Xihundla Xa Litsako Ngangweni

A NGANGO i hlengeletano ya vanhu ya kale ka tontlhe ti tivekako, kanilezi wona wu le mhangweni inyamutlha. A ku­engetela ko tshisa ka kudelelwa ka mimuri yo lahlisa mapimo ni ka mahanyela ma nga hlazekangiko hi tlhelo ga vanhu va nga tangeni yo rama, a ntungu wa masikwana lawa wa kutlhatlhiwa ka wukati ni tihanyi ta laha ngangweni, a kuengetela ka xihatla nguvu ka mingango ya mupswali munwe, ni zikarato zinwani zo nonoha nguvu zi maha vo kari va ti wutisa lezaku xana a wutomi ga ngango gi ta pona ke.

Xana za ha koteka lezaku a ngango wu tiya, wuva wuchavelo ga ziro za wona? Ina, loku a ziro za ngango zi tiva a xihundla xa lisine xa litsako ngangweni. A xihundla lexo a xi fihlalangi. Xi tirisilwe xi tlhela xi woniwa lezaku xa tira khwatsi hi mazana ya malembe yo tala nguvu. Hi xihi a xihundla lexo? A bhuku legi, Xihundla Xa Litsako Ngangweni, gi nyika a hlamulo. Gona kambe gi nyika zikombiso zi vunako za lezi a “xihundla” lexo xi zi kotisako zona a ku tlhatlha a zikarato zo tala za ngango zo nonoha. Xana i kona wo kari inyamutlha a nga ma laviko a mahungu lawo?