Zitiviso

◼ Mabhuku ma to nyikelwa hi Janeiro: Bhuku gihi ni gihi ga kale gi nga ni 192 wa maphajina kutani gihi ni gihi gi humesilweko mahlweni ka 1991. A mabandla ma kalako ma nga hi na mabhuku lawo ma nga ha nyikela a bhuku Conhecimento (loku gi hi kona) kutani broxura Tshamani Na Mu Rinzele! Fevereiro: Existe um Criador Que Se Importa com Você? kutani Xihundla Xa Litsako Ngangweni. Março: Zini Lezi A Biblia Gi Zi Gonzisako Hakunene? Maha mizamo ya ku sangula a zigonzo za Biblia za laha mutini. Abril ni Maio: Marevista A Sentinela ni Despertai! Ku ta mahiwa mizamo yo hlawuleka ya ku enzela lava va ha sangulako ku tsakela va vako kona ka Xialakanyiso ni ka kanelo wa laha kubaseni wo hlawuleka kanilezi va kalako va nga ti tlhanganyisi nguvu ni bandla. A kungo ga maenzo lawo gi fanele kuva ku sangula xigonzo xa Biblia xa laha mutini ni lava va kalako va nga se xi vumela.

◼ Kota lezi Março yi nga ni ntlhanu wa kumbhela ka viki ko tala, yi tava hweti yi nene nguvu kasi ku nghenela ntiro wa wuphayona go vunetela.

◼ Kusukela Fevereiro, kala 2 ka Março, a kanelo wa laha kubaseni lowu wu ta nga vekiwa hi vawoneleli va zipanze wu tava ni hloko ya mhaka leyi yi nge “Onde encontrar ajuda em tempos de aflição?”

◼ A mabandla ma fanele ku maha malulamiselo ma faneleko lezaku mava ni Xialakanyiso xa lembe legi hi Mulongiso, 22 ka Março, anzhako ka kupela ka gambo. Hambu lezi a kanelo wu nga ha sangulako mahlweni ka kupela ka gambo, a zikombiso a zi faneli ku fambisiwa a gambo gi nga se pela. Kambisisani a xikhati lexi a gambo gi pelako hi xona lomu xipanzeni xa nwina. A bandla ginwe ni ginwani gi fanele ku ti karatela ku maha Xialakanyiso na gi hi goce. Hambulezo, lezo a zi nge koteki xontlhe xikhati. Laha a mabandla yo tala ma tolovelako ku tirisa Salawu yinwe ya Mufumo, kuzilava a bandla ginwe kutani kuhunza ma nga ha lava a wutshamu ginwani lezaku ma gi tirisa hi gambo lego. Loku zi koteka, a milongoloko yi fanele ku siyana hi 40 wa timeneti lezaku vontlhe va fela ku vuneka khwatsi hi kuva zinwe ni vamakabye va wuKristu hi xikhati xo kari anzhako ka Xialakanyiso. Ngha mu alakanyela a mpimo wa mimova leyi mu ta nga famba hi yona, wutshamu legi mu ta nga yi veka kona, a ku patsa ni lomu vanhu va ta nga chika kutani ku nghenela kona mimova. A hubye ya madota yi fanele ku boha a malulamiselo lawa ma ta nga tira khwatsi lomu xipanzeni xa nwina.

◼ A vamatsalani va bandla va fanele ku tiyiseka lezaku va na ni carta de designação de pioneiro (S-202) ga phayona ginwe ni ginwani laha bandleni. Loku va nga hi nago, mahani wuxinji mu tsala papilo mu tivisa a hofisa ya ravi.

◼ A kusukela ka viki ga 4 ka Agosto wa 2008, hi ta gonza a bhuku Viva Tendo em Mente o Dia de Jeová ka Xigonzo xa Bhuku xa Bandla. A mabandla ma fanele kuva ni hlayo yi faneleko ya mabhuku lawo na ka ha hi ni xikhati. Lava va nga ka simu ga xiChewa va nga ha gonza a bhuku Achegue-se a Jeová. A mabandla ma fanele ku sangula ku kombela a bhuku legi.

◼ A mabandla ma fanele ku sangula ku kombela a tivolume ta A Sentinela ni Despertai! ta 2007. A tivolume leto ti ta kumeka hi Xingiza ni Xiputukezi. Ku ta tsaliwa ku “Pendente” lomu ka phepha ga xaxameto wa mabhuku kala a mabhuku lawo ma kumeka.

◼ A vawoneleli lava va rangelako mabandla va fanele ku kambisisa lezaku a tsengo wa Wutireli Ga Hina Ga Mufumo lowu va wu amukelako wa enela ku tlhela ku sala go kari. Loku ku hi lezaku ma amukela go tala nguvu, a xikombelo xa bandla xi fanele ku hunguliwa hi ku tirisa a Pedido de Revistas (M-202). Loku mu kari mu amukela gitsongwani nguvu, gonawu gi nga ha engetelwa. A muhuweleli munwe ni munwani i fanele ku amukela a wutireli gakwe. Lava va tolovelako kuta Mutlhanganwini wa Ntiro na va kombisa ku kula laha ka kuza zi woneka lezaku vaya ka kuringanelwa hi kuya wutirelini ga simu vonawu va fanele ku amukela a wutireli. Tiyisekani lezaku mu hlayisa a wutireli ginwe lezaku gi vekiwa ka biblioteka ya laha Salawini ya Mufumo. Lava va susilweko bandleni a va faneli ku nyikiwa a Wutireli Ga Hina Ga Mufumo. (Wona Nosso Ministério do Reino ga Fevereiro wa 1987.)

◼ Mabhuku ma teleko nguvu:

Mimoya Ya Vafileko — Yi Nga Ku Vuna Kutani Yi Nga Ku Mahela Kubiha? Yi Kona Hakunene? — hi xiChuabo, xiLomwe, xiMacua, xiSena ni Xitshwa

Ndlela yi Yako Wutomini ga Pinzukelwa — U Yi Kumile? — hi xiChuabo, xiLomwe, xiMacua, xiSena ni Xitshwa

Tshamani Na Mu Rinzele! — hi xiChuabo, xiMacua, xiSena ni Xitshwa

Wa Zi Kota Kuva Munghana Wa Nungungulu! — hi xiChuabo, xiLomwe, xiMacua, xiSena ni Xitshwa

Zini Lezi Nungungulu A Zi Lavako Ka Hina? — hi xiChuabo, xiLomwe, xiMacua, xiNdau, xiSena ni Xitshwa