Zingheniso

Kasi ku sangula zigonzo za Biblia hi Mulongiso wo sangula wa Julho

“Ko khwatsi a vanhu vontlhe laha xipanzeni xa hina va tsakela ku hanya wutomi go leha ni go tsakisa. Hikwalaho hi tsakela kuzwa mawonela ya wena ka xiwutiso lexi: U alakanya ku a siensia ni zipitali zi ta tshuka zi zi kota ku hi maha hi hanya kala kupinzuka? [Rinzela hlamulo.] Hi nga wona lezi zi wuliwako laha.” Mu kombe a kapa ya lenzhako ka Murinzeli wa 1 ka Julho, u kambisisa naye a timhaka ti nga hasi ka xiwutiso xo sangula ni mutsalo wunwe wu kumbukilweko hi wutsongwani ga kona. Mu nyike a marevista mu tlhela mu veka siku go ta bhula hi xiwutiso xi lanzelako.

Xialakanyiso: A xingheniso lexi xi fanele ku kombisiwa ka mutlhangano wa ntiro wa simu hi 6 ka Julho.

A Murinzeli wa 1 ka Julho

“A vanhu vo tala hi bhulako navo va na ni wukhongeli gabye. Kanilezi va kona va wulako lezaku a va ha gi tsumbi wukhongeli. Wena u gi wonisa kuyini a wukhongeli? [Rinzela hlamulo.] Jesu i hi nyikile tshinya ga nayo kasi ku hi vuna ku hlola a wukhongeli. [Gonza Luka 6:44a.] A revista legi gi wulawula hi mihanzu yo kari yo biha yi pswaliwako hi wukhongeli. Ga tlhela gi hlamula a xiwutiso lexi: Xana gi kona wukhongeli go tsumbeka ke?”

Despertai! ga Julho

“Hi enzela a vaakelani va hina kasi ku bhula hi nchumu lowu vanhu vontlhe va karatekako hi wona — ku nga wubihi. A vokari va zama ku mbheta wubihi hi ku maha zitereka. U alakanya ku a vanhu va ta zi kota ku cica nchumu? [Rinzela hlamulo.] Wona lezi a Biblia gi wulako lezaku hi zona zi to mbheta a wubihi misaveni. [Gonza Mateu 6:9, 10.] A revista legi gi hlamula a xiwutiso lexi, Xana a zitereka hi zona zi to mbheta wubihi?”

Mahungu yo Saseka ya Nungungulu!

“Hi enzela a mingango ya xipanze lexi kasi ku yi bhulela a mahungu yo kari ya Biblia ma tiyisako hlana. A vanhu vo tala hi bhulako navo va ti wutisa ku kasi a Nungungulu wa liranzo a nga tsikela yini vanhu va xaniseka ke. U alakanya ku a kungo ga Nungungulu a xikhati a nga maha misava gi wa patsa a kuxaniseka ka vanhu?” Rinzela hlamulo. Vulula a xigonzo 5, mu gonza mu tlhela mu bhulisana hi tinzimana timbiri to sangula zinwe ni mitsalo leyi yi byeketilweko. Mu nyike a broxura, mu tlhela mu boha siku ga ku ta bhulisana hi xiwutiso xi timisilweko lexi xi lanzelako.