Xipanze 6

Xini hi gonzako ka ntalo wa hombe?

Nungungulu i lo lovisa a vakubiha kanilezi a ponisa Noa ni ngango wakwe. Genesisi 7:11, 12, 23

I ngalava yi delukako, a vanhu va ku biha na va mbombomela ni ti tingilosi to kala ku ingisa ti tlhatlhako a mimiri ya tona ya nyama

Ku lona vula hi 40 wa masiku, na yina a wusiku ni mumu, hikwalaho a mati ma lo fenengeta a misava yontlhe. A vanhu vontlhe va kubiha va lofa.

A tingelosi to hluwuka ti lo tsika a mimiri ya tona ya nyama ti hunzuka madimoni.

Noa, ngango wakwe, ni zihari zi humako lomu ngalaveni ni wura ga nyazimbi gi wonekako le tilweni

Lava va nga hi lomu tarwini va lo pona. Hambu lezi Noa ni ngango wakwe va nga guma vafa, Nungungulu i ta va vuxa lezaku va hanya kala kupinzuka.

Nungungulu i ta lovisa kambe a vakubiha a tlhela a ponisa a vanhu va va nene. Mateu 24:37-39

Satani ni madimoni yakwe i tirisa tindlela to hambanahanbana kasi ku khohlwisa vanhu

Satani ni madimoni va ha simama ku khohlisa vanhu.

Inyamutlha, a ku fana ni masikwini ya Noa, a vanhu vo tala va ala a wurangeli ga Jehova ga liranzo. Lokuloku Jehova i ta lovisa vontlhe a vakubiha. — 2 Pedro 2:5, 6.

Timboni ta Jehova ti tirisako Biblia kasi ku chumayela wanuna wo kari; wanuna a lerako a Biblia

A vanhu vo kari va fana na Noa. Va ingisa Nungungulu va tlhela va maha lezi a zi wulako; a vanhu lavo Timboni ta Jehova.