Timhaka-tshinya ta ntiro wa simu

Hambu lezi a ku xumayela a mahungu yo saseka zi hi nyikako litsako, hi tlhela hi engetela ku tsaka loku hi gonzisa munhu lisine ni ku mu vuna ku li zwisisa. Litsako la hombe ku mu tivisa lezaku hi Abril ku fambisilwe a 96.057 wa zigonzo za Biblia niku ku nyikelwe a 49.337 wa mabhuku. A ntsengo lowu wa hombe ku hunza malembe ma hunzileko wu komba lezaku Jehova wa katekisa a kutikarata loku hi ku mahako kasi ku tatisa a xileletelo xa Jesu xi nga ka Mateu 28:19, 20. A ntsengo lowo wu komba kambe lezaku ka ha hi ni ntiro wa hombe wu faneleko ku mahiwa xipanzeni xa hina. Ngha muhuweleli munwe ni munwani a ti yimisela ku simama a vuna vanhu lavo va vaswa ni vanhu vanwani va timbilu ti nene lezaku va tiva lisine leli li yisako wutomini ga pinzukelwa va tlhela va famba na hina ndleleni leyo.