Zitiviso
◼ Mabhuku ma to nyikelwa hi Março: Zini Lezi A Biblia Gi Zi Gonzisako Hakunene? Maha mizamo ya ku sangula a zigonzo za Biblia za laha mutini. Abril ni Maio: Marevista A Sentinela ni Despertai!. Ku ta mahiwa mizamo yo hlawuleka ya ku enzela lava va ha sangulako ku tsakela va vako kona ka Xialakanyiso ni ka kanelo wa laha kubaseni wo hlawuleka kanilezi va kalako va nga ti tlhanganyisi nguvu ni bandla. A kungo ga maenzo lawo gi fanele kuva ku sangula xigonzo xa Biblia xa laha mutini ni lava va kalako va nga se xi vumela. Junho: Khozela Nungungulu Munwe Wa Zinene.
◼ A munhu wo kari a yimisilweko hi muwoneleli loyi a rangelako bandla i fanele ku kambisisa a timali ta bandla ta tihweti ta Dezembro, Janeiro, ni Fevereiro. A zi faneli ku tirisa a munhu yaloye wa munwe lezaku a kambisisa mali hi makhati yo lanzelana. Loku a mbhetile ku kambisisa, ku fanele ku mahiwa xitiviso bandleni anzako ka kugonziwa ka mubiko wa timali lowu wu lanzelako. — Wona Instruções para as Contas da Congregação (S-27).
◼ A hloko ya mhaka ya gotsovanyano wa muganga wa 2008 yi ngalo “Hi Rangelwa Hi Moya Wa Nungungulu.” A Wutireli Ga Hina Ga Mufumo ga Abril gi ta nyika mahungu yo engeteleka kasi ku ku vuna ku mbhetisela a kulongisela ka wena lezaku uva kona ka zipanze zontlhe za gotsovanyano lowu wa masiku manharu. Loku u hi ni xilaveko xa ku kombela masiku ntirweni wa wena kasi uva kona ka masiku wontlhe ya manharu, u nga kanakani a ku maha lezo.
◼ Kota lezi zi tivisilweko ka Wutireli Ga Hina Ga Mufumo ga Dezembro wa 2007, a mabandla makunu ma nga kombela a Watchtower Library — 2007. Gona gi ta patsa a mabhuku ya maswa lawa ma humesilweko nzeni ka 2007. Hambulezo, a longoloko lowu wu ta hambana ni leyi yinwani hakuva wu nga ta patsa a Watchtower Reader; hakuva a Watchtower Library wu seketelwa ka Watchtower Reader. Mu ta wona lezaku hi tindlela to tala, a longoloko lowo wa olova ku wu tirisa, niku wu na ni matshamela maswa lawa mu ta nga ma tsakela ma tlhela ma maha a xigonzo xa nwina wutsumbu xi bhinzula nguvu. A xikhati lexi mu ta nga yimisa a longoloko lowu wa wuswa lomu ka makomputadori ya nwina, wona wu ta mu kuca lezaku mu gandla a timhaka to kari leti mu ta nga ti veka mahlweni ka nwina a xikhati lexi mu yako mu tolovela a longoloko lowo zinwe ni matshamela ya wona ya maswa. Kasi ku yimisa a Watchtower Library — 2007, a munhu i fanele kuva ni komputadori yi zi kotako ku tirisa a Microsoft Windows 2000, XP, kutani Vista.
◼ A malanza ya marevista ma fanele ku kambisisa a ntsengo lowu ma wu amukelako wa marevista A Sentinela ga xigonzo ni legi ga vanhu vontlhe zinwe ni Despertai! Loku ku hi lezaku mu amukela a yo tala nguvu kutani ya matsongwani nguvu, mu fanele ku lulamisa a mitsengo leyo hi kuhatlisa, hi ku tirisa a formulario Pedido de Revistas (M-202). Tivani lezaku zi nga ha teka tihweti to kari kasi mu sangula ku amukela hi mitsengo leyo.
◼ A mabandla ma fanele ku nyika a vahuweleli a marevista A Sentinela ni Despertai! zalezo ma chikelako. Lezo zi ta vuna a vahuweleli lezaku va tiva lezi zi nga nzeni ka marevista lawo na va nga se ma nyikela ntirweni wa simu. A Wutireli Ga Hina Ga Mufumo gonawu gi fanele ku nyikelwa zalezo gi chikelako.
◼ A hofisa ya ravi a yi amukeli a zikombelo za mabhuku za ku mahiwa hi munhu. A vahuweleli va fanele ku kombela a mabhuku yabye hi ku tirisa bandla. A muwoneleli loyi a rangelako bandla i fanele ku maha malulamiselo ya lezaku ku tivisiwa bandla hweti ni hweti mahlweni ka ku rumela a xikombelo xa mabhuku xa bandla xa hweti ni hweti ka ravi kasi vontlhe lava va lavako mabhuku va fela ku byela makabye loyi a tirisanako ni mabhuku. Mahani wuxinji mu tiva a mabhuku lawa ma nga zikombelo zo hlawuleka. (A bandla gi fanele ku maha xikombelo xo hlawuleka xa mabhuku ntsena loku ku hi ni munhu wo kari loyi a ma kombeleko.) A formulario ya Pedido de Publicações (S-14) yi fanele ku rumelwa hi kuhatlisa hweti ni hweti hambu loku mu lava mabhuku ma tsongwani.
◼ Mabhuku Ya Maswa Lawa Ma Nga Kona:
“Ngona U Nzi Lanzela”(cf) — Chichewa, Cibemba, xiAfrikaans, xiFrança, Xingiza, Xiputukezi, xiShona, Xisuthu, Xitshwa, xiTsonga, xiVenda, xiXhosa, xiZulu
“Ngona U Nzi Lanzela” — Ga Maletela ya Hombe (cflp) — Cibemba, xiFrança, Xingiza, Xiputukezi, Xisuthu, xiXhosa, xiZulu
“Viva Tendo em Mente o Dia de Jeová” — Tipo Grande (jdlp) — Xiputukezi