A Kalendari Ga 2011 Gi Khanyisa A Wukhozeli Ga Ngango

A mhaka-tshinya ya kalendari ga Timboni ta Jehova ga 2011 Wukhozeli ga Ngango. A kalendari legi gi kombisa a mingango ya xikhati lexi ni ya xikhatini xa kutsaliwa ka Biblia. Gi tlhela gi kombisa a mipatswa ya vatekani ni magwenza va nga malanza ya Jehova na va gonza a Mhaka yakwe.

A vanhu lava ku wulawuliwako hi vona lomu ka Biblia, va kombiswako ka kalendari legi, va wa tsakela a nayo wa Jehova, niku lezo zi wa hi za lisima hakuva zi wa va vuna a ku yimisana ni zikarato zabye. (Tis. 1:2, 3) A xikhati lexi hi kambisisako a mufananiso wunwe ni wunwani, hi ta alakanyiswa hi lisima la Wukhozeli ga Ngango, kani hi lumba a ngango wa hombe kutani wa wutsongwani, hi ka wukhongeli ginwe kani hi hambanile hi wukhongeli. Ku vekilwe wutshamu ka kalendari lezaku u tsala a siku legi a ngango wa wena wu gi vekiseleko a Wukhozeli ga Ngango. Xana u tatisile a matshamu lawo ke?