Zitiviso

◼ Mabhuku ma to nyikelwa hi Fevereiro: Existe um Criador Que Se Importa com Você? kutani Xihundla Xa Litsako Ngangweni. Março: Zini Lezi A Biblia Gi Zi Gonzisako Hakunene? Maha mizamo ya ku sangula a zigonzo za Biblia za laha mutini. Abril ni Maio: Marevista A Sentinela ni Despertai!. Ku ta mahiwa mizamo yo hlawuleka ya ku enzela lava va ha sangulako ku tsakela va vako kona ka Xialakanyiso ni ka kanelo wa laha kubaseni wo hlawuleka kanilezi va kalako va nga ti tlhanganyisi nguvu ni bandla. A kungo ga maenzo lawo gi fanele kuva ku sangula xigonzo xa Biblia xa laha mutini ni lava va kalako va nga se xi vumela.

◼ Kota lezi Março yi nga ni ntlhanu wa kumbhela ka viki ko tala, yi tava hweti yi nene nguvu kasi ku nghenela ntiro wa wuphayona go vunetela.

◼ A matsalani zinwe ni muwoneleli wa ntiro va fanele ku kambisisa a ntiro wa maphayona wontlhe ya xikhati xontlhe. Loku ku hi lezaku a yo kari za ma karatela ku chiketa a tihora leti ti lavekako, a madota ma fanele ku maha malulamiselo ya lezaku ku nyikiwa xivuno.

◼ A kanelo wa laha kubaseni wo hlawuleka wa nguva ya Xialakanyiso ya 2008 wu tava ni hloko ya mhaka leyi yi nge “Hi Mani Loyi A Ringanelwako Hi Ku Fuma Vanhu?”. Wona a xitiviso xi yelanako ni lexi lomu ka Wutireli Ga Hina Ga Mufumo ga Setembro wa 2007.

◼ Chelani Kota Hi Timhaka Leti Nwina Vawoneleli Va Mabhuku Ni Vamatsalani Va Bandla: A xikhati lexi mu tako mu ta wulawula ni ravi xungetano hi xihoxo xo kari lexi xi mahekileko kurumelweni ka mabhuku, mahani wuxinji muta ni phepha legi gi nga ni xaxameto wa mabhuku ma rumelweko, xontlhe xikhati lexi zi kotekako. Loku mu maha hi ku tsala papilo gita laha ravini, hi wuxinji gi rumeleni zinwe ni kopiya ya phepha lego.

◼ Chelani Kota Hi Timhaka Leti Nwina Vawoneleli Lava Va Rangelako Mabandla: Ka zikhati zo kari, a mapapilo ma rumelwako hi hofisa ya ravi na ma kongoma ka tihubye ta madota ma na ni zileletelo zi nga za lisima ka ntiro wa nanza ga marevista ni ka ntiro wa nanza ga mabhuku kambe. A Vawoneleli Lava Va Rangelako Mabandla va fanele ku tiyiseka lezaku a mahungu lawo ma yisiwa hi xihatla ka vamakabye lavo loku a mapapilo lawo makunu ma gonzilwe.