Zileletelo ka vapswali

Hi xihi a xinyikiwo xa chukwana ka zontlhe lexi u nga nyikako vana va wena? Va na ni zilaveko zo tala, zi patsako kuva va ranziwa, va rangelwa, ni ku vikelwa hi wena. Hambulezo, a xinyikiwo xa lisima ka zontlhe lezi u nga nyikako vana va wena wutivi ga Jehova ni ga lisine li kumekako lomu ka Mhaka yakwe, a Biblia. (Johani 17:3) A wutivi lego gi nga vuna vana va wena a ku ranza Jehova ni ku mu tirela hi mbilu yontlhe, hambu loku va ha hi va tsongwani nguvu. — Mateu 21:16.

A vapswali vo tala va wonile lezaku a vanana va va tsongwani nguvu va zwisisa khwatsi timhaka loku va gonziswa zigonzo zo koma. Hikwalaho, ha tsaka hi ku humesa a broxura legi gi nge Zigonzo za mina za Biblia. A xigonzo xinwe ni xinwani xi na ni kungo ga ku gonzisa hi ndlela yo olova. A mifananiso ya broxura legi zinwe ni timhaka ta kona zi longiselelwe nguvunguvu vanana va malembe manharu kuya hasi. Gi na ni mawonela ya lezi mu faneleko ku gi tirisisa zona kugonziseni. A broxura Zigonzo za mina za Biblia a hi nchumu wo hlakanisela hi wona vanana. Kanilezi gi mahelwe kuva nwina mu gi gonza ni vana va nwina lezaku muva ni kubhulisana navo.

Ha tiyiseka lezaku a broxura legi gi ta mu vuna nguvu ka mizamo ya nwina ya ku gonzisa vana va nwina a lisine la Biblia “kusukela wuhlangini.” — 2 Timote 3:14, 15.

Vamakabye va nwina,

Hubye yi Fumako ya Timboni ta Jehova

[Mufota ka phajina 3]