Zitiviso
◼ Mabhuku ma to nyikelwa hi Setembro: Zini Lezi A Biblia Gi Zi Gonzisako Hakunene? Ti karatele ku sangula zigonzo za Biblia ka lienzo lo sangula. Loku a venyi va muti va sina va hi nago a bhuku legi na va nga vumeli a xigonzo xa Biblia, a vahuweleli va nga ha nyikela a revista ga kale kutani broxura gihi ni gihi legi a venyi va muti va gi tsakelako. Outubro: Marevista Murinzeli ni Despertai! Lomu va kombisako kutsakela, va nyike a xitlukana Xana Wa Zi Lava Ku Tiva A Zinene?, u tlhela u ti karatela ku sangula a xigonzo xa Biblia.
◼ A kanelo yo hlawuleka ya laha kubaseni ya nguva ya Xialakanyiso xa 2012 yi ta vekiwa hi viki ga 2 ka Abril. A hloko ya mhaka ya kanelo leyo yi ta tivisiwa hi kufamba ka xikhati. A ku na bandla gi vumelelwako ku veka a kanelo leyi mahlweni ka siku ga Xialakanyiso.
◼ A vahuweleli lava va to tira kota maphayona yo vunetela hi Março wa 2012 va tava ni ku hlawula ku tira a 30 kutani 50 wa tihora ka hweti leyo. Ahandle ka lezo, loku a muwoneleli wa xipanze a enzela a bandla ga nwina hi Março, vontlhe lava va tirako kota maphayona yo vunetela, kani va 30 kutani 50 wa tihora, va rambiwa lezaku vava kona ka mutlhangano wontlhe wu to mahiwa hi muwoneleli wa xipanze ni maphayona ya xikhati xontlhe.
◼ Hi Setembro, a vawoneleli va xipanze va sangulile ku veka a kanelo ya laha kubaseni yi nga ni hloko ya mhaka “Patsana Ni Vanhu Va Kutsaka Va Nungungulu.”
◼ Hi alakanyisa a vatlhanganyisi va mabhuku lezaku a zikombelo za mabhuku zi na ni mimbhingano kasi ku potsa a mhaka ya ku tshuka mu phazama mu kombela mitsengo ya hombe na mu nga zi lavi. A zikombelo lezi zi hunzako a mimbhingano leyo zo tekela ku hunguliwa. Hikwalaho, loku mu hi ni xilaveko xa ku kombela mabhuku yo tala, mahani wuxinji mu hi rumelela a tlhamuselo wa kona kutani ku tsala a tlhamuselo wo koma kwalaha ka formulario Pedido de Publicações (S-14-T).