Lezi Hi Nga Zi Wulako Hi Marevista

A Sentinela ga 1 ka Junho

“A vanhu vo tala va ranga hi ku hlahluva na va nga se maha ziboho. Xana u alakanya lezaku a vavumbi va khumba a wutomi ga hina? [Rinzela hlamulo.] Hi nga wona lezaku a Biblia gi wulawula hi tindlela to tsalangana ta ku vumba. [Gonza Deuteronome 18:10-12.] A nzima leyi yi komba a mawonela ya Biblia ka yinwe ya tindlela leto.” Mu kombe a nzima yi sangulako ka phajina 18.

Despertai! ga Junho

“A kutala ka zikhati a tichechi ti teka mali hi ku bapatiza, ku chadisa, ni ku lahla a vafileko. Hi mawonela ya wena, xana lezo za fanela ke? [Rinzela hlamulo.] Cuwuka a zileletelo lezi Jesu a nga nyika a vapizani vakwe. [Gonza Mateu 10:7, 8b.] A nzima leyi yi komba lezi a Biblia gi zi wulako xungetano hi kuva a wukhongeli gi hakhelisa mali ka mitiro leyi gi yi mahako.” Mu kombe a nzima yi sangulako ka phajina 22.

A Sentinela ga 1 ka Julho

“A vanhu vo tala va vitana a wa Ntamu-wontlhe kota Nungungulu ntsena. Kanilezi, xana wa zi tiva ku ngalo a Biblia ga hi byela a vito ga Nungungulu? [Rinzela hlamulo, zonake u gonza Isaya 42:8a.] A revista legi gi tlhamusela a xivangelo xa kuva a vito ga Nungungulu gi susilwe ka wuhunzuluseli go kari ga Biblia niku zi wula yini a ku tiva Nungungulu hi vito.”

Despertai! ga Julho

“A makumela ya za kutihanyisa ma vanga kukarateka ka hombe. Lava va nga hiko na mitiro va karateka, lava va tirako va chava a ku mbhelelwa hi ntiro. U zi wonisa kuyini? Xana legi wusungukati gi nene ga ku hi vuna a ku yimisana ni xiyimo lexo? [Gonza Mateu 6:34, zonake u rinzela hlamulo.] A revista legi gi nyika mawonela ya lisima xungetano hi mahlayisela ya mali ya hina ni ku tiva a ku ti khoma.”