululama,+

Kusukela lezvi ni kala kupindzuka.

 8 Jehovha i rumele a mhaka ya ku vhukela Jakobe;

Yi wile hehla ka Izrayeli.+

 9 A vanhu vontlhe va ta yi tiva

— Efrayime ni vahanyi va Samariya —

Lava va wulako hi matshandza ni kutikukumukisa ka timbilu tabye, vaku:

10 “A zvitini zvi wile,

Kanilezvi hina hi ta aka hi maribye ma vatlilweko.+

A mikuwu yi tsemilwe,

Kanilezvi hina hi ta yi vhaleta hi misedhare.”

11 Jehovha i ta vhuxa a valala va Rezini va mu vhukela;

I ta kuca a valala vakwe va mu vhukela:

12 Siriya hi le mutsuwuka-gambo ni vaFilistiya hi le mupela-gambo,*+

Va ta ahlama a minomu yabye va khadamula Izrayeli.+

Hi kota ya zvontlhe lezvo, a zanga yakwe a yi bohlangi,

Kanilezvi wa ha nawulutile a canja gakwe kasi kuba.+

13 Hakuva a vanhu a va tlhelelangi ka Loyi a va bako;

A va hlotangi Jehovha wa mabutho.+

14 Jehovha i ta tsema ka Izrayeli

A hloko ni mudhoza,* ni dhavi ni cihuvani* hi siku gin’we.+

15 A munhu a khosaheleko ni loyi a chaviwako nguvhu i hloko,

Ni muphrofeti loyi a gondzisako mawunwa mudhoza.*+

16 A varangeli va vanhu lava va va pengisa,

Niku lava va rangelwako va jujekile kupima.

17 Hikwalaho, Jehovha a nga ta tsakela majaha yabye,

Ne a nga ta va zwela wusiwana a vana vabye vo kala vapapayi* ni tinoni,*

Hakuva vontlhe vadhuki* ni vamahi va kubiha,+

Niku a minomu yontlhe yi wulawula wupumbu.

Hi kota ya zvontlhe lezvo, a zanga yakwe a yi bohlangi,

Kanilezvi wa ha nawulutile a canja gakwe kasi kuba.+

18 Hakuva a kubiha ka hisa a ku fana ni ndzilo,

Ka hisa a makhuho ya mimizwa ni nyasavari.

Ku ta dzivela a khwati go khwela,

Legi a musi wa kona wu to tlakukela hehla kota marefu.

19 Hi kota ya zanga ya Jehovha wa mabutho

A tiko gi lumekelwe ndzilo,

Niku a vanhu va tiko va ta maha tihunyi ta wona.

20 A mun’we i ta tsema cineneni

Kanilezvi i ta simama ni ndlala;

A mun’wani i taga cibhabheni

Kanilezvi a nga ta xura.

A mun’we ni mun’wani i taga a nyama ya woko gakwe.

21 Manase i ta khadamula Efrayime,

Efrayime a khadamula Manase.

Hi kota ya zvontlhe lezvo, a zanga yakwe a yi bohlangi,

Kanilezvi wa ha nawulutile a canja gakwe kasi kuba.+

10 Khombo ka lava va yimisako a milayo yo biha,+

Lava va tshamako hi ku tsala zvileletelo zvo xanisa van’wani,

 2 Kasi ku ala a mhaka ya cisiwana,

Ni ku va alela kululama a vanhu va nyalidede va nga cikari ka vanhu va mina,+

Va teka titshomba ta tinoni*

Ni ku phanga a vana vo kala vapapayi!*+

 3 Mu ta kuyini sikwini ga kutsayisiwa,+

A cikhati leci a kuloviswa ku tota hi le kule ke?+

Mu ta tsutsumela ka mani kasi a ya mu vhuna,+

Kona mu ta ti veka kwihi a titshomba* ta n’wina?

 4 A ku na cin’wani mu to maha ahandle ka ku khizama cikari ka zvibochwa

Kutani kuwa cikari ka zvirumbi.

Hi kota ya zvontlhe lezvo, a zanga yakwe a yi bohlangi,

Kanilezvi wa ha nawulutile a canja gakwe kasi kuba.+

 5 “Ehe! A muAsiriya,+

A limhika la ku phofula a zanga ya mina,+

Ni nhonga yi nga canjeni gakwe kasi ku phofula a khulo ga mina!

 6 Ndzi ta mu ruma a ya vhukela tiko ga vadhuki,*+

A ya vhukela vanhu va nga ndzi zangarisa;

Ndzi ta mu laya lezvaku a teka a titshomba to tala ni muphango wo tala

A tlhela a va kandzihetela a ku khwatsi madhaka lomu maruweni.+

 7 Kanilezvi yena a nga ta xuva lezvo,

Ni mbilu yakwe yi nga ta luka lezvo;

Hakuva a mbilu yakwe yi lava ku hihirita,

Ni ku lovisa a matiko yo tala, na ku nga hi ya ma tsongwani.

 8 Hakuva i ngalo:

‘A tihosana ta mina tontlhe a hi tihosi ke?+

10 A canja ga mina gi tekile a mifumo ya vanungungulu va nga vhuniko nchumu,

Leyi a zvifananiso zva yona zvo kehliwa zvi nga tele nguvhu a ku hundza zva Jerusalema ni Samariya!+

11 Ndzi nga ta mahawu ka Jerusalema ni zvifananiso zvakwe

Zvalezvi ndzi nga maha ka Samariya ni ka vanungungulu vakwe va nga vhuniko nchumu ke?’+

12 “A cikhati leci Jehovha a to mbheta a ntiro wakwe wontlhe Citsungeni ca Ziyoni ni le Jerusalema, I* ta tsayisa a hosi ya Asiriya hi kota ya kutikukumukisa ka mbilu yakwe, ni matshandza ni kutikulisa ka matihlo yakwe.+ 13 Hakuva i ngalo:

‘Ndzi ta zvi maha hi ntamu wa canja ga mina

Ni wutlhari ga mina, hakuva ndzi tlharihile.

Ndzi ta susa a mimbhingano ya matiko+

Ndzi wutla a titshomba tabye,+

Ndzi fumela a vaaki va kona a ku fana ni nhenha.+

14 A ku fana ni munhu a tekako a cisaka,

A canja ga mina gi ta teka a titshomba ta matiko;

A ku fana ni munhu a wungeletelako a matandza ma tsikilweko,

Ndzi ta wungeletela a misava yontlhe!

16 Hikwalaho, a Hosi ya lisine, Jehovha wa mabutho,

I ta mu wondzisela a vanhu vakwe vo kuluka,+

A lumekela ndzilo wu vhura lahasi ka kungangamela kakwe.+

17 A Kuwonekela ka Izrayeli+ ku tava ndzilo,+

Ni Loyi a Basileko wakwe i tava langavi;

Wu ta vhura wu hisa a nyasavari wakwe* ni makhuho yakwe ya mimizwa hi siku gin’we.

18 I ta fuvisa hi kumbhelela* a kungangamela ka khwati gakwe ni simu gakwe ga tisinya ta mihandzu;

Zvi ta ku khwatsi hi loku a mubabyi a mbhela.+

19 A tisinya leti ti to sala lomu khwatini gakwe

Ti tava ti tsongwani nguvhu laha ka kuza ti hlayiwa hi cifanyana.

20 Ka siku lego, lava va to sala lomu Izrayeli

Ni lava va to pona va yindlu ya Jakobe

Va nga ta ha ti seketela ka loyi a nga kari a vaba,+

Kanilezvi va ta ti seketela hi Jehovha,

Loyi a Basileko wa Izrayeli, na va tsumbeka.

21 Misalela basi yi to tlhela,

A misalela ya Jakobe, ka Nungungulu wa Ntamu.+

22 Hakuva, hambu lezvi a vanhu va wena Izrayeli,

Va nge khwatsi tindzhoho ta misava ya bimbi,

Misalela yabye basi yi to tlhela.+

Ku bohilwe lezvaku kuva ni kuloviswa;+

Ni nongameto* wu ta va mita.+

23 Ina, a kulovisa loku ku bohilweko hi Hosi ya Hombe, Jehovha wa mabutho,

Ku ta mahiwa tikweni gontlhe.+

27 Ka siku lego, a ndzhwalo wakwe wu ta susiwa makatleni ya wena,+

Ni kanga wakwe wu ta susiwa nhan’wini ya wena;+

A kanga wu ta tshoviwa+ hi kota ya mafura.”

28 I chikele le Ayate;+

I tsemakanyile hi Migrone,

A veka zvijumba zvakwe le Mikmaxe.+

29 Va tlhatukile a congo,

Va etlela le Gebha;+

Rama wa rurumela, niku Gibheya+ wa Sawule i tsutsumile.+

I ci kangametela a cibhakela a citsunga ca nhanyana wa Ziyoni,

A citsunga ca Jerusalema.

33 Hi nga wonani! A Hosi ya lisine, Jehovha wa mabutho,

I tsema a madhavi ma vanga guwa go tshisa;+

A tisinya to leha nguvhu ta kingelwa,

Ni leti to tlakuka ta koramiswa.

34 I hahlulela a khwati go khwela hi chapo,*

Ni Lebhanoni i ta wisiwa hi nhenha.

11 Ku ta hluka cidhavana+ laha ka cibho ca Jese,+

Niku lomu ka timitsu takwe ku ta mila hluke+ gi pswala mihandzu.

 2 A moya wa Jehovha wu tava hehla kakwe,+

A moya wa wutlhari+ ni wa kuzwisisa,

A moya wa wusungukati ni wa ntamu,+

A moya wa kutiva ni wa kuchava Jehovha.

A nga ta lamula hi lezvi a matihlo yakwe ma zvi wonako,

Ne hambu ku kawuka hi lezvi a zvi zwako hi tindleve takwe.+

 4 I ta lamula zvisiwana hi kululama;

Ni ku kawuka hi nongameto kasi ku vhuna a vanhu vo rula laha misaveni.

I taba misava hi nhonga ya nomu wakwe,+

A daya a vakubiha hi kuhefemula* ka minomu yakwe.+

 5 A kululama ku tava libhandi ciwunwini cakwe,

Ni kutsumbeka ku tava libhandi tinyongeni takwe.+

 6 A hlolwa gi ta tshama* zvin’we ni yivhana,+

Ni yingwe yi ta etlela zvin’we ni cimbutana.

A cihon’wana, ni nghala* ni cihari ci nonileko zvi ta tshama zvin’we,*+

Zvi risiwa hi cifanyana.

 7 A pswele ga homu gi taga zvin’we ni ga urso,

Niku a vana va zvona va ta etlela zvin’we.

 8 A cin’wanana ca ha an’wako ci ta hlakanela nkeleni wa vhuwumati,

Ni cin’wanana ci lumulilweko ci ta nghenisa a canja ga cona lomu nkeleni wa nyoka ya wuxungu.

 9 Ku nga ta gohiwa nchumu+

Ne hambu ku wonhiwa nchumu citsungeni contlhe ca mina co basa,+

Hakuva a kutiva Jehovha ku tava ku enetile a misava,

A ku fana ni lezvi a mati ma fenengetileko a bimbi.+

A matiko ma tata kakwe ma ta lava ku rangelwa,*+

Niku a wutshamu gakwe ga ku humulela kona gi ta ngangamela.

13 A ciluse ca Efrayime ci ta nyamalala,+

Ni lava va vengako Judha va ta lovisiwa.

Efrayime a nga ta lusela Judha,

Hambu Judha a nga ta venga Efrayime.+

14 Va ta purumela makatleni ya vaFilistiya le mupela-gambo;

Va ta va phanga zvin’we a vanhu va le mutsuwuka-gambo.

Va ta nawuluta a canja gabye* hehla ka Edhomi+ na Mowabhi,+

Va tlhela va fumela a vaAmoni.+

15 Jehovha i ta avanyisa* a yipswha ya* bimbi ga Gibhite+

A tlakusa a canja gakwe hehla ka Congo.*+

I taba a minonga ya wona ya 7* hi moya wakwe wo hisa,

Niku i ta tlhatukisa vanhu na va bohile masandalia yabye.

16 Ku tava ni ruwa+ gi sukelako Asiriya ga misalela ya vanhu vakwe lava va seleko,+

A ku fana ni lezvi ku nga hi ni ruwa ga vaIzrayeli a siku legi va nga huma hi le tikweni ga Gibhite.

“O Jehovha, ndza ku bonga,

Hakuva hambu lezvi u nga ndzi zangarele,

A zanga ya wena yi bohlile hi kutsongwani-kutsongwani u tlhela u ndzi chavelela.+

 2 Nungungulu kuhanyiswa ka mina.+

Ndzi ta tsumba yena, ndzi nga chavi nchumu;+

Hakuva Jah,* ina, Jehovha i ntamu wa mina ni wukulu ga mina,

Niku ive kuhanyisa ka mina.”+

 3 Mu takha mati hi kutsaka

Lomu zvibukeni zva kuhanyisa.+

 4 Ka siku lego, mu taku:

“Bongani Jehovha, khongelani vitweni gakwe;

Tivisani a mitiro yakwe cikari ka matiko!+

Huwelelani lezvaku a vito gakwe gi tlakukile.+

 5 Yimbelelani tisimu ta ku dhumisa* Jehovha+ hakuva i mahile zvilo zvo hlamalisa nguvhu.+

Zvi wa tivisiwe misaveni yontlhe.

 6 Kanyulukani mu kulungela hi kutsaka, n’wina vaaki va Ziyoni,

Hakuva wa hombe Loyi a Basileko wa Izrayeli a nga cikari ka n’wina.”

Kanyulukani mu va vitana, mu va tlakusela mandla,

Kasi va ta nghena hi tinyangwa ta vahombe.

Ndzi vitanisile a masochwa ya mina kasi ma ta phofula a zanga ya mina,

Lawa ma tsakako na ma tizwa matshandza.

 4 Hi nga zwani, a citshungu lomu zvitsungeni!

A guwa gabye go khwatsi ga citshungu ca hombe!

Hi nga zwani a gujeguje ya mifumo,

Ya matiko ma nga hlengeletana!+

 5 Vata hi le tikweni ga le kule,+

Hi le magemeta-musi ya matilo,

Jehovha ni matlhari ya zanga yakwe,

Kasi ku ta lovisa a misava yontlhe.+

 7 Hikwalaho, a mandla wontlhe ma ta mbhela ntamu,

Ni timbilu ta vanhu vontlhe ti ta nyeka hi kuchava.+

Va bhubha, vazwa kubayisa,

A ku khwatsi wasati a lun’wako.

Va cuwukana na va chava,

A tinghohe tabye na ti karatekile nguvhu.

 9 Hi nga wonani! A siku ga Jehovha gata,

Gita ni tihanyi, ni khulo, ni zanga yi vhurako,

Kasi gi ta hahlula a tiko giva nchumu wo tshisa,+

Ni ku hihirita a vawonhi va tiko.

10 Hakuva a tinyeleti ta tilo ni mitlawa ya tona+

Ti nga ta humesa a kuwonekela ka tona;

A gambo gi ta tsuwuka na gi hi munyama,

Ni hweti yi nga ta humesa a kuwonekela ka yona.

11 Ndzi ta tsayisa a misava hi kota ya kubiha ka yona,+

Ni wakubiha hi kota ya kugoha kakwe.

Ndzi ta mbheta a matshandza ya lava va ti kulisako,

Ndzi bohlisa a kutikukumukisa ka lava va xapi.+

12 Ndzi ta maha munhu a kala nguvhu a ku hundza ni ouro yi hlutilweko,+

Ni vanhu va ta kala a ku hundza ni ouro ya Ofira.+

13 Hikwalaho, ndzi ta rurumelisa a matilo;

Ni misava yi ta tsekatsekiswa yi suka wutshan’wini ga yona+

Hi kota ya khulo ga Jehovha wa mabutho, sikwini ga zanga yakwe yi vhurako.

14 A ku fana ni mhuti yi hlongolisiwako, ni ntlhambi wu nga hava wa ku wu hlengeleta,

A mun’we ni mun’wani i ta tlhela ka vanhu vakwe,

A mun’we ni mun’wani a tsutsumela tikweni gakwe.+

15 Loyi a to kumiwa i ta tlhaviwa,

Ni loyi a to khomiwa i ta wisiwa hi cipadha.+

16 A vanana vabye va ta tsemelelwa mahlweni kabye,+

A tiyindlu tabye ti ta phangiwa,

Ni vasati vabye va ta pfinyiwa.

17 Ndzi ta va vhuxela a vaMedhi va va vhukela,+

Lava va nga khataliko hi prata,

Ne va nga tsakisiwiko hi ouro.

18 A mawura yabye ma ta fayetela a majaha;+

Va nga ta tsetsa a handzu wa nyimba,

Ne hambu ku va mahela wuxinji a vanana.

19 Bhabhuloni, a dzundzekako* nguvhu cikari ka mifumo,+

A kusaseka ni wudzundzo ga vaKaldheya,+

I ta fana ni Sodhoma ni Gomora, a cikhati leci Nungungulu a nga ma lovisa.+

20 Ku nga ta ha tshuka ku aka munhu ka yena,

Ne hambu ku tshama munhu kakwe zvizukulwaneni zvontlhe.+

A muArabhiya a nga ta gwimba a tenda gakwe lomo,

Ne ni varisi va nga ta tshama lomo ni mitlhambi yabye.

21 A zvihari zva lomu ciwuleni zvi ta etlela lomo;

Ni tiyindlu tabye ti ta tala hi zvikhovha.

A timbhuwu* ti ta tshama lomo,+

Ni timbuti ta khwati* ti ta khana lomo.

22 Ku ta zwala a guwa ga zvihari lomu tikhokholeni* takwe,

Ni makhanga lomu tindlwini takwe ta wuhosi* to chandza.

 5 Jehovha i tshovile a limhika la wakubiha,

A nhonga ya tihosana,+

 6 Loyi hi zanga a nga tshakatela a matiko a nga nyimi,+

Loyi hi zanga a nga fumela a mifumo hi tixanisa ti nga gumesiko.+

 8 Hambu a mijunipero ya tsaka hi kota ya wena,

Zvin’we ni misedhare ya Lebhanoni.

Yi ngalo: ‘Cima uwa,

A hi se telwa hi mutsemi wa tisinya.’

 9 Hambu a Cilahla* lomu hasi ca nyunganyunga

Kasi ci tlhangana na wena a cikhati leci u to chikela.

Hi kota ya wena, ci vhuxa ni lava va nga hava ntamu kufeni,

A varangeli vontlhe va tihanyi* va misava.

10 Vontlhe ve ngalo ka wena:

‘Wenawu u rerekile a ku fana na hina?

11 A matshandza ya wena ma hoxilwe Cilahleni,*

Ni wucenje ga zvichaya-chaya zva wena zva tingoti.+

Lahasi ka wena ku na ni mubhedhi wa zvipungwani,

Niku a kumba wa wena zviwungwani.’

12 Hi nga wona lezvi u nga wisa zvona hi le tilweni,

Wena kungangamela, n’wana wa wuronga!

Hi nga wona lezvi u nga tsemisiwa zvona uwa lahasi,

Wena u nga kari u hlula matiko!+

Ndzi ta tlakusa a citshamu ca mina ca wuhosi hehla ka tinyeleti ta Nungungulu,+

Ndzi tshama hehla ka citsunga ca mutlhangano,

Le magemeta-musi ya le n’walungu.*+

14 Ndzi ta kandziha hehla ka marefu ma tlakukileko nguvhu;

Ndzi ta ti maha ndzi fana ni loyi a Tlakukileko ku Hundza Vontlhe.’

15 Kanilezvi wena u ta wiselwa Cilahleni,*

Uya kwale magumo ya nkele.

16 Lava va to ku wona va ta ku cuwuka;

Va ta ku tshinelela va ku hlola, vaku:

‘Hi yena inaloyi a nga kari a tsekatsekisa misava,

Loyi a nga rurumelisa a mifumo,+

17 Loyi a nga hundzula misava yiva ciwula,

A hahlulela madhoropa ya kona,+

A ala ku tlhatlha zvibochwa zvakwe zvi tlhela kaya ke?’+

18 Tontlhe a tihosi tin’wani ta matiko,

Ina, tontlhe futsi, ti etlele hi wudzundzo,

A yin’we ni yin’wani cilahleni* ca yona.

19 Kanilezvi wena u hoxilwe kule u ngavi ni cilahla,

A ku fana ni dhavi* gi nyenyiwako.

U fenengetilwe hi zvirumbi zva lava va nga tlhaviwa hi cipadha,

Lezvi zvi relelako maribyeni ya nkele,

A ku fana ni cirumbi ci kandzihetelweko.

20 Wena u nga ta lahliwa navo,

Hakuva u hahlulile a tiko ga wena n’winyi,

U daya ni vanhu va wena.

21 Longiselani a wutshamu ga ku dayela kona a vana vakwe

Hi kota ya nandzu wa vakokwani vabye,

Kasi va nga vhuki va fumela misava

Ni ku tata tiko hi madhoropa yabye.”

“A ku khwatsi hi lezvi ndzi zvi xuvileko, zvi tava tano,

Ina, a ku khwatsi hi lezvi ndzi zvi bohileko, zvi ta tatiseka.

25 Ndzi ta gandla a muAsiriya lomu tikweni ga mina,

Ndzi mu kandzihetela lomu zvitsungeni zva mina.+

A kanga wakwe wu ta suka hehla kabye,

Ni ndzhwalo wakwe wu ta susiwa makatleni yabye.”+

26 Lezvi hi lezvi zvi bohilweko* xungetano hi misava yontlhe,

Niku legi i canja gi nawulutelweko hehla ka* matiko wontlhe.

27 Hakuva Jehovha wa mabutho i bohile lezvo,

Makunu himani wa ku a nga zvi thinda?+

A canja gakwe gi nawulutilwe,

Makunu himani wa ku a nga gi tlhelisa ke?+

29 “Wena Filistiya, ku nga tsaki munhu cikari ka wena

Hi kota ya lezvi yi nga tshoveka a nhonga ya loyi a nga kari a kuba.

Hakuva hi lomu mutswini wa nyoka+ ku ta huma a nyoka ya wuxungu,+

Ni pswalo wa kona wu tava nyoka yo haha ya wuxungu ga hombe.*

30 Laha a matewula ya vanhu va nyalidede ma toga,

Ni zvisiwana zvi etlela kuruleni,

Ndzi ta daya a mutsu wa wena hi ndlala,

Ni lezvi zvi to sala ka wena zvi ta dawa.+

Hakuva kata musi hi le n’walungu,*

A ku na musochwa a ti hambanisako ni ntlawa wakwe.”

Va taku: Jehovha i zimile a ciseketelo ca Ziyoni,+

Niku lava va xanisekako cikari ka vanhu vakwe va ta chavela kakwe.

Kota lezvi a hahlulilweko hi wusiku gin’we,

Are+ wa Mowabhi i miyetilwe.

Kota lezvi a hahlulilweko hi wusiku gin’we,

Kira+ wa Mowabhi i miyetilwe.

 2 I kandzihile aya Ndlwini* ni le Dhibhoni,+

A ya rila lomu matshan’wini yo tlakuka.

Vontlhe voba tinyandha lomu hehla ka tiyindlu tabye ni lomu maprasa* yabye;

Va relela na va rila.+

 4 Hexbhoni na Eleyale+ va rila;

A magezu yabye ma zwala ni le Jahaza.+

Va kwela a citsunga ca Luhite na va kari va rila;

Vaya Horonayime na va rila hi kota ya khombo.+

 6 Hakuva a mati ya Nimrime ma pswhile;

A byanyi go nyuka gi womile,

A byanyi gi file, niku ci hava co nyuka ci seleko.

 7 Hikwalaho, va teka lezvi zvi nga sala lomu matshaleni yabye ni titshomba tabye,

Va tsemakanya a nkova wa tisinya.*

A tinyandha ti chikela ni le Eglayime;

A tinyandha ti chikela ni le Bheera-Elime.

 9 Hakuva a mati ya Dhimoni ma tele hi nkhata,

Niku ndza hi ni zvin’wani ndzi lavako ku maha ka Dhimoni:

A nghala ka vaMowabhi lava va tsutsumako

Ni ka lava va seleko lomu tikweni.+

16 Rumelani yivhu ka hosi ya tiko,

Kusukela Sela yi famba hi ciwula

Kala citsungeni ca nhanyana wa Ziyoni.

 2 A ku khwatsi zvinyanyani zvi hlongolilweko cisakeni ca zvona,+

A vanhanyana va Mowabhi va ta tshamisa zvezvo lomu mitlhatukweni ya Arnoni.+

A muxanisi i ta gumelwa,

A kulovisa ku ta gumesa,

Ni lava va kandzihetelako van’wani va ta lova laha misaveni.

Loyi a to tshama ka cona lomu tendeni ga Dhavhidha i ta tsumbeka;+

I ta lamula hi nongameto, a hatlisa a maha kululama.”+

 6 Hi zwile xungetano hi matshandza ya Mowabhi — wa ti kukumukisa nguvhu+ —

Ni kutikulisa kakwe, ni matshandza yakwe, ni zanga yakwe;+

Kanilezvi a zviwulawula zvakwe zvi nga ta maheka.

 7 Hikwalaho, Mowabhi i ta rilela Mowabhi;

Vontlhe va ta rila.+

 8 Hakuva a masimu ya Hexbhoni+ ma womile,

A vhina* wa Sibma.+

A tihosi ta matiko ti kandzihetele a madhavi ya wona ma teleko hi mauvha yo pswhuka,*

Lawa ma nga chikele ni le Jazera,+

Ma nga navile lomu ciwuleni.

Ndzi ta ku tsakamisa hi mihloti ya mina wena Hexbhoni na Eleyale,+

Hakuva a guwa ga litsako hi kota ya mihandzu ya wena ya cimumu ni tshovelo wa wena gi mbhelile.*

10 A kutsaka ni mikulungwani zvi fuvile lomu masin’wini ya tisinya ta mihandzu,

Niku a ku na tisimu ta litsako ni mikulungwani lomu zvivhineni.*+

A vakami a va ha kameli vhinyo lomu zvigowolweni,

Hakuva ndzi miyetile a mikulungwani.+

11 Hikwalaho, a mbilu ya mina ya rurumela hi kota ya Mowabhi+

A ku khwatsi tingoti ta citende,

Ni marumbu ya mina hi kota ya Kir-Haresete.+

“Hi nga wonani! Dhamasku a nga ta hava dhoropa,

I tava nhulu ya maribye.+

 2 A madhoropa ya Arowera+ ma ta tsikiwa;

Ma tava wutshamu ga ku etlela mitlhambi,

Na ku nga hi na wa ku yi dzukisa.

 3 A madhoropa ma vhikelweko khwatsi ma ta nyamalala le Efrayime,+

Ni mufumo wu ta nyamalala le Dhamasku;+

A misalela ya Siriya

Yi ta fana ni wudzundzo ga vaIzrayeli”,* ku wula Jehovha wa mabutho.

 4 “Ka siku lego, a wudzundzo ga Jakobe gi ta hunguleka,

Ni miri wakwe wu hanyako khwatsi wu ta wondza.*

 5 Zvi ta fana ni loku a mutshoveli a tshovela timbewu,

Ni woko gakwe gi tshovela tihlanga ta timbewu,

A ku khwatsi hi loku a munhu a tshovela timbewu Nkoveni wa Refayime.+

 6 Ku ta sala a timbewu ta ku kutsula basi,

A ku khwatsi hi loku a sinya ya olivha yi phophiwa,

Ku sala ntsena maolivha mambiri kutani manharu ka dhavi ga le madembeleni,

Ku sala ntsena mune kutani ntlhanu wa maolivha lomu ka madhavi ma chelileko nguvhu”,+ ku wula Jehovha, a Nungungulu wa Izrayeli.

 9 Ka siku lego, a madhoropa yakwe ma vhikelweko khwatsi ma ta fana ni rumbi gi nga lomu khwatini,+

A ku khwatsi i dhavi gi tsikilweko mahlweni ka vaIzrayeli;

Ma tava ciwula.

10 Hakuva u rivele a Nungungulu+ wa kuhanyiswa ka wena;

A wu alakanyangi a Ribye+ ga khokhola ga wena.

Hi cigelo leco u byalako timbewu to saseka,*

U tlhela u sima a hluke ga wamatiko.*

11 Ni hlikanhi, u bhiyela khwatsi a simu ga wena,

Ni mixo, u milisa a mbewu ya wena,

Kanilezvi a tshovelo wu ta n’walala sikwini ga mababyi ni ga kubayisa ku nga tiriwiko.+

12 Hi nga zwani! Ku na ni gujeguje ya mifumo yo tala,

Leyi yi vangako guwa go khwatsi mabimbi!

Ku na ni gujeguje ya matiko

Leyi a guwa ga kona gi nge khwatsi kudzindza ka mati ya ntamu!

I ta ma kawuka, niku ma ta tsutsuma maya kule,

Ma hangalaswa a ku fana ni mungu* wu kukuletwako hi moya lomu zvitsungeni,

A ku khwatsi tisinya to woma ti kokiwako hi cingulo.

Leci ciavelo ca lava va hi wutlelako zva hina

Ni nchachazelo wa lava va hi phangako.

18 Khombo ka tiko ga guwa ga zviharana zva tipapa

Legi gi nga tikweni ga micongo ya Etiopia!+

 2 Gi rumela a zvirun’wa hi bimbi,

Zvi tlhatuka mati hi zvitatara,* giku:

“Fambani n’wina zvirun’wa zvo hatlisa,

Ka tiko ga vanhu vo leha va hlonge yo pswim,

Ka vanhu va chaviwako matikweni wontlhe,+

Ka tiko ga ntamu, gi hlulako,*

Legi a misava ya kona yi kukuletwako hi micongo.”

 3 N’wina n’wentlhe vaaki va tiko na n’wina vahanyi va misava,

Leci mu to ci wona ci ta ku khwatsi i sinya ya cikombiso yi yimisilweko le zvitsungeni;

Niku mu tazwa a guwa go khwatsi kubiwa ka linanga.*

“Ndzi ta rula ndzi cuwuka a* wutshamu ga mina gi yimisilweko,

A ku fana ni kuhisa ka gambo ni hlikanhi,

Ni marefu ya ndzhokati hi cikhati ca kuhisa ca kutshovela.

 5 Hakuva na ci nga se chikela a cikhati ca kutshovela,

Laha a tsangi gi tlhatlhekileko, ni laha a mauvha ma buvhako,

A zvidhavana zvi ta tsemelelwa hi masikela*

Ni tingotana ta kona ti ta tsemiwa ti susiwa.

 6 Vontlhe va ta nyikelwa ka zvinyanyani zvi hanyako hi nyama zva lomu zvitsungeni,

Ni ka zvihari zva misava.

A zvinyanyani zvi hanyako hi nyama zvi ta vaga laha cimun’wini.

Ni zvihari zvontlhe zva misava zvi ta vaga hi nguva ya kutshovela.

 7 Ka cikhati leco, ku ta nehiwa cinyikiwo ka Jehovha wa mabutho

Hi ka tiko ga vanhu vo leha va hlonge yo pswim,

Hi ka vanhu va chaviwako matikweni wontlhe,

Hi ka tiko ga ntamu, gi hlulako,*

Legi a misava ya kona yi kukuletwako hi micongo,

Ka wutshamu legi gi vitaniwako hi vito ga Jehovha wa mabutho, a Citsunga ca Ziyoni.”+

A vanungungulu va nga vhuniko nchumu va Gibhite va ta rurumela mahlweni kakwe,+

Ni mbilu ya Gibhite yi ta nyeka ndzeni kakwe.

 2 “Ndzi ta kucetela a vaGibhite va vhukela vaGibhite;

Va talwa hi ca ka vona.

A mun’we ni mun’wani i ta vhukela makabye wakwe ni muakelani wakwe,

A dhoropa gi vhukela a dhoropa, ni mufumo wu vhukela mufumo.

 3 A moya wa Gibhite wu ta jujeka kupima ndzeni kakwe,

Niku ndzi ta wonhetela a makungo yabye.+

Va ta tsutsumela ka vanungungulu va nga vhuniko nchumu,

Ni ka vasalamusi, ni ka tin’anga, ni ka vavhumbi.+

 4 Ndzi ta nyikela Gibhite canjeni ga hosi ya xapi,

Va fumelwa hi hosi ya tihanyi”,+ ku wula a Hosi ya lisine, Jehovha wa mabutho.

 5 A mati ya bimbi ma tapswha,

Ni congo wu ta mira wu woma.+

 6 A micongo yi ta nuha;

A minonga ya Nilo wa Gibhite yi ta mira, yipswha.

 7 A tisinya ti nga mbhirini ya Congo wa Nilo, non’wini wa Nilo,

Ni masimu wontlhe ma byalilweko timbewu mbhirini ya Nilo+ zvi ta woma.+

 8 A vakukuti* va ta rila,

Lava va hoxelako zvimemba* congweni wa Nilo va taba nkosi,

Ni lava va hoxelako a tikoka tabye lomu matini va ta sala va hi va tsongwani.

 9 Lava va khwayako a wukene*+

Ni lava va rungako a tinguwo to basa va ta wisiwa tingana.

10 A vamarungani vakwe va ta tshoveka timbilu;

Ni vatiri vontlhe va tholilweko va tava hlomulweni.*

“Ndzi n’wana wa titlhari,

Ndzi n’wana wa tihosi ta kaleloko” ke?

13 A tihosana ta Zowane ti mahile zvilo zva wupumbu;

A tihosana ta Nofe*+ ti kanganyisilwe;

A tihosana ta tixaka takwe ti hambukisile Gibhite.

14 Jehovha i chululile a moya wa gujeguje hehla kakwe;+

Va hambukisile Gibhite ka zvontlhe a mahako,

A ku khwatsi cidhakwa ci puluwundzako mahlateni ya cona.

15 A ku na ntiro ni wun’we lowu Gibhite a to maha,

Kani wu mahiwa hi hloko kutani hi mudhoza,* kani wu mahiwa hi dhavi kutani hi cihuvani.*

A khombo gata, gata a ku khwatsi zvingulo zvi swiyelako le dzongeni;*

Gata hi le ciwuleni, tikweni go chavisa.+

A mukanganyisi wa kanganyisa,

Ni mulovisi wa lovisa.

Ndza bhubha,

A ku khwatsi wasati a pswalako.

Ndzi karatekile nguvhu laha ka ku a ndzi zvi koti ku ingisa;

Ndzi jujekile nguvhu kupima laha ka ku a ndzi zvi koti ku wona.

 7 I no wona a kareta ya yimpi yi nga kokiwa hi mahaxi mambiri,

Ni kareta ya yimpi ya timbongola,

Ni kareta ya yimpi ya makameli.

“O Jehovha, ndzi yimile laha likhokholeni* gontlhe siku,

Ndzi yima laha wutshan’wini ga mina go rindzela ka wusiku gin’we ni gin’wani.+

10 Mayo, a vanhu va mina va hulilweko!

A mihandzu* ya wutshamu ga mina go hulela kona timbewu;+

Ndzi mu byelile lezvi ndzi nga zvizwa ka Jehovha wa mabutho, a Nungungulu wa Izrayeli.

11 A ciphrofeto ca ku vhukela Dhuma:*

Ku na ni munhu a kanyulukako a ndzi vitana hi le Seyire, aku:+

Mu ta etlela lomu khwatini, lomu ciwuleni,

N’wina vaendzi va Dhedhani.+

14 Tanani ni mati mu ta nyika lava va zwako tora,

N’wina vaaki va tiko ga Tema,+

Tanani ni zvakuga* mu ta nyika lava va tsutsumako.

15 Hakuva va tsutsuma a zvipadha, a cipadha ci hlomulilweko,

Ni wura gi kondlilweko, ni xapi ya yimpi.

 2 Wena u wa tele hi tsanga-tsanga,

A dhoropa ga guwa ni litsako.

A vanhu va wena va delweko a va dawangi hi cipadha,

Ne a va felangi yimpini.+

Vontlhe va nga kumiwa va no khomiwa,+

Hambu lezvi va nga tsutsumile vaya kule.

 4 Hikwalaho, ndzi te: “Mu nga ndzi cuwuki,

Ndzi ta rila hi civiti ca hombe.+

Tsikani ku ndzi chavelela

Hi kota ya kulovisiwa ka nhanyana wa vanhu va mina.+

 5 Hakuva legi i siku ga pfilupfilu, ni ga kuhluliwa, ni ga kuchava,+

Gi tako hi ka Hosi ya Hombe, Jehovha wa mabutho,

Le Nkoveni wa Muwoniso.

Ka khungumuliwa a muro,+

Niku ku zwala cirilo ci chikelako ni le citsungeni.

 6 Elami+ i teka a cikhwama cakwe ca mipaxa,

Ita ni vavanuna va khileleko a tikareta ni mahaxi,*

Na Kira+ i funungula* a citlhangu.

 7 A mikova ya wena ya yinene nguvhu ka yontlhe

Yi ta tala hi tikareta ta yimpi,

Ni mahaxi* ma ta yima ma fola laha nyangweni,

 8 A civhikelo ca Judha ci ta susiwa.

12 Ka siku lego, a Hosi ya Hombe, Jehovha wa mabutho,

I ta vitanisa vanhu va ta rila, vaba nkosi,+

Ni ku halula a tihloko, va boha tisakwa.

13 Kanilezvi ku na ni mibuzo ni kutsaka,

Ku dawa tihomu ni tiyivhu,

Ku giwa nyama, ku nwiwa vhinyo,+

 3 Hehla ka mati yo tala ku tlhatukile a mbewu ya Xihore*+

Ni tshovelo wa Nilo, ku nga bhindzu gakwe,*

Zvi neha titshomba ta matiko.+

 4 Wana tingana, wena Sidhoni, wena khokhola ga bimbi,

Hakuva a bimbi gi te:

“A ndzi lun’wangi, ne a ndzi pswalangi;

A ndzi wundlangi vafana, ne a ndzi kulisangi vanhanyana.”*+

 5 A ku khwatsi hi lezvi zvi nga maheka laha va ngazwa a mahungu ya Gibhite,+

A vanhu va ta karateka laha va tozwa mahungu ya Tire.+

 8 Himani a bohileko a cikungo ca ku vhukela Tire,

A muaveli wa zvidlodlo*,

Loyi a vagwevhi vakwe va nga hi tihosana,

Ni vaxavisi vakwe va nga dzundziwa misaveni yontlhe ke?+

 9 Hi Jehovha wa mabutho a bohileko a cikungo leco,

Kasi a fuvisa a matshandza yakwe* hi kota ya kusaseka kakwe kontlhe,

Ni ku tsongahata vontlhe lava va nga dzundziwa misaveni yontlhe.+

11 I nawulutile a canja gakwe hehla ka bimbi;

A tsekatsekisa a mifumo.

12 I ngalo: “U nga ta ha tsaka kambe,+

Wena muxaniseki, wena nhwana,* a nhanyana wa Sidhoni.

Kuve vanhu lava — a hi Asiriya+ —

Va nga gi hahlula giva wutshamu ga zvihari zva ciwula.

Va yimisile a tikhokhola* tabye ti gi randzela;

Va khungumulele a tikhokhola ta gona ti tiyisilweko khwatsi,+

Va gi maha rumbi.

14 Banani tinyandha, n’wina zvitimela zva Tarxixi!

Hakuva a khokhola ga n’wina gi khungumulilwe.+

Chaya citende zvi saseka;

Yimbelela tisimu to tala,

Kasi va fela ku ku alakanya.”

Ka vanhu ni mupristi;

Ka nandza ni n’winyi wa gona;

Ka nandza ga cisati ni n’winyi wa gona wa cisati;

Ka muxavi ni muxavisi;

Ka mupembisi ni mupembi;

Ka loyi a dhevhiwako ni loyi a dhevhako.+

 3 A tiko gi ta swiyelwa gi sala gi hi phanga;

Gi ta phangiwa ku nga sali nchumu,+

Hakuva Jehovha i wulile a mhaka leyo.

 5 A tiko gi nyenyezisilwe hi vaaki va gona,+

Hakuva va hambunyetile a milayo,+

Va cica zvileletelo,+

Va tshova civhumelwano ca pindzukelwa.*+

 6 Hikwalaho, a ciruko ca hlasela tiko,+

Ni vaaki va gona va nyikiwa nandzu.

Hi kota ya lezvo, a vaaki va tiko va hungulekile,

Va tsongwani nguvhu va seleko.+

 7 A vhinyo yiswa ya rila,* a vhina* wa wuna,+

Niku vontlhe va tsakileko timbilwini tabye va keta.+

 8 A litsako la mitandanda li mbhelile;

A guwa ga lava va giyako gi gumesile,

Ni wunanga go tsakisa ga citende gi mbhelile.+

 9 Vanwa vhinyo na ku nga hi na tisimu,

Ni byala ga bava ka lava va nwako.

10 A dhoropa gi tsikilweko gi hahlulilwe;+

A tiyindlu tontlhe ti vhalilwe kasi ku nga ngheni munhu.

A kutsaka kontlhe ku mbhelile,

Ni litsako la tiko li fuvile.+

12 A dhoropa gi mahile rumbi;

A nyangwa yi khungumulilwe yi maha nhulu.+

Zvi ta ku khwatsi i olivha loku wu phophilwe,+

Zvi fana ni kukutsula kugumeseni ka tshovelo wa mauvha.+

14 Va ta tlakusa a magezu yabye;

Va ta kanyuluka hi kutsaka.

15 Hikwalaho, va ta dhumisa Jehovha le tikweni ga kuwonekela;*+

Zvihlaleni* zva bimbi va ta dhumisa a vito ga Jehovha, a Nungungulu wa Izrayeli.+

Khombo ga mina! A vakanganyisi va kanganyisile;

Hi kukanganyisa a vakanganyisi va kanganyisile.”+

18 Ni wihi a to tsutsuma hi kota ya guwa go chavisa i ta wela lomu nkeleni,

Ni wihi a to huma hi lomu nkeleni i ta phasiwa hi ntlhamu.+

Hakuva a tinyangwa ta mati le tilweni ti ta vhululeka,

Ni zviseketelo zva tiko zvi ta tsekatseka.

19 A tiko gi pandzekile;

A tiko gi avanyekile;

A tiko ga bhubha hi ntamu.+

20 A tiko ga dhedherekela a ku khwatsi munhu a popilweko,

Giya seno ni seno a ku khwatsi i chacha wu biwako hi moya.

Ga bindziwa hi cigoho ca gona,+

Gi tawa gi nga ha vhuki kambe.

21 Ka siku lego, Jehovha i ta alakanya a butho ga le hehla,

Ni tihosi ta misava ti nga laha misaveni.

22 Va ta hlengeletiwa zvin’we

A ku fana ni zvibochwa zvi hlengeletwako lomu nkeleni

Niku va ta vhalelwa lomu paxweni;

Andzhako ka masiku yo tala va ta alakanyiwa.

23 A hweti yo tala yi ta dhana,

Ni gambo gi woningako gi tawa tingana,+

Hakuva Jehovha wa mabutho i mahile Hosi+ le Citsungeni ca Ziyoni+ ni le Jerusalema,

A ngangamela mahlweni ka madhota ya vanhu vakwe.*+

Ndza ku kulisa, ndzi dhumisa a vito ga wena,

Hakuva u mahile zvilo zvo hlamalisa,+

A zvilo u zvi maheleko makungo kusukela kaleloko,+

Hi kutsumbeka+ ni lisine.

 2 Hakuva u hundzulile a dhoropa gi maha nhulu ya maribye;

A dhoropa gi vhikelweko khwatsi u gi mahile rumbi.

A khokhola ga vamatiko a ga ha hi dhoropa;

Gi nga ta ha tshuka gi aketwa kambe.

 3 Hikwalaho, a vanhu va ntamu va ta ku dhumisa;

A dhoropa ga matiko ya xapi gi ta ku chava.+

 4 Hakuva wena u khokhola ga munhu wa nyalidede,

U khokhola ga cisiwana kuxanisekeni ka cona,+

U wuchavelo sikwini ga cingulo,

Ni ndzhuti laha mun’wini.+

Laha a moya wa vanhu va xapi wu fanako ni cingulo ci bako muro,

 5 A ku khwatsi kuhisa tikweni ga cihala,

Wena wa miyeta a guwa ga vamatiko.

A ku fana ni kuhisa loku ku pfhupeliswako hi refu,

A lisimu la vanhu va xapi la miyetiwa.

 6 Citsungeni leci,+ Jehovha wa mabutho i ta mahela a matiko wontlhe

A mubuzo wa zvakuga zvo nona,+

A mubuzo wa vhinyo ya yinene,*

Wa zvakuga zvo nona, zvi teleko hi mongo,

Wa vhinyo ya yinene, yi hlutilweko.

 7 Citsungeni leci, i ta fuvisa* a nguwo leyi yi phutseleko a mifumo yontlhe,

Ni nguwo* leyi yi fenengetileko a matiko wontlhe.

 8 I ta fuvisa* a kufa kala kupindzuka,+

Jehovha, a Hosi ya Hombe, i ta kulula mihloti tinghoheni tontlhe.+

I ta susa tingana* ta vanhu vakwe misaveni yontlhe,

Hakuva Jehovha i wulile lezvo.

Hi tsumbile yena,+

I ta hi ponisa.+

10 Hakuva a canja ga Jehovha gi ta tshama citsungeni leci,+

Na Mowabhi i ta kandzihetelwa wutshan’wini gakwe+

A ku khwatsi i byanyi gi kandzihetelwako lomu ka nhulu ya citromu.

11 I ta muba* hi mandla yakwe,

A ku khwatsi muhlambeli a bako mati hi mandla yakwe laha a hlambelako;

I ta tsongahata matshandza yakwe+

Hi wutlhari ga mandla yakwe.

12 I ta hahlula a dhoropa gi vhikelweko khwatsi

Ni makhurisi ya gona ma tlakukileko ya kuvhikela;

I ta gi hahlula giwa lahasi ntshurini.

 2 Vhulani tinyangwa+ kasi ku nghena a tiko ga kululama,

A tiko gi nga ni mahanyela yo tsumbeka.

 3 U ta hlayisa lava va ku tsumbako hi kumbhelela;*

U ta va nyika a kurula ko kala ku nga mbheli,+

Hakuva va tsumba wena.+

 4 Tsumbani Jehovha kala kupindzuka,+

Hakuva Jah,* Jehovha i Ribye ga kala kupindzuka.+

Wa gi koramisa,

Wa gi koramisa lahasi misaveni;

I gi hoxa lahasi ntshurini.

 6 Gi ta kandzihetelwa hi mikondzo,

Hi mikondzo ya lava va xanisekako, hi mazambo ya zvisiwana.”

Kota lezvi u lulamileko,

U ta bambatela a ndlela ya valulamileko.

 8 Laha hi landzako a ndlela ya wena ya kulamula, O Jehovha,

A kutsumba ka hina ku le ka wena.

 9 Ni wusiku, ndza ku xuva hi mbilu ya mina yontlhe,*

Ina, a moya wa mina wu cuwukela wena;+

Hakuva loku u lamula misava,

A vaaki va tiko va gondza kululama.+

10 Hambu loku a wakubiha a mahelwa wuxinji,

A nga ta gondza kululama.+

Hambu tikweni ga kululama i ta maha zvakubiha,+

Niku a nga ta wona a wukulu ga Jehovha.+

12 O Jehovha, wena u ta hi nyika kurula,+

Hakuva zvontlhe lezvi hi mahako

Hi wena u hi mahelako.

13 O Jehovha, Nungungulu wa hina, hi fumelwe hi tihosi tin’wani wutshan’wini ga wena,+

Kanilezvi hina hi dhumisa a vito ga wena goce.+

Hakuva wena u va alakanyile

Kasi u va lovisa, u fuvisa ni cihi a cialakanyiso cabye.

15 O Jehovha, wena u anamisile a tiko;

U anamisile a tiko;

U ti dhumisile.+

16 O Jehovha, a cikhati leci va nga hi kuxanisekeni va wuyile ka wena;

Va no chulula a mukhongelo wabye hi kuhleva a cikhati u nga va tsayisa.+

17 A ku fana ni wasati a lavako ku pswala,

Loyi a lun’wako, aba tihuwa hi kuzwa kubayisa,

Hinawu hi tshamisile zvezvo hi kota ya wena, O Jehovha.

18 Hi xurile nyimba hi lun’wa,

Kanilezvi zvo khwatsi hi no pswala a moya.

A hi nehangi a kuhanyisa tikweni,

Ne a ku pswaliwi munhu kasi a hanya lomu tikweni.

Vhukani, mu giya hi kutsaka,

N’wina lava mu nga ntshurini!+

Hakuva a ndzhokati ya wena yi fana ni ndzhokati ya ni mixo.*

Ni misava yi ta humesa lava va nga hava ntamu kufeni kasi va tlhela va hanya.*

20 Fambani, vanhu va mina, mu ya nghena lomu tikwartwini ta n’wina,

Mu vhala tivati.+

Fihlalani hi cikhatana

Kala a zanga yi hundza.+

21 Hakuva hi nga wonani! Jehovha wata hi wutshan’wini gakwe

Kasi a ta tsayisa a vaaki va tiko hi kota ya cigoho cabye,

A tiko gi ta humesa a nkhata lowu wu halatilweko ka gona,

Niku gi nga ta ha fihla lava va delweko ka gona.”

27 Ka siku lego, hi cipadha cakwe co kariha, ca hombe, ni ca ntamu,+

Jehovha i ta alakanya Levhiyatani,* a nyoka yo tsutsuma,

Levhiyatani, a nyoka ya kuya hi ku ndzundza,

Niku i ta daya cingondzomu ca lomu bimbini.

Ndzi ci wonelela wusiku ni mumu

Kasi ku ngavi ni wa ku ci wonhetela.+

I wa mahe kurula na mina,

Ina, i wa mahe kurula na mina.”

 6 Ka masiku ma ha tako, Jakobe i ta mila mutsu,

Izrayeli i ta hluka a pfepfa;+

Va ta tata tiko hi mihandzu.+

 9 Hikwalaho, a ciwonho ca Jakobe ci ta tsetselelwa;+

Lowu wu tava wona a handzu wakwe laha a ciwonho cakwe ci to susiwa:

I ta maha ku a maribye wontlhe ya alati

Ma fana ni maribye ya mhemba* ma fayetelweko;

Ku nga ta sala sinya yo basa* hambu alati go hisela kona libani.+

10 Hakuva a dhoropa gi vhikelweko khwatsi gi ta maha ciwula,

Ni wuriselo gi ta rivaliwa gi tsikiwa a ku khwatsi ciwula.+

A cihon’wana ci ta gela kona ci etlela lomo,

Ciga a madhavi ya kona.+

11 Laha a zvidhavana zvakwe zvi to woma,

Ku tata vavasati va ta zvi tshova,

Va dzivela hi zvona ndzilo.

Hikwalaho, a Mumahi wabye a nga ta va mahela wuxinji,

Ni Loyi a va vangileko a nga ta va kombisa tipswalo.+

28 Khombo ka cidlodlo* ca matshandza* ca zvidhakwa zva ka Efrayime+

Ni ka citsangi ci wunako, ci nga kusaseka kakwe ko ngangamela,

Leci ci nga le hehla ka nkova wo nona wa lava va hlulilweko hi vhinyo!

A ku fana ni bhubhutsa gi bako ni kudzindza ni maralala, a moya wu hahlulako,

Ni ku khwatsi cingulo ci vangako ndambi ya hombe,

I ta ci hoxa laha misaveni hi ntamu.

 3 A zvidlodlo* zva matshandza* zva zvidhakwa zva ka Efrayime

Zvi ta kandzihetelwa hi mikondzo.+

 4 A citsangi ci wunako ci nga kusaseka kakwe ko ngangamela,

Leci ci nga le hehla ka nkova wo nona,

Ci ta ku khwatsi i kuwu gi rangelako cimumu.

 7 Lava vonawu va lahleka hi kota ya vhinyo;

A byala gabye ga va dhedherekisa.

A mupristi ni muphrofeti va lahleka hi kota ya byala;

A byala ga va juja kupima,

Va dhedherekiswa hi byala gabye;

A miwoniso yabye ya va pengisa,

Niku va maha zvihoxo kulamuleni.+

 8 Hakuva a timeza tabye ti tele hi mahlata yo nyenyeza

— A ku na wutshamu gi basileko.

 9 Himani a to gondzisiwa?

Kona himani a to tlhamuselwa a mahungu lawa ke?

Xana hi lava va ha hi ku lumuliwako,

Lava va ha hi ku tsikisiwako a vele ke?

10 Hakuva i “nayo hehla ka nayo, nayo hehla ka nayo;

Cileletelo hehla ka cileletelo, cileletelo hehla ka cileletelo;*+

Kutsongwani laha, kutsongwani lahaya.”

“Nayo hehla ka nayo, nayo hehla ka nayo;

Cileletelo hehla ka cileletelo, cileletelo hehla ka cileletelo;*+

Kutsongwani laha, kutsongwani lahaya.

Kasi laha va fambako

Va ti gumula vawa hi le ndzhako

Va tshoveka, va phasiwa, va khon’wa.+

14 Hikwalaho, hi nga zwani a mhaka ya Jehovha, vanyamatshandza ndzin’wina,

N’wina vafumeli va vanhu lava lomu Jerusalema.

15 Hakuva mu ngalo:

“Hi mahile civhumelwano ni Kufa,+

Hi zwanene* ni Cilahla.*

A cikhati ku tota a ndambi ya hombe,

Yi nga ta hi kuma,

Hakuva hi tekile a kuhemba hi ku maha wuchavelo ga hina,

Niku hi ti fihlile lomu mawunweni.+

“Ndza veka a ribye gi hlolilweko giva ciseketelo le Ziyoni,+

A ribye ga lisima ga laha khoneni+ ga ciseketelo co tiya.+

17 A nongameto ndzi ta wu maha lingoti la ku pima hi lona,+

Ni kululama kuva lingoti la prumo.*+

A maralala ma ta kukuleta a wuchavelo ga mawunwa,

Ni mati ma ta khulungela lomu ka matshamu yo fihlala.

18 A civhumelwano ca n’wina ni Kufa ci ta fuvisiwa,

Ni kuzwanana ka n’wina ni Cilahla* ku nga ta simama.+

A cikhati leci a ndambi ya hombe yi tota,

Yi ta mu kukuleta.

19 Khati ni khati yi tota,

Yi ta mu kukuleta;+

Hakuva yi ta hundza mixo ni mixo,

Ni hlikanhi ni wusiku.

20 Hakuva a mubhedhi wu komile nguvhu kasi ku ti nawuluta,

Ni kumba wu hlongile nguvhu kasi ku ti phutsela.

21 Hakuva Jehovha i ta suka a yima a ku fana ni le Citsungeni ca Perazimu;

I ta vhindluka a ku fana ni le nkoveni wu nga kusuhani ni Gibheyoni,+

Kasi a fela ku maha a ntiro wakwe — a ntiro wakwe wo hlamalisa,

Kasi a maha ntiro wakwe — a ntiro wakwe wo kala ku toloveleka.+

22 Makunu mu nga tseketseli+

Kasi a tingoti ta n’wina ti nga engeteli ku pswinyiwa,

Hakuva ndzi zvi zwile ka Jehovha wa mabutho, a Hosi ya Hombe,

Lezvaku a tiko* gontlhe gi ta loviswa.+

23 Vhulani tindleve, mu ingisa a gezu ga mina;

Dembani ndleve, muzwa lezvi ndzi wulako.

25 Loku a vhuxele misava,

A nga gumesi a xwanya a haluwa* ya ntima, a byala ni haluwa ke?

A nga byali a trigo, ni mahuva, ni sevhadha lomu matshan’wini ya kona,

Ni trigo yo pswhuka+ lomu timbhirini ta simu ke?

26 Hakuva Yena wa mu gondzisa* hi ndlela ya kululama;

A Nungungulu wakwe wa mu gondzisa.+

27 Hakuva a haluwa ya ntima a yi huliwi hi citlhata ca ku hula timbewu,+

Ni rodha ga kareta a gi fambisiwi hehla ka haluwa.

Kanilezvi a haluwa ya ntima yi phophiwa hi mugomba,

Ni haluwa yi phophiwa hi nhonga.

Ahihi, a nga kona a hulako a nga gumesi.+

Niku laha a fambisako a rodha ga kareta yakwe hi mahaxi yakwe hehla ka timbewu,

A nga ti fayeteli.+

29 Lezvi zvonawu zvita hi ka Jehovha wa mabutho,

Loyi a wusungukati* gakwe gi hlamalisako

Ni loyi a mitiro yakwe yi nga ya hombe.*+

Lembe ni lembe simama;

A mibuzo ya wena ya lembe ni lembe+ yi wa simame.

 2 Kanilezvi ndzi ta mu nehela kukarateka Ariyeli,+

Ku tava ni cirilo ni hlomulo;+

Mahlweni ka mina i ta ku khwatsi i khumbari ga alati ga Nungungulu.+

 3 Ndzi ta ku randzela matlhelweni wontlhe,

Ndzi ku bhiyela hi tisinya ta mitlonga,

Ndzi aka makhokhola ma ku randzela.+

 4 U ta koramiswa,

U wulawula na u hi lomu hasi;

Lezvi u to wula zvi nga ta zwala hi kota ya ntshuri.

A gezu ga wena gi ta huma hi lomu hasi,+

A ku fana ni gezu ga n’anga,

Niku a magezu ya wena ma ta huma hi lomu ntshurini hi kuhleva.

 5 A citshungu ca valala va wena ci ta fana ni lithuri,+

Ni citshungu ca vanhu va xapi ci ta fana ni mungu* wu hahako.+

 6 Jehovha wa mabutho i ta ku alakanya

Hi kudzindza, ni kutsekatseka ka misava, ni guwa ga hombe,

Hi cingulo, ni moya wa hombe, ni malangavi ya ndzilo.”+

 7 Makunu a citshungu ca wontlhe matiko lawa ma lwako yimpi na Ariyeli+

— Vontlhe lava va lwako naye,

Va akako tikhokhola* va mu bhiyela,

Ni lava va mu nehelako khombo —

Va ta ku khwatsi i noro, a muwoniso wa wusiku.

 8 Ina, zvi ta ku khwatsi hi loku a munhu a zwako ndlala a lora na aga,

Kanilezvi a vhuka na azwa ndlala;*

Ni ku khwatsi hi loku a munhu a zwako tora a lora na anwa,

Kanilezvi a vhuka na a karele, na azwa tora.*

Hi zvalezvi zvi to mahekela a citshungu ca matiko wontlhe

Lawa ma lwako ni Citsunga ca Ziyoni.+

 9 Hlamalani, mu vhumala ni co maha;+

Ti dayeni matihlo, mu maha zvikhumu.+

Va popilwe, kanilezvi a va popiwangi hi vhinyo;

Va dhedhereka, kanilezvi a va dhedherekiswi hi byala.

10 Hakuva Jehovha i mu chululele a moya wa wurongo ga tshongotshongo;+

I vhalile matihlo ya n’wina vaphrofeti,+

A fenengeta a tihloko ta n’wina vawoni va miwoniso.+

13 Jehovha i ngalo: “A vanhu lava va tshinela ka mina hi nomu wabye,

Va ndzi dzundza hi minomu yabye,+

Kanilezvi a timbilu tabye ti kule nguvhu na mina.

Ni cichavo cabye hi mina ci seketelwa ka zvileletelo zva vanhu lezvi va gondzisilweko.+

14 Hikwalaho, ndza ha ta maha zvilo zvo hlamalisa ka vanhu lava,+

A zvilo zvo hlamalisa hehla ka zvilo zvo hlamalisa;

A wutlhari ga titlhari tabye gi ta fuva,

Ni kuzwisisa ka vavanuna vabye va tlharihileko ku ta fihliwa.”+

A mitiro yabye yi mahiwa munyameni,

Na vaku: “Himani a hi wonako?

17 Ndzeni ka cikhatana, Lebhanoni i ta mahiwa simu ga tisinya ta mihandzu,+

Ni tisinya ta mihandzu ti ta ku khwatsi i khwati.+

18 Ka siku lego, a zviwiri zvi tazwa a timhaka ta bhuku,

Ni matihlo ya zvikhumu ma ta wona ma nga vhalelwi hi liphume ni munyama.+

19 A wakurula i ta giya hi kutsakela Jehovha,

Ni cisiwana ca tiko ci ta kulungela hi kutsakela Loyi a Basileko wa Izrayeli.+

20 Hakuva a munhu wa xapi a nga ta hava kona,

Ni munhu wa matshandza i ta fuva,

Ni vontlhe va tshamako na va longile ku maha zvakubiha va ta lovisiwa,+

21 Lava va nyikako a nandzu van’wani hi magezu yabye ya mawunwa,

Lava va zamako ku phasa a muyimeli* laha nyangweni ya dhoropa,+

Ni lava va jikisako timhaka kasi va mu alela a kululama a wakululama.+

“Jakobe a nga ta ha wisiwa tingana,

Ne a nghohe yakwe yi nga ta ha kwalala.*+

23 Hakuva laha a to wona a vana vakwe,

Lava va nga ntiro wa mandla ya mina, cikari kakwe,+

Va ta basisa a vito ga mina;

Ina, va ta basisa Loyi a Basileko wa Jakobe,

Va chava a Nungungulu wa Izrayeli.+

24 Lava va hambukileko va ta zwisisa,

Ni lava va khalako va ta vhumela ku gondzisiwa.”

30 “Khombo ka vana va kani”,+ ku wula Jehovha,

“Lava va ti mahelako makungo ma nga hiko ya mina,+

Lava va mahako a zvivhumelwano,* kanilezvi na va nga rangelwi hi moya wa mina,

Kasi va engetela ciwonho hehla ka ciwonho.

 2 Va relela vaya Gibhite+ na va nga ndzi wutisangi,*+

Kasi va ya fihlala khokholeni ga Faro

Ni ku chavela ndzhutini wa Gibhite!

 3 Kanilezvi a khokhola ga Faro gi ta mu wisa tingana,

Ni ku chavela ndzhutini wa Gibhite zvi ta mu dhanisa.+

 4 Hakuva a tihosana takwe ti le Zowane,+

Ni zvirun’wa zvakwe zvi chikele le Hanesi.

 5 Vontlhe va ta wisiwa tingana

Hi vanhu va nga va vhuniko hi nchumu,

Va nga hiko na civhuno ne hambu bhindzu,

Ntsena tingana ni ciruko.”+

Va tsemakanya a tiko ga zvikarato ni tixanisa,

Ga nghala, a nghala yi bhongako,

Ga phiri ni ga nyoka yo haha ya wuxungu ga hombe*

Va teka titshomba tabye va rwexa timbongola,

Va rwexa zvilo zvabye mihlanheni ya makameli.

 8 “Makunu famba u ya zvi tsala ka cipulangwana mahlweni kabye,

U zvi tsala lomu bhukwini,+

Kasi zvi tira ka masiku ma tako,

Zviva wukustumunyu ga kala kupindzuka.+

 9 Hakuva a vanhu lava vanhu va nga ingisiko,+ i vana va wukanganyisi,+

A vana va alako a kuzwa a nayo* wa Jehovha.+

“Kota lezvi mu alako a mhaka leyi,+

Mu tsumba a wukanganyisi ni mawunwa,

Mu khegela ka zvona,+

13 Ka n’wina a cigoho leci ci ta ku khwatsi i muro wu pandzekileko,

Ni muro wo leha wu byekeleko wu lavako kuwa.

14 Wu ta khungumulwa wu ku khwatsi i fuko ya hombe ya muwumbi,

Wu fayetelwa ku nga sali ne cirengele cin’we

Ca ku woka hi cona ndzilo laha khumbarini

Kutani ca kukha hi cona mati lomu hloweni.”*

“Loku mu wuya ka mina, mu tshama muku hwi, mu ta ponisiwa;

Mu ta kuma ntamu hi kuva mu rula, mu ndzi tsumba.”+

17 A 1000 va ta rurumela hi ku chavisiwa hi munhu mun’we;+

Ni loku mu chavisiwa hi ntlhanu wa vanhu mu ta tsutsuma

Kala lava va seleko cikari ka n’wina va ku khwatsi i sinya yi zimilweko hehla ka citsunga,

Va ku khwatsi i sinya ya cikombiso le hehla ka citsungana.+

18 Kanilezvi Jehovha i rindzela hi lihlazva-mbilu kasi a mu kombisa tipswalo,+

Niku i ta suka a yima a mu mahela wuxinji.+

27 Hi nga wonani! A vito ga Jehovha gata hi le kule;

Ga vhura hi zanga yakwe ni marefu ya munyama.

A minomu yakwe yi tele hi zanga,

Ni lirimi lakwe li fana ni ndzilo wu lovisako.+

28 A moya* wakwe wu fana ni congo wu kukumukako kala wu chikela lomu nkolweni,

Kasi ku hehera a mifumo hi lihlelo la kulovisa;*

A matiko ma ta bohiwa a matomu lomu tihlayeni ta wona+ kasi ma hambukiswa.

29 Kanilezvi mu ta yimbelela a lisimu lo fana ni leli li yimbelelwako ni wusiku

A cikhati leci mu ti longiselako* a mubuzo,+

Ni mbilu ya n’wina yi ta tsaka a ku fana

Ni loyi a fambako ni* citoliya

Na aya citsungeni ca Jehovha, ka Ribye ga Izrayeli.+

30 Jehovha i ta zwata a gezu gakwe ga hombe,+

A kombisa a woko gakwe+ laha gi relelako hi zanga yi vhurako,+

Ni langavi ga ndzilo wu hisako,+

Ni vhula ya hombe,+ ni cingulo ci bako ni zvingwalangwandla, ni maralala.+

31 Hakuva Asiriya i ta khon’wa hi kuchava+ hi kuzwa a gezu ga Jehovha;

I ta muba hi nhonga.+

32 Wontlhe a makhati lawa Jehovha a toba Asiriya

Hi nhonga yakwe ya tsayiselelo

Ku ta biwa tingomana ni zvitende+

Na a kari alwa navo a vaba hi woko gakwe.+

33 Hakuva a Tofete*+ gakwe gi sina gi longiselwe;

Gi longiselelwe a hosi kambe.+

I etisile a wutshamu go veketela tihunyi, a gi anamisa,

Gi tele hi ndzilo ni tihunyi.

A kuhefemula ka Jehovha, ko fana ni congo wa solufa,*

Ku ta gi lumekela.

31 Khombo ka lava va relelako Gibhite va ya lava ku vhuniwa,+

Lava va tsumbako mahaxi,+

Lava va tsumbako a tikareta ta yimpi hi lezvi ti teleko,

Ni mahaxi ya yimpi* hi lezvi ma nga ni ntamu;

Kanilezvi a va tsutsumeli ka Loyi a Basileko wa Izrayeli,

Ne a va hloti Jehovha.

 2 Kanilezvi yenawu i tlharihile, i ta neha khombo;

A nga ta tlhelisa a timhaka takwe.

I ta vhukela a yindlu ya vawonhi

Ni lava va vhunetelako a vamahi va kubiha.+

 3 Hambulezvo, a vaGibhite vova vanhu basi, a hi Nungungulu,

A mahaxi yabye ya nyama, a hi ya moya.+

A cikhati leci Jehovha a to nawuluta a canja gakwe,

Ni wihi muvhuni i ta ti phinganyeta

Ni loyi a vhuniwako i tawa;

Vontlhe va ta lovisiwa khatigin’we.

“A ku fana ni nghala, ina, a cinghalana ca ntamu,* leci ci bhongako hehla ka leci ci nga khoma,

Laha a ntlawa wontlhe wa varisi wu hlengeletanako wu ci vhukela

Kanilezvi ci nga chavisiwi hi magezu yabye,

Ne ci nga dzukiswi hi guwa gabye,

Hizvalezvo, Jehovha wa mabutho i ta relela a talwa yimpi

Hehla ka Citsunga ca Ziyoni ni ka citsungana cakwe.

 8 A muAsiriya i ta wisiwa hi cipadha ci nga hiko ca munhu;

Ni cipadha ci nga hiko ca munhu ci ta mu lovisa.+

I ta tsutsuma hi kota ya cipadha,

Niku a majaha yakwe ma ta mahisiwa mitiro ya cikurumeta.

 9 A ribye gakwe gi ta nyamalala hi kota ya kuchava,

Ni tihosana takwe ti ta rurumela hi kota ya sinya ya cikombiso”, ku wula Jehovha,

Loyi a kuwonekela* kakwe ku nga le Ziyoni, ni ndzhimbo* wakwe wu nga le Jerusalema.

32 Hi nga wonani! A hosi+ yi ta fuma hi kululama,+

Ni tihosana ti ta fuma hi nongameto.

 2 A mun’we ni mun’wani wabye i ta ku khwatsi wutumbelo ka moya,

Ni ku khwatsi wuchavelo ka cingulo;

I ta ku khwatsi i congo tikweni gi nga hava mati,+

Ni ndzhuti wa ribye ga hombe tikweni go woma.

 3 Makunu a matihlo ya lava va wonako ma nga ta ha vhaliwa,

Ni tindleve ta lava va zwako ti ta ingisela.

 4 A timbilu ta lava va matloti ti ta ehleketa hi wutivi,

Ni lirimi la manghakamela li ta wulawula khwatsi zvi tlhamuka.+

 5 A cipumbu ci nga ta ha wuliwa ku ca hana,

Ni munhu wo kala nayo a nga ta wuliwa wo dzundzeka.

 6 Hakuva a cipumbu ci ta wulawula wupumbu,

Ni mbilu ya cona yi ta xuxa cikungo co biha,+

Kasi ci vhuvhumisa a wudhuki* ni ku wulawula zvahava hi Jehovha,

Ci fela ku tsika loyi* a nga ni ndlala a famba na a nga gangi

Ni ku mu tsona ca kunwa loyi a zwako tora.

 7 A wusungukati ga munhu wo kala nayo gi bihile;+

I vhuvhumisa a mahanyela ya tingana

Kasi a hohlola a muvhumali hi mawunwa,+

Hambu loku a cisiwana ci wulawula lisine.

 8 Kanilezvi a munhu wa kuhana i na ni mixuvo ya ku hana,

Niku i simama ni kuhana kakwe.

10 Andzhako ka lembe ni masiku yo kari, n’wina lava mu nga hava co maha mu ta rurumela hi kuchava,

Hakuva a nguva ya ku tshovela mauvha yi ta hundza na ku nga hlengeletwangi a mihandzu.+

Tlhatlhani tinguwo,

Mu boha a tisakwa zviwunwini zva n’wina.+

12 Ti beni zvifuva, mu rila

A masimu yo saseka ni vhina* wu pswalako nguvhu.

13 Hakuva a tiko ga vanhu va mina gi ta fenengetwa hi mimizwa ni zvigetlwani;

Zvi ta fenengeta a tiyindlu tontlhe ta kutsaka,

Ina, a dhoropa ga litsako.+

14 Hakuva a likhokhola* li tiyisilweko khwatsi li tsikilwe;

A dhoropa ga guwa gi sele na gi hi rumbi.+

Ofeli+ ni likhokhola la murindzeli zvi mahile ciwula ca kala kupindzuka,

A litsako la timbongola ta khwati,

Ni wuriselo ga mitlhambi,+

15 Kala a moya wu tako hi le hehla wu chululiwa hehla ka hina,+

Ni ciwula civa simu ga tisinya ta mihandzu,

Ni simu ga tisinya ta mihandzu gi ku khwatsi i khwati.+

16 Makunu a nongameto wu ta aka lomu ciwuleni,

Ni kululama ku ta tshama lomu sin’wini ga tisinya ta mihandzu.+

17 A nchachazelo wa kululama ka lisine wu tava kurula,+

Ni handzu wa kululama ka lisine wu tava kurula ni kutshamiseka ka pindzukelwa.+

18 A vanhu va mina va ta hanya ka wutshamu go rula,

Lomu tindlwini ti tsumbekileko ni ka matshamu yo humula hi kurula.+

19 Kanilezvi a maralala ma ta hahlula a khwati,

Ni dhoropa gi ta hahlulwa gi mbhela.

20 Ma tsaka n’wina lava mu byalako a mbewu kontlhe lomu ku nga ni mati,

N’wina lava mu tlhatlhako* homu ni mbongola.”+

33 Khombo ka wena mulovisi u kalako u nga se lovisiwa;+

Wena mutokometi u kalako u nga se tokometwa!

Ngha uva woko* ga hina+ mixo ni mixo,

Ina, a kuhanyiswa ka hina zvikhatini zva zvikarato.+

 4 A muphango wa n’wina wu ta hlengeletiwa a ku khwatsi kuhlengeletana ka humbi* yi lambileko;

A matiko ma ta ti hoxela hehla ka muphango a ku khwatsi i butho ga humbi.

 5 Jehovha i ta tlakusiwa,

Hakuva i hanya le hehla-hehla.

 6 Hi yena a tiyisako a zvikhati zva wena;

A kuhanyisa ka hombe,+ ni wutlhari, ni wutivi, ni kuchava Jehovha+

— Hi yona a tshomba yakwe.

 7 Hi nga wonani! A tinhenha tabye ta rila lomu ruweni;

A zvirun’wa zva kurula zva rila hi civiti.

 8 A maruwa ma te cuwe;

Lomu tindleleni a ka ha fambi munhu.

I* tshovile a civhumelwano;

I tsikile a madhoropa;

A nga na mhaka ni munhu wa ku wafa.+

Xaroni i khwatsi ciwula,

Bhaxani na Karmeli va tlhatlheka matluka.+

10 “Makunu ndzi ta suka ndzi yima”, ku wula Jehovha;

“Makunu ndzi ta ti tlakusa;+

Makunu ndzi ta ti dhumisa.

14 A vawonhi va le Ziyoni va chava;+

A vadhuki* va rurumela hi kuchava, vaku:

15 A munhu loyi a fambako hi kululama contlhe cikhati,+

Loyi a wulawulako zvazvinene,+

Loyi a alako bhindzu go biha ni ga wukanganyisi,

Loyi a mandla yakwe ma alako ku xavelelwa, ma nga ku amukeli,+

Loyi a ti vhalako tindleve kasi a ngazwi mabhulo ya ku halata nkhata,

A tlhela a vhala a matihlo yakwe kasi a nga woni zvakubiha

16 — I ta hanya ka matshamu ma tlakukileko;

A wuchavelo gakwe go tiya* gi tava lomu makhokholeni ya maribye,

I ta nyikiwa pawa yakwe,

Niku a mati yakwe ma nga ta mbhela.”+

19 U nga ta ha wona a vanhu vo kala cichavo,

A vanhu lava a lirimi labye li karatako* nguvhu ku li zwisisa,

Va lirimi la manghakamela la ku a zvi koteki ku li zwisisa.+

A matihlo ya wena ma ta wona Jerusalema kota wutshamu go rula go hanya kona,

A tenda gi to kala gi nga rurisiwi.+

A zvikhongwani zva gona zvi nga ta tshuka zvi simuliwa,

Ne ni lingoti lin’we la gona li nga ta phewuliwa.

21 Kanilezvi Jehovha, Loyi wa Hombe, i tava lomo,

Ava wutshamu ga hina ga micongo ni ga minonga yo anama,

Lomu ku nga ngheniko a tingalava to fambisiwa hi makasiya

Ni lomu a zvitimela* zva hombe zvi nga hundziko hi kona.

22 Hakuva Jehovha Mulamuli wa hina;+

Jehovha hi yena Munyiki wa hina wa nayo;+

Jehovha i Hosi ya hina;+

Hi yena a to hi hanyisa.+

23 A tingoti ta wena* ti ta nyeseka;

Ti nga ta zvi kota ku tiyisa mulingwati ne ku gwimba a tanga.

Ka cikhati leco, ku ta aveliwa a muphango wa hombe;

Hambu a zvilima zvi ta teka a muphango wo tala.+

34 Tshinelani mu ingisela, n’wina matiko;

Dembani ndleve, n’wina mifumo.

A misava ni zvontlhe zvi nga ka yona zvi wa ingisele,

A tiko ni yontlhe mihandzu ya gona.

 2 Hakuva a zanga ya Jehovha yi hehla ka matiko wontlhe,+

Ni khulo gakwe gi vhindlukele a butho gabye gontlhe.+

I ta va nyikela kulovisweni;

I ta va nyikela kudaweni.+

 3 A vanhu vabye va delweko va ta hoxiwa,

Ni kunuha ka zvirumbi zvabye ku ta tlakukela hehla;+

A zvitsunga zvi ta nyeka hi kota ya* nkhata wabye.+

 4 A butho gontlhe ga matilo gi ta bola,

Ni matilo ma ta songiwa ku khwatsi i bhuku go songiwa.

A butho gabye gontlhe gi ta wuna giwa,

A ku khwatsi i tluka go wuna gi wako hi lomu vhineni*

Ni kuwu go puva gi wako hi lomu nkuweni.

Ci ta relela hehla ka Edhomi ci mu lamula,+

Hehla ka vanhu lava va konelweko ku lovisiwa.

Ci ta fenengetwa hi mafura,+

Hi nkhata wa tiyivhana ta vamatsune ni wa timhongo,

Ni mafura ya tiswa ta tiyivhu ta vamatsune.

Hakuva Jehovha i na ni muphahlo le Bhozra,

Ni kuhihirita ka hombe le tikweni ga Edhomi.+

 7 A tihomu ta khwati ti ta relela navo,

Ni zvihon’wana zvi ta relela zvin’we ni tinhenha.

A tiko gabye gi ta cabwatana hi nkhata,

Ni ntshuri wabye wu ta tsakama hi mafura.”

 8 Hakuva Jehovha i na ni siku ga kuphota,+

A lembe ga ku photela a mhaka ya Ziyoni.+

 9 A zvicongwana zvakwe* zvi ta cica zvi maha likatarawu,*

Ni ntshuri wakwe wu ta cica wu maha solufa.*

A tiko gakwe gi ta fana ni likatarawu li swako.

10 Gi nga ta timeka wusiku ni mumu;

A musi wa kona wu ta tuvika kala kupindzuka.

Gi ta tshama gi hi ciwula ka cizukulwana ni cizukulwana;

A ku na munhu a to tshuka a tsemakanya hi lomo kala kupindzuka ni kupindzuka.+

11 A gumba* ni nungu* zvi ta tshama lomo;

A khuhunhu ni zvikunguwa zvi ta hanya lomo.

I ta gwimba a lingoti la ku pima hi lona la kulovisa* hehla kakwe,

Ni lingoti la prumo la* kuhahlula.

12 I hava cikari ka vahombe vakwe a to maha hosi,

Ni tihosana takwe tontlhe ti ta fuva.

13 Lomu tikhokholeni* takwe ti tiyisilweko khwatsi ku ta mila mimizwa;

A zvigetlwani ni tisinya ta mimizwa zvi ta mila lomu makhokholeni yakwe.

A makhanga ma ta tshama kakwe,+

A tlhela ava muti wa timbhuwu.*

14 A zvihari zva lomu ciwuleni zvi ta tlhangana ni zvihari zva ku wukula,

Ni timbuti ta khwati* ti ta vitana a vanghana va tona.

15 A phela gi ta aka cisaka ca gona gi tsikela matandza lomo.

Gi ta ma tlhotlhora, gi hlengeleta a vanana va gona ndzhutini wa gona.

Ku hava ni cin’we ci to vhumaleka;

Ku hava ni cin’we ci to vhumala a munghana wa cona,

Hakuva i nomu wa Jehovha wu layileko lezvo,

Ni moya wakwe hi wona wu zvi hlengeletileko zvin’we.

17 Hi yena a zvi beleko tihlolo,

Niku a canja gakwe gi zvi pimele ko tshama kona.*

Zvi ta tshama lomo kala kupindzuka;

Zvi ta hanya kona zvizukulwaneni zvontlhe.

35 A ciwula ni tiko go woma zvi ta kulungela;+

Ni livala li ta tsaka li pfepfa a ku khwatsi i safarawu.+

 2 Hakunene li ta pfepfa;+

Li ta giya ni ku kulungela hi kutsaka.

Li ta nyikiwa a wudzundzo ga Lebhanoni,+

A kungangamela ka Karmeli+ ni ka Xaroni.+

Va ta wona a wudzundzo ga Jehovha, a kungangamela ka Nungungulu wa hina.

 3 Tiyisani a mandla ma rerekileko,

Mu tiyisa a madzolo lawa ma gudlagudlako.+

Hi nga wonani! A Nungungulu wa n’wina wata a ta mu photela;

Nungungulu wata ni nchachazelo.+

 5 Ka cikhati leco, a matihlo ya zvikhumu ma ta vhululeka,+

Ni tindleve ta zviwiri ti ta vhululeka.+

 6 Ka cikhati leco, a zvilima zvi ta tlula a ku khwatsi i hlangu,+

Ni tirimi ta timbeveve ti ta kanyuluka hi kutsaka.+

Hakuva a mati ma ta buwuka lomu ciwuleni,

Ni zvicongwana zvi ta khulunga lomu livaleni.

 7 A misava ya cikhwakhwa yi tava tiva gi teleko hi hlanga,

Ni misava ya tora yi ta humesa zvibuka zva mati.+

Lomu timhakweni leti ku nga humula makhanga+

Ku ta mila a byanyi go nyuka, ni hlanga, ni majeka.*

 8 Laho ku tava ni ruwa,+

Ina, a ndlela yi vitaniwako ku i Ndlela ya Kubasa.

Yi tava ntsena ya lava va fambako ndleleni;

A ku na cipumbu ci to hambukela ka yona.

 9 Ku nga tava ni nghala laho,

Ne ku nga ta tsemakanya zvivandza zvo leva.

Zvi nga tava kona ndleleni leyo;+

Ntsena a vatlhatlhisilweko hi vona va to famba hi yona.+

Va nga ta khomeka hi kutsaka ni kunengela,

A hlomulo ni miketo zvi ta n’walala.+

Himani u nga mu tlakusela gezu ga wena+

U tlhela u mu tlakusela a mahlo ya wena ya matshandza ke?

24 U rukatele Jehovha+ hi malandza ya wena, uku:

‘Hi tikareta ta mina to tala ta yimpi,

Ndzi ta kandziha ndziya hehla ka zvitsunga,+

Ka matshamu ya le kule ya Lebhanoni.

25 Ndzi ta kela tihlowo ndzi tlhela ndzinwa mati;

Ndzi ta womisa a zvicongwana* zva Gibhite hi zvipama zva mikondzo ya mina.’

27 A vaaki vabye va ta mbhela ntamu;

Va ta chavisiwa vawa tingana.

Va ta fana ni tisinya lomu masin’wini ni byanyi go nyuka,

Va ku khwatsi i byanyi gi milako le hehla ka tiyindlu legi gi swako hi moya wa cikobani.*

28 Kanilezvi ndza zvi tiva khwatsi loku u tshama, ni loku u huma, ni loku u nghena,+

Ni loku u ndzi vhindlukela hi zanga.+

29 Hakuva a zanga ya wena+ ni kubhonga ka wena zvi chikele tindleveni ta mina.+

Hikwalaho, ndzi ta ku boha a mukhalo wa mina+ nhovhini ya wena ni matomu ya mina non’wini wa wena,

Ndzi ku tlhelisa hi ndlela leyi u ngata hi yona.”

“A nga ta nghena lomu dhoropeni legi+

Hambu ku phanda kona paxa,

Ne a nga ta gi dhumela hi citlhangu

Hambu ku maha rampa ya ku gi dhumela.”’+

34 ‘I ta tlhela hi ndlela leyi a tileko hi yona;

A nga ta nghena lomu dhoropeni legi’, ku wula Jehovha.

35 ‘Ndzi ta vhikela dhoropa legi,+ ndzi gi ponisa hi kota ya mina+

Ni hi kota ya nandza ga mina Dhavhidha.’”+

10 Ndzi te ngalo: “Cikari ka wutomi ga mina

Ndzi ta relela tinyangweni ta Cilahla.*

Ndzi nga ta ha va cuwuka kambe a vanhu

A cikhati leci ndzi tova zvin’we ni lava va tshamako lomu zvontlhe zvi mbhelako.

12 A muti wa mina wu susilwe wu yisiwa kule na mina+

A ku fana ni tenda ga murisi.

Ndzi songile a wutomi ga mina a ku khwatsi muluki a songako nguwo;

I ndzi tsemisa ku khwatsi i nguwo yi tsemiwako laha yi nga lukelwa kona.

A ku khwatsi i nghala, i tshoveletela a marambu ya mina wontlhe;

Kusukela ni hlikanhi kala ni wusiku wena wa ndzi mbheta.+

14 Ndza keta a ku khwatsi i mbewulwani ni matsiyelani;+

Ndza rila a ku khwatsi cipomba.+

‘O Jehovha, ndzi lomu hlomulweni wa hombe;

Ndzi vhune!’*+

Ndzi ta famba hi kutikoramisa wontlhe a malembe ya mina

Hi kota ya hlomulo wa mina wa hombe.*

16 ‘O Jehovha, a vanhu vontlhe va hanya hi zvilo lezvi,*

Ni moya wa mina wu hanya hi zvona.

17 Wutshan’wini ga kurula, ndzi no karateka nguvhu;

Kanilezvi hi kota ya lezvi u ndzi randzako,*

U ndzi hlayisile ndzi nga weli nkeleni wa kuloviswa.+

18 Hakuva a Cilahla* a ci nge ku dzundzi,+

Ni kufa a ku nge ku dhumisi.+

19 A vahanyako, ina, a vahanyako va nga ku dhumisa,

A ku khwatsi hi lezvi ndzi mahako nyamutlha.

20 O Jehovha, ndzi hanyise,

Hi ta chaya a tisimu ta mina hi zvichaya-chaya zva tingoti+

Lomu ndlwini ya Jehovha wontlhe a masiku ya kuhanya ka hina.’”+

 2 “Wulawulani mbilwini ya* Jerusalema,

Mu huwelela lezvaku a ntiro wakwe wa cikurumeta wu mbhelile,

Lezvaku a nandzu wakwe wu hakhelwe.+

 4 A mindzhelelo yontlhe yi wa setelwe,

Ni zvitsunga zvontlhe ni zvitsungana zvi wa lizarelwe.

A misava ya zvikhele yi wa bambatelwe,

Ni misava yo kala kululama yi wave livala.+

 5 A kungangamela ka Jehovha ku ta wonekeliswa,+

Niku a nyama yontlhe yi* ta ku wona,+

Hakuva a nomu wa Jehovha wu wulile lezvo.”

 7 A byanyi go nyuka ga woma,

Ni citsangi ca wuna,+

Hi kota ya moya wa Jehovha wu pupuxako hehla ka cona.+

 8 A byanyi go nyuka ga woma,

Ni citsangi ca wuna,

Kanilezvi a mhaka ya Nungungulu wa hina yi simama kala kupindzuka.”+

 9 Kandziha uya citsungeni co tlakuka,

Wena wasati u nehako a mahungu ya manene Ziyoni.+

Kanyuluka hi ntamu,

Wena wasati u nehako a mahungu ya manene Jerusalema.

10 Hi nga wonani! Jehovha, a Hosi ya Hombe, i tata na a hi ni ntamu,

I ta fuma hi woko gakwe.+

Hi nga wonani! A nchachazelo wakwe wu na yena,

Ni muholo lowu a hakhelako wu mahlweni kakwe.+

I ta hlengeleta a tiyivhana hi woko gakwe,

A ti wukarela laha cifuveni cakwe.

12 Himani a nga pima mati lomu canjeni gakwe,+

Ni ku susa a tipimo ta matilo hi palmo* gakwe ke?

Himani a hlengeleteleko a ntshuri wa misava lomu ka lipimo,+

Kutani a pezileko a zvitsunga

Ni zvitsungana lomu cikalweni ke?

13 Himani a pimileko* a moya wa Jehovha?

Kona himani a nga mu gondzisako kota sungukati gakwe?+

14 I wutisile mani kasi ava ni kuzwisisa?

Himani a mu gondzisako a ndlela yo lulama,

Kutani a mu gondzisako a wutivi,

Kutani ku mu komba ndlela ya kuzwisisa ka lisine ke?+

15 Hi nga wonani! A matiko me khwatsi i thosa ga mati lomu bhaketini,

Ma tlhela ma ku khwatsi i ntshuri lomu cikalweni.+

16 Hambu a khwati ga Lebhanoni a gi humesi a tihunyi to enela,*

Ni zvihari zva gona a zvi eneli a ku maha hi zvona a munyikelo wa kuhiswa.

17 A matiko wontlhe me khwatsi i nchumu wu nga hiko kona mahlweni kakwe;+

A nga ma woni kota nchumu; me khwatsi i nchumu wu nga hiko kona.+

19 A meseri i maha cifananiso,*

A mubethi wa tisimbi i ci nameketela a ouro,+

A maha ni machini ya prata.

20 I hlawula a sinya ya munyikelo wakwe,+

A sinya yi to kala ku bola.

Wa lavetela a meseri a nga ni wutlhari

Kasi a maha cifananiso ci kehlilweko ci to kala kuwa.+

22 Ku na ni Loyi a tshamako hehla ka cirendzelekwani ca misava,+

Ni vaaki va kona ve khwatsi mabhandzala.

I andlala a matilo a ku fana ni nguwo,

A ma gwimba a ku khwatsi i tenda go tshama kona.+

23 Wa bohlisa tihosana ti ngavi nchumu,

A maha a valamuli* va misava va ngavi nchumu.

24 Na va ha hi ku byaliwa,

Na va ha hi ku xwanyiwa,

Ni tshinya gabye na gi nga se zima mitsu misaveni

Va biwa hi moya va woma,

A moya wu va kukuleta a ku fana ni tihlanga,+

Hi Loyi a zvi humesako hi butho ga zvona, hi ntsengo;

Loyi a vitanako zvontlhe hi mavito.+

Hi kota ya ntamu wakwe wa hombe ni wukulu gakwe go hlamalisa,+

Ci hava ci vhumalekako ka zvona.

27 Wena Jakobe na wena Izrayeli hikuyini mu wulako ku:

‘A ndlela ya mina yi fihlele mahlweni ka Jehovha,

Niku Nungungulu a nga ndzi maheli kululama’ ke?+

29 Wa va nyika ntamu lava va kareleko,

Ni ntamu wa hombe lava va nga hava ntamu.+

30 A majaha ma ta karala ma mbhela ntamu,

Ni vaswa va ta ti phinganyeta, vawa,

31 Kanilezvi lava va rindzelako Jehovha va ta tlhela va kuma ntamu.

Va ta tsutsuma va nga rereki,

Va famba va nga karali.”+

41 “Ndzi ingiseleni na mu miyele,* n’wina zvihlale;*

A matiko ma wa tlhele ma kuma ntamu wa wona.

 2 Himani a vhuxileko munhu hi le mutsuwuka-gambo,+

A mu vitana hi kululama ata mikondzweni Yakwe,*

A ta mu nyika a matiko

Ni ku mu maha a khozisa a tihosi ke?+

Himani a va fuvisako hi cipadha cakwe va maha ntshuri,

A va hangalasa mahlweni ka wura gakwe a ku khwatsi tihlanga ti kukuletwako hi moya?

 3 Wa va hlongolisela, a hundza na a nga vhalelwi hi nchumu

Lomu tindleleni leti a nkondzo wakwe wu nga kala wu nga se famba hi tona.

 4 I ntiro wa mani lowu, kona himani a mahileko lezvi,

A vitanisa a zvizukulwana kusukela kusanguleni?

Mina Jehovha, hi mina wo Sangula;+

Ni ka lava vo gumesa ndzi tshamisile zvalezvo.”+

 6 A mun’we ni mun’wani i vhuna a munghana wakwe,

A byela makabye wakwe, aku: “Tiya.”

 7 Hikwalaho, a meseri i tiyisa a mubethi wa tisimbi.+

Loyi a bethako hi hamela

I tiyisa loyi a bako laha ko bethela kona.

 8 “Kanilezvi wena Izrayeli u nandza ga mina;+

Wena Jakobe, wena loyi ndzi ku hlawulileko,+

A pswalo* wa munghana wa mina Abrahama,+

 9 Wena ndzi ku tekileko hi le magemeta-musi ya misava,+

Wena ndzi nga ku vitana matshan’wini ya le kule,

Ndziku ka wena: ‘Wena u nandza ga mina;+

Ndzi hlawulile wena; a ndzi ku alangi.+

Ndzi ta ku tiyisa, ina, ndzi ta ku vhuna,+

Hakunene ndzi ta ku khoma hi canja ga mina ga cinene ga kululama.’

12 U ta lavetela lava va lwako na wena kanilezvi u nga ta va kuma;

Lava va lwako yimpi na wena va ta ku khwatsi i nchumu wu nga hiko kona, a nchumu wu nga vhuniko nchumu.+

13 Hakuva mina Jehovha, a Nungungulu wa wena, ndzi ku khoma hi canja ga wena ga cinene;

Hi mina Loyi a ku byelako, aku: ‘U nga chavi, ndzi ta ku vhuna.’+

14 U nga chavi, wena ciwungwani* Jakobe,+

N’wina va ka Izrayeli, ndzi ta mu vhuna”, ku wula Jehovha, a Mutlhatlhisi wa n’wina,+ Loyi a Basileko wa Izrayeli.

15 “Wa zvi wona! Ndza ku maha citlhata ca ku hula timbewu,+

A cibya ciswa ca ku hula hi cona ci nga ni matino mambiri.

U ta kandzihetela a zvitsunga, u zvi fayetela,

U maha zvitsungana zvi ku khwatsi i mungu.*

16 U ta zvi hehera,

Zvi kukuletwa hi moya zviya kule;

Zvi ta hangalaswa hi moya wa hombe.

U ta tsakela Jehovha,+

U ti kulisa hi Loyi a Basileko wa Izrayeli.”+

18 Ndzi ta khulungisa micongo lomu ka zvitsungana zva ligwangwa+

Ni zvibuka zva mati lomu mikoveni.+

Ndzi ta hundzula ciwula civa tiva gi teleko hi hlanga,

Ni tiko go kala mati giva zvibuka zva mati.+

19 Lomu ciwuleni ndzi ta byala sedhare,

Ni akasia, ni mirta, ni pinyeiro.+

Lomu ka livala ndzi ta byala a junipero,

Zvin’we ni freixo ni kipresi,+

20 Kasi a vanhu vontlhe va zvi wona va tlhela va zvi tiva,

Va demba ndleve va zwisisa

Lezvaku a canja ga Jehovha hi gona gi mahileko a zvilo lezvi,

Ni lezvaku Loyi a Basileko wa Izrayeli hi yena a zvi vangileko.”+

Hi byeleni a timhaka ta kaleloko,*

Kasi hi ehleketa hi tona hi tiva a magumo ya tona.

23 Hi byeleni lezvi zvi to maheka cikhatini ci tako,

Kasi hi zvi tiva lezvaku n’wina mu vanungungulu.+

Ina, mahani nchumu, kani wa wunene kutani wo biha,

Kasi hi zvi wona hi hlamala.+

24 Hi nga wonani! N’wina mu nchumu wu nga hiko kona,

Niku lezvi mu mahako a zvi vhuni nchumu.+

25 Ndzi vhuxile munhu hi le n’walungu,* niku i tata,+

A munhu a tako hi le mutsuwuka-gambo,+ loyi a to vitana a vito ga mina.

I ta kandzihetela vafumeli a ku khwatsi i wumba,+

A ku fana ni muwumbi a kandzihetelako a wumba go tsakama.

26 Himani a hi byelileko a mhaka leyi kusukela kusanguleni kasi hi yi tiva?

Kutani loyi a zvi wulileko zvikhatini zva kale kasi hiku: ‘Hi zvona a wulako’?+

28 Kanilezvi ndzi no simama ku cuwukela, hambulezvo a ndzi wonangi munhu;

Ku wa nga hi na munhu cikari kabye wa ku nyika wusungukati.

Ndzi mu chelile a moya wa mina;+

I ta neha kululama hehla ka matiko.+

 2 A nga ta banguleka kutani ku tlakusa gezu gakwe;

A nga ta zwata gezu gakwe lomu ruweni.+

 3 A nga ta tshova lihlanga li khinyekileko,

Ne a nga ta tima kandiya* yi tuvikako musi.+

 4 A nga ta mbhela ntamu ne hambu ku pfotlosiwa kala a yimisa a kululama laha misaveni;+

A zvihlale* zvi rindzela a nayo* wakwe.

 5 Lezvi hi lezvi Jehovha, a Nungungulu wa lisine, a wulako,

A Muvangi wa matilo, ni Wahombe loyi a ma tshambulutileko,+

Loyi a andlalileko misava ni lezvi yi humesako,+

Loyi a nyikako kuhefemula ka vanhu va nga ka yona+

Ni moya ka lava va fambako hehla ka yona:+

 6 “Mina Jehovha, ndzi ku vitanile kululameni;

Ndzi ku khomile hi canja ga wena.

Ndzi ta ku vhikela, ndzi ku nyikela kota civhumelwano ka vanhu,+

Ni kuwonekela ka matiko,+

 7 Kasi u vhulula a matihlo ya zvikhumu,+

U humesa a zvibochwa lomu paxweni

Ni ku va humesa paxweni lava va tshamileko lomu munyameni.+

 8 Hi mina Jehovha. Lego hi gona a vito ga mina;

A ndzi nyikeli a wukulu ga mina ka mun’wani,*

Ne hambu a wudzundzo ga mina ka zvifananiso zvi kehlilweko.+

 9 Wonani! A zvilo zvo sangula zvi mahekile;

Makunu ndza mu byela a zvilo zviswa.

10 Yimbelelani a lisimu liswa ka Jehovha,+

Mu mu dhumisa kusukela magemeta-musi ya misava,+

N’wina lava mu relelako bimbini ni zvontlhe zvi gi tatileko,

N’wina zvihlale* ni lava va hanyako ka zvona.+

11 A ciwula ni madhoropa ya cona zvi wa tlakuse a magezu ya zvona,+

Ni zvidhoropana lezvi Kedhare+ a tshamako ka zvona.

Lava va akileko laha ribyeni va wa kanyuluke hi kutsaka;

Va wa banguleke hi le madembeleni ya zvitsunga.

12 Va wa dzundze Jehovha,

Va huwelela wudzundzo gakwe lomu zvihlaleni.*+

I ta kanyuluka, ina, i ta zwata a guwa ga yimpi;

I ta ti kombisa na a hi wa ntamu nguvhu a ku hundza a valala vakwe.+

A ku fana ni wasati a pswalako,

Hi cikhati caleci ca cin’we ndzi ta keta, ndzi hefemuteka, ndzi tlhela ndziva ni mahika.

15 Ndzi ta hahlula a zvitsunga ni zvitsungana,

Ndzi womisa a tisinya tontlhe ta zvona.

Ndzi ta hundzula a micongo yi maha zvihlale,*

Ndzi pswhisa a mativa ya mati ma teleko hi hlanga.+

16 Ndzi ta rangela zvikhumu ndleleni zvi nga yi tiviko,+

Ndzi zvi maha zvi famba hi tindlela zvi kalako zvi nga se kandzihela.+

Ndzi ta hundzula munyama mahlweni kabye wuva kuwonekela,+

Ndzi lulameta ni wutshamu gi byekeleko.+

17 Va ta tlhelisiwa ndzhako va ku koyo tingana

Lava va tsumbako a zvifananiso zvi kehlilweko,

Lava va byelako a zvifananiso zva simbi,* vaku: “N’wina mu vanungungulu va hina.”+

18 Ingiselani, n’wina zviwiri;

Cuwukani mu wona, n’wina zvikhumu.+

19 Himani a nga cikhumu loku ku nga hi nandza ga mina,

Ni ciwiri ca hombe co kota a cirun’wa ca mina leci ndzi ci rumako?

Himani a nga cikhumu ca hombe co kota loyi a chachazelweko,

Ni ciwiri ca hombe co kota a nandza ga Jehovha ke?+

21 Hi kota ya kululama kakwe,

Jehovha i xalele hi ku dzundza a nayo,* a wu ngangamelisa.

22 Kanilezvi a vanhu lava va phangilwe va tlhela va yiviwa;+

Vontlhe va phasilwe lomu timhakweni, va fihliwa mapaxweni.+

Va phangilwe, va nga kumi wa ku va tlhatlhisa;+

Va yivilwe, na ku nga hi na waku: “Va wuyiseni!”

24 Himani a nga nyikela Jakobe a phangiwa

Na Izrayeli ka vaphangi ke?

Va alile ku famba tindleleni takwe,

Ni nayo* wakwe a va wu ingisangi.+

25 Hikwalaho, i no simama ku chulula a khulo hehla kakwe,

Ni zanga yakwe ni kuleva ka yimpi.+

43 Makunu Jehovha,

A Muvangi wa wena Jakobe, Loyi a ku wumbileko, wena Izrayeli,+ i ngalo:

 2 Laha u tsemakanyako mati, ndzi tava na wena,+

Ni laha u tlhatukako micongo, u nga ta mbombomela.+

Laha u fambako lomu ndzilweni, u nga ta tlahuka,

Ni malangavi ya ndzilo ma nga ta ku hisa.

 3 Hakuva hi mina Jehovha, a Nungungulu wa wena,

Loyi a Basileko wa Izrayeli, a Muhanyisi wa wena.

Ndzi nyikele Gibhite kasi ava hakhelo ya ku ku tlhatlhisa,

Na Etiopia na Sebha kasi ku ku ponisa.

 4 Hakuva wena u wa lisima mahlweni ka mina,+

Wa dzundzeka niku ndza ku randza.+

Hikwalaho, ndzi ta nyikela vanhu wutshan’wini ga wena,

Ni matiko kasi ndzi ponisa a wutomi* ga wena.

Ndzi ta neha a pswalo* wa wena hi le mutsuwuka-gambo

Ndzi ku hlengeleta hi le mupela-gambo.+