Zitiviso

◼ Mabhuku ma to nyikelwa hi Junho: Zini Lezi A Biblia Gi Zi Gonzisako Hakunene? Loku ku hi lezaku a venyi va miti va sina va hi nago, a vahuweleli va nga ha nyikela ni gihi bhuku ga kale gi nga ni 192 wa maphajina kutani ni gihi gi humesilweko mahlweni ka 1995. Julho ni Agosto: Broxura gihi ni gihi ga 32 wa maphajina legi gi kokako kupima ka vanhu xipanzeni xa nwina xikari ka lawa ma kombisilweko ka phepha ga zitiviso za tihweti ta Junho kala Agosto.

◼ A maBiblia ya xiChuabo, xiMacua, xiNdau, xiSena ni xiTshwa a ma humesiwi hi hlengeletano ya Jehova, hikwalaho ma xaviwa ka tinwani tihlengeletano. Kota lezi a mali yi lavekako kasi ku xava a maBiblia lawa yi hunzako a 180,00 MT, ma nga kombeliwa hi bandla kota xikombelo xo hlawuleka xi mahelwako vahuweleli va bapatizilweko ni va nga bapatizwangiko hambu ni zigonzani za Biblia zi kulako hi tlhelo ga moya na zi nga hi na Biblia. Lava va ringanelwako ku amukela a Biblia a va faneli ku tizwa na va kurumeteka ku maha munyikelo wu ringanako a ntsengo wa ku xava a Biblia loku a ziyimo zabye zi nga va vumeleli. A munwe ni munwani a nga maha munyikelo hi kuyelana ni makotela yakwe. (2 Kor. 9:7) Tivani lezaku a zipanze zo kari za maBiblia lawa za hambana ni za tirimi leti a Biblia gi nga sangula ku tsaliwa hi tona, niku a manwani ma na ni mitsalo yi nga pimiselwangiko hi Nungungulu (livros apócrifos).

◼ A longoloko wa mitlhangano ya viki legi gi lanzelwako hi gotsovanyano wa muganga wu nga ha ciciwa lezaku ku vuxetwa a zileletelo ni zialakanyiso xungetano hi gotsovanyano. A hweti yinwe kutani timbiri anzhako ka gotsovanyano wa nwina, ku nga tiriswa a xipanze xa zilaveko za bandla kasi ku vuxeta timhaka-tshinya ta gotsovanyano leti a vahuweleli va ti wonako na ti vuna wutirelini.