Lezi Hi Nga Zi Wulako Hi Marevista

A Sentinela ga 1 ka Março

Gonza Eksodusi 20:15, zonake uku: “Hambu lezi a votala va ti karatelako a ku lanzela a xilayelo lexi, a vokari va alakanya lezaku a kuyiva ni tinwani tixaka ta kukanganyisa zi nga ha vumelelwa ka ziyimo zo nonoha nguvu. Hi wahi a mawonela ya wena? [Rinzela hlamulo.] A nzima leyi yi wulawula hi mabhinzu ya kuva wo tsumbeka a xikhati xontlhe.” Mu kombe a nzima leyi yi sangulako ka phajina 12.

Despertai! ga Março

“A votala va kombisa xichawo hi Biblia kanilezi va alakanya lezaku a wunyingi ga mahungu ya gona a ma ha tiri masikwini ya hina. Xana u zi wonisa kuyini? [Rinzela hlamulo, zonake u gonza Va Le Roma 15:4.] A nzima leyi yi tlhamusela lezi zi mahako lezaku hambu a zipanze za Biblia lezi zi tsalilweko kale zi simama zi tira.” Mu kombe a nzima leyi yi sangulako ka phajina 28.

A Sentinela ga 1 ka Abril

“Loku va wutisiwa xungetano hi munhu wa ndhuma ka vontlhe matinwini, a votala va xungeta Jesu. Xana wenawu u alakanyela yena? [Rinzela hlamulo.] Wona a ku hikuyini hi faneleko ku hambanyisa a mawonela yo hambanahambana xungetano hi yena kasi hi gonza a zinene. [Gonza Johani 17:3.] A Sentinela legi go hlawuleka gi komba lezi a Biblia gi zi wulako hi lisine la kona xungetano hi Jesu ni tigonzo takwe.”

Despertai! ga Abril

“Zi wonekisa ku khwatsi a hi na xikhati xo enela xa ku tatisa zontlhe lezi hi zi lavako ku maha. A hi zona ke? [Rinzela hlamulo.] A votala va wona lezaku a wusungukati legi ga vuna. [Gonza Va Le Filipi 1:​10.] A revista legi gi nyika mawonela yo kari ya lisima lawa ma to hi vuna a ku tirisa khwatsi a xikhati xa hina.”