Zitiviso

◼ Mabhuku ma to nyikelwa hi Abril ni Maio: A Sentinela ni Despertai! Loku mu enzela lava va kombisileko kutsakela, zinwe ni lava va nga tile Xialakanyisweni kutani mitlhanganweni yinwani ya bandla kanilezi va kalako ku ti tlhanganyisa nguvu ni bandla, ti karateleni a ku va nyika a bhuku Zini Lezi A Biblia Gi Zi Gonzisako Hakunene? A kungo ngha ku hi ku sangula a xigonzo xa Biblia.

◼ A longoloko wa mitlhangano ya viki go gumesa mahlweni ka gotsovanyano wu nga ha ciciwanyana kasi ku vuxeta zileletelo ni zikhumbuxeto za gotsovanyano. Loku ku hunzile a hweti yinwe kutani timbiri, mu nga ha tirisa a xikhati xa zilaveko za bandla kasi mu vuxeta a timhaka leti a vahuweleli va ti wonako na ti hi ni xivuno wutirelini.

◼ Kusukela hi Maio, a mabandla wontlhe ma fanele ku tirisa a Mulongiso wo sangula wa hweti ni hweti kasi ku sangula a zigonzo za Biblia. A xaxamelo wa A Sentinela lowu wu nge ‘Gonza Ka Mhaka Ya Nungungulu’ wu mahelwe ku vuna vahuweleli mhakeni leyi. A phajina go gumesa ga Wutireli Ga Hina Ga Mufumo gi tava ni zingheniso za hweti yi to lanzela, zinwe ni ndlela ya ku sangula a zigonzo za Biblia ka Mulongiso wo sangula.

◼ Hi tsakela ku mu tivisa lezaku A Sentinela gi ta sangula ku huma hi xiTshwa khati ginwe hi hweti kusukela ka wugandli ga 1 ka Julho wa 2011. Gi tava ni tinzima ta Xigonzo xa viki ni viki xa A Sentinela zinwe ni tinzima tinwani ti mahelweko vanhu vontlhe. Loku mu lava A Sentinela legi kasi ku gonza ni ku nyikela sinwini, kombelani hi ku tirisa a bandla.