Vidiyu yiswa ya ku sangula a zigonzo za Biblia

A vidiyu yo koma yi nga ni hloko ya mhaka Hikuyini u faneleko ku gonza a Biblia? yi kari yi woniwa hi vanhu vo tala lomu ka site jw.org. A vidiyu leyi yi mahelwe a ku kuca vanhu va tsakelako lezaku va amukela xigonzo xa Biblia xa mahala. Yi nga kumiwa hi ku hlawula laha ka xipanze lexi xi nge “Peça um estudo bíblico” (Kombela xigonzo xa Biblia) lomu ka site jw.org kutani ku maha scan hi QR ku nga xifungo xi gandlilweko lenzhako ka ziphephana zontlhe za ziswa. Wona tindlela to kari ta lezi hi nga tirisisako zona khwatsi a vidiyu leyi.

• A xikhati lexi u mahako maenzo yo wuyela, mu byele lezi nwinyi wa muti: “Nzi nga ku komba a vidiyu yo koma leyi yi tlhamuselako lezi u nga yi kumisako zona a mihlamulo ya lomu ka Biblia?” Loku a vumela, mu kombe a vidiyu lomu ka muchini wa wena wa ku fambafamba nawo kutani lomu ka komputadori wakwe.

• Loku hi nyikela a xinwe xa ziphephana ziswa ka wukustumunyu ga xitshuketi kutani ga laha kubaseni, ngha hi mu komba xifungo xa QR hi tlhela hi mu kuca a ku maha scan hi muchini wakwe. Kota lezi ka tirimi to tala a xifungo xa QR xi tekelako a ku ku yisa ka vidiyu ka site ya hina, zi nga ha koteka ku bisa vidiyu ka xikhati xalexo hi ku tirisa a muchini wa wena.

• Byela vatiri-kuloni, zigonzani-kuloni, maxaka, ni vanwani u tivanako navo xungetano hi vidiyu, u tlhela u va komba. Kutani ku va rumelela mahungu ya ku va kongomisa ka vidiyu leyi, u tlhela u va kombela lezaku va yi hlalela lomu ka michini yabye.

Hi ku tirisa a lulamiselo legi ga giswa, hi nga ha sangula zigonzo zo tala za Biblia, hi vuna hi tlhelo ga moya ‘lava va ti yimiseleko wutomi ga pinzukelwa.’ — Miti. 13:48.