Xana u ta maha kuranza ka Jehova?

Hi bongile hi lezi u ti nyikileko xikhati xa ku gonza a broxura legi kasi ku tiva a Timboni ta Jehova, ku tiva mitiro ya hina, ni ku wona lezi a hlengeletano ya hina yi tirisako zona. Hi alakanya lezaku gi ku vunile a ku hi tiva kota lava va mahako kuranza ka Jehova inyamutlha. Ha ku kuca lezaku u simama ku gonza xungetano hi Nungungulu, u bhulela a maxaka ya wena ni vanghana va wena lezi u zi gonzako, u tlhela u hlengela na hina mitlhanganweni ya hina ya wuKristu. — Maheberu 10:23-25.

U ta wona lezaku laha u yako u gonza zo tala xungetano hi Jehova, u taya u zwisisa lezi yena hakunene a ku ranzisako zona. Lezo zi ta ku kuca a ku maha zontlhe u zi kotako kasi u kombisawo a liranzo la wena ka yena. (1 Johani 4:8-10, 19) Kanilezi, u nga kombisisa kuyini a kuxuva loko wutomini ga wena ga siku ni siku? Hikuyini u zi kotako ku vuneka nguvu hi ku lanzela a milayo yakwe ya mahanyela? Niku zini zi to ku kuca a ku lava ku maha kuranza ka Nungungulu zinwe na hina? A mugonzisi wa wena wa Biblia i ta tsakela ku kambisisa na wena a mihlamulo ya kona kasi wena ni ngango wa wena mu ‘tshama liranzweni la Nungungulu na mu cuwukela a wutomi ga pinzukelwa.’ — Juda 21.

Ha ku kuca hi matsenya lezaku u simama ku kula zineneni hi ku gonza a bhuku “Tshamani Liranzweni La Nungungulu.”