MIHLAMULO YA BIBLIA
Hi gihi a vito ga Nungungulu?
A ziro zontlhe za ngango wa hina zi na ni mavito. Hambu zifuyo za tshuka zi chuliwa mavito! Xana lezo a zi kombi lezaku Nungungulu yenawu za koteka ku ngha a hi ni vito? Lomu ka Biblia, Nungungulu i vitaniwa hi tindlela to tala, to kota Nungungulu Nyamintamu, Hosi ya Hombe, ni Muvangi, kanilezi yenawu i na ni vito. — Gonza Isaya 42:8.
A tixaka to tala ta wuhunzuluseli ga Biblia ti na ni vito ga Nungungulu lomu ka Tisimu 83:18. Hi xikombiso, lomu ka A Biblia Go Basa, a vesi lego gi ngalo: “Hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.”
Hikuyini hi faneleko ku tirisa a vito ga Nungungulu?
Hi tirisa mavito loku hi wulawula ni varanzekako va hina, vo kota vanghana va hina va hombe
Nungungulu i lava lezaku hi tirisa a vito gakwe. Hi tirisa mavito loku hi wulawula ni varanzekako va hina, vo kota vanghana va hina va hombe — nguvunguvu loku va kombela lezaku hi va vitanisa lezo. Xana lezo zi fanele ku hambana loku hi wulawula na Nungungulu? Tlhatakumbiri, Jesu Kristu i kucile vanhu lezaku va tirisa a vito ga Nungungulu. — Gonza Mateu 6:9; Johani 17:26.
Kanilezi, kasi kuva vanghana va Nungungulu, hi fanele ku tiva zo tala xungetano hi yena na ku nga hi vito gakwe ntsena. Hi xikombiso, i tshamisile kuyini Nungungulu? Xana za koteka a ku tshinela ka Nungungulu hakunene? U nga kuma mihlamulo ya ziwutiso lezo lomu ka Biblia.