Zitiviso

◼ Mabhuku ma to nyikelwa hi Janeiro: Zini Lezi A Biblia Gi Zi Gonzisako Hakunene? Loku ku hi lezaku a venyi va miti va sina va hi nago, a vahuweleli va nga ha nyikela a bhuku gihi ni gihi ga kale gi nga ni 192 wa maphajina kutani gihi ni gihi gi humesilweko mahlweni ka 1995.

◼ Kusukela Fevereiro, a kanelo wuswa wa laha kubaseni lowu wu ta nga vekiwa hi vawoneleli va zipanze wu tava ni hloko ya mhaka leyi yi nge “O que o Reino de Deus está fazendo por nós agora?”

◼ A Nayo wa Wusochwa wa lomu Moçambique wu laya lezaku a zisumbulwa zontlhe za Moçambique zi ti tsalelisa a wusochwa loku zi tlhanganyisa a 18 wa malembe. Hi nayo, a xitsalela lexo xi mahiwa kusukela 1 ka Janeiro kala 28 ka Fevereiro lembe ni lembe. A madota ma fanele ku alakanyisa a vahuweleli lava va nga kusuhani ni ku tlhanganyisa a 18 wa malembe.

◼ A mabandla ma fanele ku maha malulamiselo ma faneleko lezaku mava ni Xialakanyiso xa lembe legi hi wa Wumbiri, 30 ka Março, anzhako ka kupela ka gambo. A bandla ginwe ni ginwani gi fanele ku ti karatela ku maha Xialakanyiso na gi hi goce. Laha a mabandla yo tala ma tolovelako ku tirisa Salawu yinwe ya Mufumo, kuzilava a bandla ginwe kutani kuhunza ma nga ha lava a wutshamu ginwani lezaku ma gi tirisa hi gambo lego. Loku zi koteka, a milongoloko yi fanele ku siyana hi 40 wa timeneti lezaku vontlhe va fela ku vuneka khwatsi hi kuva zinwe ni vamakabye anzhako ka Xialakanyiso.