Timhaka-tshinya Ta Ntiro Wa Simu

Kota hlamulo wo dzunzeka wa xikombelo xa Hubye yi Fumako xa ku engetela a ntiro wa hina hi Abril, hi vile ni hlayo ya hombe nguvu ya maphayona yo vunetela a ku hunza tinguva tontlhe, a 5.724 wa wona, ku nga kuengeteleka ka 4.500 wa maphayona hehla ka hlayo hi vileko nayo ka 12 wa tihweti ta mahlweni ka Abril wa 2011. Ahandle ka lezo, hambu lezi a mabandla yo kari ma nga kala ma nga se rumela a mibiko yabye a xikhati ku nga longiselwa a mahungu lawa, a mizamo yi mahilweko kasi ku ramba vatsakeli lezaku vata Xilalelweni yi hi tisele a hlayo ya hombe ya 260.833 wa vanhu, ku nga hlayo yi hunzako hi ntlhanu wa makhati a ntsengo wa vahuweleli. A kuseketela ka nwina a kuhangalaswa ka “ivangeli leyi ya mufumo” hi Abril ku kombisa a liranzo la nwina ni kubonga ka nwina Jehova na Jesu Kristu. — ⁠Mat. 24:⁠14.