Zitiviso

◼ Mabhuku ma to nyikelwa hi Setembro ni Outubro: A Murinzeli ni Despertai! A xikhati lexi mu mahako maenzo yo wuyela nyikelani a bhuku A Biblia Gi Gonzisako. Loku mu zi wona na zi hi chukwana, mu nga nyika a munhu loye a broxura Ingisa Nungungulu Kasi U Hanya Kala Kupinzuka kutani Ingisa Nungungulu mu tlhela mu ti karatela ku sangula zigonzo za Biblia.

◼ Kusukela hi Setembro, a kanelo ya laha kubaseni yi to vekiwa hi vawoneleli va xipanze yi na ni hloko ya mhaka “A ku famba na Nungungulu zi tisa makatekwa ka xikhati lexi ni kala kupinzuka.”

◼ Kota lezi a lembe ga ntiro ga 2012 gi yako kumbheleni, hi alakanyisa a vahuweleli vontlhe lezaku va nyikela a mibiko yabye ya ntiro wa simu ka muwoneleli wabye wa ntlawa neti yi mbhela a hweti. Hi ku maha lezo, a munwe ni munwani wa hina i ta vunetela kumahiweni ka mubiko wu tiyisako ni wa lisine wa hweti ya Agosto.

◼ A madota ma alakanyisiwa lezaku ma lanzela zileletelo zontlhe zi nyikiwako ka A Sentinela ga 15 ka Abril wa 1991, maphajina 21-23 xungetano hi munhu wihi ni wihi a susilweko bandleni kutani a ti susileko ha yece loyi kuzilava a byekelelako ku wuya bandleni.

◼ Hi kota ya mitiro yi patsako a ngango wontlhe wa Beteli zinwe ni kubasisa ka hina ka lembe ni lembe loku ku mahiwako kusanguleni ka ximumu, a Beteli yi ta valiwa ka masiku lawa ma lanzelako: Wazihlanu wa 21 ka Setembro wa 2012 ni Wazihlanu wa 21 ka Dezembro wa 2012. Hikwalaho, zi nga ta koteka a ku kombakomba vanhu a yindlu ya Beteli ka masiku lawo. Ha mu bonga hi kuzwisisa ka nwina.