“Dzunzani a vanhu va kunghahi”

KUSUKELA hi 1992, a Hubye yi Fumako yi yimisa madota ya maKristu ma buvileko kasi ku vunetela a tikometi ta yona a ku khatalela a ntiro wa tona.a A vavuneteli lavo va “tiyivu tinwani,” va nyika xivuno xa hombe ka Hubye yi Fumako. (Joh. 10:16) Vaya ka mitlhangano ya viki ya kometi leyi va avelweko ku tira ka yona, va tlhela va nyika mahungu ni mawonela. A ziro za Hubye yi Fumako zi maha ziboho zo gumesa, kanilezi a vavuneteli va lanzela a wurangeli lego ga kometi va tlhela va tatisa ni xihi xiavelo va nyikiwako. A vavuneteli lavo va famba zinwe ni ziro za Hubye yi Fumako migotsovanyanweni yo hlawuleka ni ya matiko manyingi. Va nga ha nyikwa xiavelo kambe xa ku enzela tihofisa ta ravi kota vayimeli va tsinza ga misava yontlhe.

A munwe wa vavuneteli lavo, loyi a mahako a ntiro lowu kusukela kuyimisweni ka lulamiselo lego, i ngalo: “Loku nzi khatalela a mitiro leyi nzi nyikwako, a Hubye yi Fumako ya zi kota ku veka kupima kontlhe zilweni za moya.” Loku a ehleketa hi makume mambiri ya malembe lawa a nga nawo na a tira kota muvuneteli, a makabye munwani i ngalo: “I lungelo ga hombe nguvu ku hunza zontlhe lezi nzi nga vako nzi zi alakanyele hi mahlweni.”

A Hubye yi Fumako ya va tsumba nguvu a vavuneteli lavo yi tlhela yi bonga a ntiro wa wu nene wu mahiwako hi vamakabye lavo vo tsumbeka ni vo hiseka. Ngha hina hontlheni hi ‘dzunza a vanhu va kunghahi.’ — Fil. 2:29.