Zitiviso

◼ Mabhuku ma to nyikelwa hi Novembro: Zini Lezi A Biblia Gi Zi Gonzisako Hakunene? Ti karateleni ku sangula a zigonzo za Biblia. Dezembro: Bhuku Ga Mina Ga Mahungu Ya Biblia. Janeiro wa 2009: Zini Lezi A Biblia Gi Zi Gonzisako Hakunene? Loku ku hi lezaku a venyi va miti va sina va hi nago, a vahuweleli va nga ha nyikela a bhuku gihi ni gihi ga kale gi nga ni 192 wa maphajina kutani gihi ni gihi gi humesilweko mahlweni ka 1992. Fevereiro: Khozela Nungungulu Munwe Wa Zinene kutani Xihundla Xa Litsako Ngangweni. Março: Zini Lezi A Biblia Gi Zi Gonzisako Hakunene? Ti karateleni ku sangula a zigonzo za Biblia.

◼ A vahuweleli vontlhe lava va kalako va nga se tatisa a kartao Diretrizes Antecipadas Relativas a Tratamentos de Saúde e Outorga de Procuração (DPA) va fanele ku maha lezo. A kartao legi gi vikela a fanelo ya wena ya ku ala a ku cheliwa nkhata. A madota ma ta nyika xivuno ka munhu ni munhu loku zi laveka. — Wona a xiengetelo xa Nosso Ministério do Reino ga Novembro wa 2006.

◼ A ravi gi na ni xilaveko xa kuva ni makhero ni tinombora ta titelefone leti ti tirisiwako zalezi hi vawoneleli vontlhe lava va rangelako bandla zinwe ni vamatsalani. Loku ku tshuka kuva ni kucica ka xikhati xihi ni xihi, a Kometi ya Ntiro ya Bandla yi fanele ku tatisa, yi sayina yi tlhela yi rumela a formulario Mudança de Endereço do Superintendente Presidente/Secretário (S-29) ka ravi hi xihatla. Lezi zi patsa a kucica kwihi ni kwihi ka tikodigo ta telefone lomu xipanzeni.

◼ Ku tala ku mahiwa zitiviso za lisima lomu ka Wutireli Ga Hina Ga Mufumo xungetano hi makombelela ya mabhuku. A malanza ya mabhuku ma fanele ku gonza zitiviso lezo zalezo ma amukelako a kopiya yabye ya Wutireli Ga Hina Ga Mufumo kasi ma lanzela a zileletelo lezo hi xihatla.

◼ Hi lava ku alakanyisa a vahuweleli lezaku a mabhuku yo tsaliwa hi Braile ma dura nguvu a ku ma gandla. I lungelo ga hina a ku maha minyikelo ya ku vunetela a kugandliwa ka mabhuku lawo. A xikhati lexi a sayinako a Pedido de Publicações (S-14), a matsalani wa bandla i fanele ku tiyiseka lezaku a mabhuku lawo ma kombelelwa a vahuweleli kutani zigonzani za Biblia lezi zi kulako hi tlhelo ga moya. Yena i fanele ku zi kombisa hi kudlunyatekileko lomu ka S-14 lezaku i kambisisile khwatsi a zikombelo lezo a tlhela a zi vumela. Lava va amukelako a A Sentinela kutani Despertai! hi Braile vonawu va fanele ku alakanyela a timali leti ti tirisiwako.

◼ Xialakanyiso ka Malanza ya Marevista: A vo kari va wutisa lezaku hi rini va faneleko ku rumela a zikombelo zo hlawuleka za marevista manwani kasi ku ma tirisa ka ntiro wo hlawuleka ka tihweti ta Março, Abril, ni Maio wa 2009. Lezi zi nga nayweni hi lezaku a zikombelo zo hlawuleka zi fanele ku rumelwa na ka ha sele a tihweti tinharu hi kutsongwani ka kona. Hi xikombiso, a zikombelo za marevista ya Março zi fanele ku rumelwa hi Dezembro, a ya Abril hi Janeiro, a ya Maio hi Fevereiro. Loku ku amukelwa a xikombelo xo celwa, xona xi nga ha ciciwa, ku rumelwa a marevista ya hweti yi lanzelako hakuva a ku na marevista ma tshamako na ma hi kona. Hi lava ku potsa a ku hlamula zikombelo za kwalaha ni kwalaha. Hi kota ya lezo, mahani wuxinji mu rumela zikombelo na ka ha hi ni xikhati.

◼ A mabandla makunu ma nga kombela a Watchtower Library — 2008 (cdly08). Lexi xikombelo xo hlawuleka, xi faneleko ku mahiwa hi ziro zi bapatizilweko za bandla niku xi hlamuliwa ntsena hi ku tirisa bandla. A gi faneli ku avelwa vanhu laha va yileko kutani lava ntsena va kombisako ku tsakela a Timboni ta Jehova. A vahuweleli lava va tirisako nguvu a Watchtower Library na va nga ha tirisi a tivolume va fanele ku alakanyela khwatsi lezaku xana va na ni xilaveko xa ku kombela a tivolume ke. A Watchtower Library — 2008 gi ta kumeka hi Xichina (a ku patsa ni Xichina Xi Hehukisilweko), Xifrança, Xingiza ni Xiputukezi.

◼ Mabhuku Ya Maswa Lawa Ma Nga Kona:

Anuário das Testemunhas de Jeová (yb09) — Xishona

[Magezu yo koka kupima ka phajina 2]

(Yi simama ka p. 3, kol. 1)

[Magezu yo koka kupima ka phajina 3]

Zitiviso (Yiya mahlweni)