Zitiviso

◼ Mabhuku ma to nyikelwa hi Novembro ni Dezembro: Zini Lezi A Biblia Gi Zi Gonzisako Hakunene? kutani xinwe xa ziphephana za hina za ziswa kutani xiphephana Tiva Zinene. Janeiro ni Fevereiro wa 2015: Mahungu yo Saseka ya Nungungulu! kutani ginwe ga mabroxura ma lanzelako ya 32 wa maphajina: Ingisa Nungungulu, Ingisa Nungungulu Kasi U Hanya Kala Kupinzuka, Wa Zi Kota Kuva Munghana Wa Nungungulu. Março ni Abril: Marevista A Murinzeli ni Despertai!.

◼ A Xialakanyiso xa 2016 xi ta mahiwa hi Wazihlanu wa 3 ka Abril wa 2016.

◼ Kusukela 1 ka Janeiro wa 2015, a lulamiselo ga ku tirisa a Mulongiso wo sangula wa hweti yinwe ni yinwani kasi ku sangula zigonzo za Biblia gi ta fuva. Hambulezo, a vahuweleli va nga ha nyikela a marevista a ku fana ni lezi va mahako ka Milongiso le’yinwani. Hi nga ha sangula zigonzo za Biblia ni ka gihi siku ga hweti, hi ku tirisa marevista kutani mabhuku manwani ya xigonzo.

◼ A maferiya ya kumbhela ka lembe ma nyika vaswa a lungelo ga ku tira kota maphayona yo vunetela hi hweti yinwe kutani ku hunza. Hi kuca a vaswa lavo ni vontlhe lava a ziyimo zabye zi va vumelelako lezaku va maha makungo na ka ha hi mahlweni kasi ku nyikela zikombelo zabye na xikhati xa ha vumela lezaku a Kometi ya Ntiro ya Bandla yi kombela marevista yo enela zinwe ni mabhuku manwani. A mavito ya vontlhe lava va to vumelelwa ku tira kota maphayona yo vunetela ma fanele ku tivisiwa laha bandleni.  —  od-T p. 113.

◼ A Nayo wa Wusochwa wa lomu Moçambique wu kurumeta ku a zisumbulwa zontlhe za Moçambique zi ti tsalelisa wusochwa loku zi tlhanganyisa a 18 wa malembe. Hi nayo, a xitsalela lexo xi mahiwa kusukela 1 ka Janeiro kala 28 ka Fevereiro lembe ni lembe. A madota ma fanele ku alakanyisa a vahuweleli lava va nga kusuhani ni ku tlhanganyisa a 18 wa malembe.