MAHANYELA YA WUKRISTU

A nuna wakwe i tiviwa nguvu lomu mugangeni

A sati wa mu nene i neha wudzunzo ka nuna wakwe. Xikhatini xa Hosi Lemueli, a nuna loyi a nga hi ni sati wa mu nene i wa tiviwa nguvu lomu mugangeni wabye. (Mav 31:23) Nyamutlha a vavanuna lava va ringanelwako va tira kota madota ni malanza ya wutireli. Loku a wanuna a chadile, kasi a ringanelwa hi ku tira kota dota kutani nanza, a sati wa kona i fanele kuva ni mahanyela ma nene a tlhela a mu seketela khwatsi. (1 Ti 3:4, 11) A vasati lavo va va nene va tsakelwa nguvu; niku a va tsakelwe ntsena ni vanuna vabye, kanilezi ni bandla gonawu ga va tsakela.

Wasati a wulawulako ni nuna wakwe hi ndlela ya yi nene, a xikhati a nuna a khatalelako zilo za bandla, yena i khatalela vana vakwe a tlhela a va xavela zakuga

A wasati wa mu nene i vuna nuna wakwe kuva a tira lomu bandleni hi ku . . .

mu tiyisa hi magezu. — Mav 31:26
a nga lusi loku a nuna wakwe a tirela bandla. — 1 Tes 2:7, 8
a nga ti laveli za hombe. — 1 Ti 6:8
a nga mu wutisi zilo za xihundla zi yelanako ni bandla. — 1 Ti 2:11, 12; 1 Pe 4:15