Zitiviso

◼ Mabhuku ma to nyikelwa hi Março: Zini Lezi A Biblia Gi Zi Gonzisako Hakunene? A vahuweleli va fanele kuva ni kungo ga ku sangula a xigonzo xa Biblia lomu va siyako a bhuku legi kutani lomu a venyi va muti va sinako va hi nago.

◼ A Xialakanyiso xi ta mahiwa hi wa Wumbiri, 30 ka Março wa 2010. A tisimu leti ti to tiriswa ka Xialakanyiso i 8 ni 109, ta lomu ka bhuku giswa ga tisimu. Loku a bandla ga nwina gi maha mitlhangano hi wa Wumbiri, ku fanele ku mahiwa mizamo ya ku cica a mitlhangano ya siku lego yiya ka ginwani siku. Lomu a mabandla yo tala ma hlengelako a Salawu ya Mufumo na zi nga koteki a ku cica a mitlhangano yiya ka siku ginwani, zi nga hava chukwana a ku nga yi mahi. A zipanze za Mutlhangano wa Ntiro lezi zi yelanako nguvu ni zilaveko za bandla ga nwina zi nga ha patsiwa ka Mutlhangano wunwani wa Ntiro.

◼ A kanelo wo hlawuleka wa laha kubaseni wa nguva ya Xialakanyiso xa 2010 wu nga ni hloko ya mhaka “A Kurula Ka Lisine Ni Kutshamiseka Zi Ta Koteka Rini?” wu ta vekiwa ka viki gi sangulako hi 12 ka Abril wa 2010.

◼ Hi Mulongiso wa 3 ka Abril wa 2010 a vahuweleli vontlhe va rambiwa lezaku va hlengela ka tsima go hlawuleka ga ku nyikela A Sentinela go hlawuleka ga 1 ka Abril wa 2010. Anzhako ka lezo va ta simama a ku nyikela a revista legi go hlawuleka nzeni ka Abril.