A matilo maswa ni misava yiswa zi ta neha litsako la hombe

A xitsumbiso xa Nungungulu xa kutlhelisela xi tsalilweko lomu ka xipimo 65 xa bhuku ga Isaya xa lisine laha ka kuza Jehova a zi wulisa ku khwatsi hi loku xi tatisekile.

Jehova i vanga matilo maswa ni misava yiswa, laha a zilo za kale zi to kala zi nga ha alakanyiwi

65:17

Zini a matilo maswa?

• Mufumo wuswa lowu wu to neha kululama laha misaveni

• Wu yimisilwe hi 1914 a xikhati lexi Jesu a nga yimisiwa kota Hosi ya Mufumo wa Nungungulu

Zini a misava yiswa?

• Vanhu va matiko wontlhe, tirimi ni hlonge lava va ingisako mufumo wuswa wa le tilweni hi kuziranza

A zilo za kale zi nga ta ha alakanyiwa hi ndlela muni?

• Zontlhe lezi zi hi mahako hi bayiseka loku hi zi alakanya — zo fana ni kuxaniseka hi tlhelo ga nyama, ga maalakanyo ni ga mbilu — zi nga ta hava kona

• A vanhu vo tsumbeka va ta hanya wutomi go nanziha nguvu; niku va ta ti buza hi ku alakanyela zilo zo saseka za siku ginwe ni ginwani gi to ngha gi hunzile